Beed : बीडची गुंडागर्दी...जिल्ह्यात ड्रायव्हिंग लायसन्स दिल्यासारखे बंदुक परवाने; 1281 अधिकृत पिस्तुल; खासदारांचा संताप
Beed Crime : सरपंच संतोष देशमुख यांच्या हत्या प्रकरणावरून वातावरण दिवसेंदिवस तापतच चाललंय. अशातच देशमुख यांच्या हत्या प्रकरणानंतर बीड जिल्ह्यात देण्यात आलेल्या शस्त्र परवान्याचा मुद्दा समोर आलाय.
Beed Crime बीड : बीडच्या मस्साजोगमधील सरपंच संतोष देशमुख यांच्या हत्या प्रकरणावरून वातावरण दिवसेंदिवस तापतच चाललंय. अशातच देशमुख यांच्या हत्या प्रकरणानंतर बीड जिल्ह्यात देण्यात आलेल्या शस्त्र परवान्याचा मुद्दा समोर आलाय. सामाजिक कार्यकर्त्या अंजली दमानिया यांनी ट्विट करत हे सर्व प्रकरण समोर आणले आहे. एकट्या बीड जिल्ह्यात एक हजाराहून अधिक परवानाधारक पिस्टल आहेत.
बीड जिल्ह्यात सरपंच संतोष देशमुख यांची हत्या झाल्यानंतर कायदा व सुव्यवस्थेबाबत अनेक प्रश्न उपस्थित केले जात आहे. या घटनेनंतर बीडचा बिहार होतोय का? असं देखील सर्व स्तरातून बोलले जातंय. देशमुख यांच्या प्रकरणानंतर बीड जिल्ह्यात सामाजिक कार्यकर्त्या अंजली दमानिया यांनी मंत्री धनंजय मुंडे यांचे कार्यकर्ते कैलास फड यांचा हवेत गोळीबार करताना व्हिडिओ ट्विट केला. आणि शस्त्र परवाना बाबत प्रश्न उपस्थित केले आहेत.
बीड जिल्ह्यात 1 हजार 281 पिस्तूल परवाने, तर 295 अर्ज फेटाळले
बीड जिल्ह्यात एक हजार 281 पिस्तूल परवाने आहेत. तर 295 जणांचे अर्ज फिटाळण्यात आले आहे. जिल्हाभरातून आलेल्या अर्जातून एकट्या परळी तालुक्यात 55 अर्ज फेटाळले गेलेत. दरम्यान पिस्तूल परवान्यासाठी कोणत्याही शिफारशीची गरज लागत नसून त्यासाठी अनेक नियमावली असल्याचं बीडमधील पिस्तूल परवानाधारक पत्रकार भागवत तावरे यांनी सांगितले आहे.
खासदार बजरंग सोनवणे यांचा संताप, म्हणाले...
सरपंच देशमुख हत्या प्रकरणानंतर विरोधकांसह सत्ताधाऱ्यांकडून देखील या प्रकरणाची चौकशी करून सूत्रधाराला अटक करण्याची मागणी केली जातेय. आज बजरंग सोनवणे यांनी पत्रकार परिषद घेऊन जिल्ह्यातील कायदा व सुव्यवस्थेचा प्रश्न बीड जिल्ह्यात किती गंभीर आहे. याबाबत भाष्य केले. तर यातील मास्टरमाइंडचा शोध घेतला नाही तर मात्र 28 तारखेच्या मोर्चानंतर स्वतः बजरंग सोनवणे उपोषणाला बसणार आहेत.
परळी मधील कैलास फड आणि त्याचा मुलगा निखिल कैलास फोड याने त्याच्या मुलांसमोर त्याच्याकडे असलेल्या परवानाधाराक रिवॉल्वरमधून हवेत गोळ्या झाडल्या. हाच तो कैलास फड जाणे मतदानादिवशी राष्ट्रवादी काँग्रेस शरद पवार गटाचे नेते माधव जाधव याला सुद्धा सगळ्यांसमोर मारहाण केली होती. प्रश्न केवळ हातात रिवॉल्वर असण्याचा नाही, तर कायद्याचा धाक न उरल्यामुळेच बीडमध्ये ही गुंडागर्दी वाढली असल्याचे बोलले जात आहे.
बीडचा बिहार झाला आहे का?
मागच्या काही दिवसापासून बीड जिल्ह्यामध्ये घडणाऱ्या गुन्हेगारी स्वरूपाच्या घटना त्या इतक्या वाढल्यात की बीड जिल्ह्यात कायद्याचा धाक आहे किंवा नाही? असा प्रश्न उपस्थित व्हावा अशी परिस्थिती निर्माण झाली आहे. आता या परिस्थितीला केवळ एक जण दोषी आहे असेही म्हणता येणार नाही. ज्यावेळी एखाद्या जिल्ह्यामध्ये अशी परिस्थिती निर्माण होते त्यावेळी या व्यवस्थेतील प्रत्येक घटक त्याला थोड्याफार प्रमाणामध्ये जबाबदार असतो. त्यामुळे बीडचा बिहार झाला आहे का नाही याची चर्चा करण्यापेक्षा बीडची ही परिस्थिती सुधारण्यासाठी कोणी पुढे येणार आहे की नाही हा खरा प्रश्न आहे.
ही बातमी वाचा:
महत्त्वाच्या बातम्या
ट्रेंडिंग न्यूज
