Prajakta Mali : 'पोस्ट ऑफीस उघडं आहे' मालिकेद्वारे प्राजक्ता माळीचे छोट्या पडद्यावर पुनरागमन; नव्या भूमिकेची चाहत्यांना उत्सुकता

Prajakta Mali : प्रेक्षकांची लाडकी अभिनेत्री प्राजक्ता माळी 'पोस्ट ऑफीस उघडं आहे' या मालिकेत विशेष व्यक्तिरेखा साकारणार आहे.

Prajakta Mali

Prajakta Mali On Post Office Ughade Ahe : मराठी मनोरंजनसृष्टीतील लोकप्रिय अभिनेत्रींच्या यादीत प्राजक्ता माळी (Prajakta Mali) हे नाव कायमच आघाडीवर असते. तिने अभिनयाच्या जोरावर प्रेक्षकांच्या मनात एक वेगळे स्थान निर्माण केलं आहे. आता 'पोस्ट ऑफिस उघडं आहे' (Post Office Ughde Ahe) या मालिकेत प्राजक्ताची एन्ट्री होणार आहे. 

सहा वर्षांनी प्राजक्ताचं छोट्या पडद्यावर पुनरागमन (Prajakta Mali Comeback)

आता प्राजक्ता माळी आपल्या चाहत्यांना आश्चर्यचकित करणार आहे. 'पोस्ट ऑफीस उघडं आहे' या मालिकेत तिची एन्ट्री होणार आहे. तब्बल सहा वर्षांनी ती मालिकेत पुनरागमन करत आहे. तिला मालिकेत पाहण्याची संधी मिळत असल्याने तिचा चाहतावर्ग नक्कीच आनंदी होणार आहे आणि तिच्या चाहत्यांसाठी ही पर्वणी ठरणार आहे. पारगाव पोस्टात तिच्या येण्यामुळे काय धमाल होणार आहे, हे पाहणे रंगतदार ठरेल. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Prajaktta Mali (@prajakta_official)

पोस्टात संगणक येण्याने आधीच सर्वांच्या कामात गोंधळ निर्माण झाले आहेत. त्यात आता पोस्टात नवीन एन्ट्री झाल्यामुळे आणखीन काय पाहायला मिळणार, हे पाहणे प्रेक्षकांसाठी उत्सुकतेचं ठरणार आहे. प्राजक्ता छोट्या पडद्यावर पुनरागमन करत असल्याने तिची नवीन भूमिका पाहण्यासाठी चाहते उत्सुक आहेत.

प्राजक्ता माळीबद्दल जाणून घ्या... (Who Is Prajakta Mali)

सुरुवातीच्या काळात काही मालिकांत काम करत प्राजक्ता घराघरांत पोहोचली. फक्त मालिकाच नव्हे तर मराठी चित्रपटांमध्ये काम करण्याचंही स्वप्न तिनी पाहिलं आणि ते स्वप्न सत्यात उतरवलं. मालिका, चित्रपट, वेबसिरीज या तिन्ही माध्यमांमध्ये प्राजक्ता उत्तम काम करतेच. पण त्याबरोबरीनेच 'महाराष्ट्राची हास्यजत्रा' या लोकप्रिय कार्यक्रमाच्या सूत्रसंचालनाची जबाबदारीही तिने उत्तमरीत्या पेलली आहे. सुरुवातीपासूनच ती 'महाराष्ट्राची हास्यजत्रा' या कार्यक्रमाचा महत्त्वाचा भाग आहे. प्राजक्ताने अधिक मेहनत करत कलाविश्वात स्वतःचं एक वेगळं स्थान निर्माण केलं आहे. ती एक उत्कृष्ट अभिनेत्री, निवेदिका, नृत्यांगना आहे. याबरोबरीनेच ती एक कवयित्री आणि उद्योजिका म्हणूनही नावारुपास येत आहे. 

पोस्ट ऑफीस उघडं आहे
कुठे पाहू शकता? सोनी मराठी
किती वाजता? गुरुवार ते शनिवार रात्री 9 वा.

संबंधित बातम्या