मोठी बातमी : विनायक राऊत ते चंद्रकांत खैरे, चंद्रहार पाटील, पराभूत उमेदवार 'मातोश्री'वर
Uddhav Thackeray: लोकसभा निवडणूक 2024 च्या निवडणूकीत पराभूत झालेल्या उमेदवार उद्धव ठाकरेंची भेट घेण्यासाठी मातोश्रीवर दाखल झाले आहेत.
मुंबई: शिवसेना ठाकरे गटाचे लोकसभा निवडणुकीतील पराभूत उमेदवार आज मातोश्रीवर दाखल झाले आहेत. ठाकरे गटाचे पक्षप्रमुख उद्धव ठाकरे (Uddhav Thackeray) यांच्या भेटीसाठी हे सर्व उमेदवार आले आहेत. यामध्ये रायगड लोकसभेचे उमेदवार अनंत गिते, औरंगाबादचे पराभूत उमेदवार चंद्रकांत खैरे रत्नागिरी सिंधुदुर्गचे पराभूत उमेदवार विनायक राऊत आणि आमदार भास्कर जाधव यांचा समावेश आहे. याशिवाय सांगलीचे पराभूत उमेदवार चंद्रहार पाटील हे सुद्धा मातोश्रीवर पोहोचले.
लोकसभा निवडणुकीत (Lok Sabha Election 2024) उद्धव ठाकरे यांच्या शिवसेनेला 9 जागा मिळाल्या. मात्र उद्धव ठाकरेंचे दिग्गज उमेदवारांचा पराभव झाला. यामध्ये विनायक राऊत, चंद्रकांत खैरे, अनंत गिते यासारख्या दिग्गजांचा समावेश आहे. त्यामुळे या पराभवाचं विवेचन आज 'मातोश्री'वर होत आहे.
उद्धव ठाकरेंचे दिग्गज उमदेवार पराभूत
उद्धव ठाकरे यांच्या शिवसेनेने 21 जागांवर लोकसभा निवडणूक लढली होती. त्यापैकी केवळ 9 जागांवरच त्यांना विजय मिळवता आला. यामध्ये अरविंद सावंत, अनिल देसाई, संजय जाधव यांचा समावेश आहे. उद्धव ठाकरेंच्या 12 उमेदवारांचा पराभव झाला. या 12 मतदारसंघात भाजप आणि एकनाथ शिंदेंच्या शिवसेनेच्या उमेदवारांनी विजय मिळवला. केवळ रायगडमध्ये अजित पवारांच्या राष्ट्रवादीचे सुनील तटकरे विजयी झाले.
कोणकोणत्या जागांवर पराभव?
विनायक राऊत - रत्नागिरी सिंधुदुर्ग मतदारसंघ लोकसभा
चंद्रकांत खैरे - छत्रपती संभाजीनगर लोकसभा
अनंत गिते - रायगड लोकसभा
चंद्रहार पाटील - सांगली लोकसभा
राजन विचारे - ठाणे लोकसभा
वैशाली दरेकर - कल्याण लोकसभा
नरेंद्र खेडेकर - बुलढाणा लोकसभा
सत्यजीत पाटील - हातकणंगले लोकसभा
संजोग वाघेरे - मावळ लोकसभा
भारती कामडी - पालघर लोकसभा
अमोल किर्तीकर - मुंबई उत्तर पश्चिम
उद्धव ठाकरे यांचे निवडून आलेले खासदार
1) अरविंद सावंत- दक्षिण मुंबई लोकसभा
2) अनिल देसाई- दक्षिण मध्य मुंबई लोकसभा
3) संजय दीना पाटील- ईशान्य मुंबई लोकसभा
4) संजय जाधव- परभणी लोकसभा
5) ओम राजेनिंबाळकर- धाराशिव लोकसभा
6) भाऊसाहेब वाकचौरे- शिर्डी लोकसभा
7) राजाभाऊ वाजे- नाशिक लोकसभा
8) संजय देशमुख- यवतमाळ-वाशीम लोकसभा
9) नागेश पाटील-आष्टीकर- हिंगोली लोकसभा
शिवसेना ठाकरे गटाचे रायगडचे पराभूत उमेदवार अनंत गीते मातोश्रीवर दाखल
शिवसेना ठाकरे गटाचे औरंगाबादचे पराभूत उमेदवार चंद्रकांत खैरे मातोश्रीवर
मातोश्रीवर रत्नागिरी सिंधुदुर्गचे पराभूत उमेदवार विनायक राऊत आणि आमदार भास्कर जाधव देखील पोहोचले आहेत.
शिवसेना ठाकरे गटाचे सांगलीचे पराभूत उमेदवार चंद्रहार पाटील मातोश्रीवर
निवडणुकीनंतर आज उद्धव ठाकरे यांची भेट घेण्यासाठी चंद्रावर पाटील आले आहेत
संबंधित बातम्या:
महत्त्वाच्या बातम्या
