Sanjog Waghere: संजोग वाघेरेंचा ठाकरे गटात प्रवेश; उद्धव ठाकरेंनी मावळचं रणशिंग फुंकलं, श्रीरंग बारणेंविरोधात उमेदवारी जवळपास निश्चित
Maharashtra Politics: पिंपरी चिंचवडमधील अजित पवारांचे निकटवर्तीय माजी महापौर संजोग वाघेरेंनी ठाकरेंच्या शिवसेनेत जाहीर पक्षप्रवेश केला आहे.
Sanjog Waghere Joins Thackeray Group: मुंबई : आगामी लोकसभा निवडणुकांचे (Lok Sabha Election 2024) वारे संपूर्ण देशभरात वाहू लागले आहेत. महाराष्ट्रात (Maharashtra Politics) गेल्या दोन वर्षांत घडलेल्या नाट्यमयी घटनांमुळे आगामी लोकसभा (Lok Sabha) निवडणूक चुरशीची होणार, यात काही शंकाच नाही. अशातच सर्व पक्षांनी आपापली कंबर कसली आहे. तसेच, ऐन लोकसभा निवडणुकांच्या पार्श्वभूमीवर उपमुख्यमंत्री अजित पवार (Ajit Pawar) यांना मोठा धक्का बसला आहे. एका विश्वासू कार्यकर्त्यानं अजित पवारांचे पुत्र पार्थ पवार (Parth Pawar) यांच्याशी शड्डू ठोकला आहे. तसेच, मावळचं (Maval Lok Sabha Constituency) मैदान मारणार, असं म्हणत रणशिंगही फुंकलं आहे. पिंपरी चिंचवडमधील अजित पवारांचे निकटवर्तीय माजी महापौर संजोग वाघेरेंनी ठाकरेंच्या शिवसेनेत जाहीर पक्षप्रवेश केला आहे. मातोश्री येथे वाघेरेंचा पक्षप्रवेश पार पडला. यावेळी बोलताना उद्धव ठाकरे म्हणाले की, मला मावळमध्ये प्रचाराला यायची गरजच नाही, आजच मावळमध्ये भगवा फडकला.
ठाकरे गटाचे पक्षप्रमुख उद्धव ठाकरे बोलताना म्हणाले की, "मला भेटल्यावर तुम्ही भावूक झालात, म्हणालात, मला भावूक आणि घाऊक याचा फरक कळायला लागला आहे. काहीजण भावूक आहे, जे भावनेला महत्त्व देतात, ज्यांच्यात संवेदना आहेत, ते निष्ठेनं भगव्यासोबत आहेत. काहीजण घाऊक आहेत, त्यांना आता खोक्यामध्ये बंद करयाच आहे. तसं पाहिलं तर मावळ मतदारसंघ जेव्हापासून निर्माण झाला, तेव्हापासूनच शिवसेना जिंकत आली आहे. आधी बाबर होते. त्यानंतर मी शब्द दिला होता, म्हणून जे आता गद्दार झालेत, त्यांना उमेदवारी दिली. म्हणजे, असं काही नव्हतं की, शिवसेनेकडे उमेदवार नव्हता. आता त्यांनी गद्दारी केली, गद्दार आणि स्वाभिमानी हा संजोग आणि त्या गद्दारांमध्ये आहे. फरक स्वच्छ आहे. आज तुम्ही सगळे शिवसेनेत आलात, काय असं शिवसेनेमध्ये आहे आता की तुम्ही येताय? सत्ता जी होती, ती पुन्हा येणारच आहे, त्याबाबत दुमत नाही. पण सत्ता त्यांनी हिसकावून घेतली, गद्दारी केली."
जिथे सत्ता असते तिथे, गर्दीचा ओघ असतो, पण इथे वेगळंय : उद्धव ठाकरे
"आज तुम्ही सर्वांनी पक्षप्रवेश केला. इथे सत्ता नसताना सत्ता आणण्याच्या जिद्दीनं तुम्ही इथे आलात. काही आपली खुर्ची टिकवण्याच्या लाचारीनं जे गेलेले आहेत, हाच स्वाभिमान आणि लाचारीतला फरक आहे. जिथे सत्ता असते तिथे, गर्दीचा ओघ असतो. पण इथे वेगळं आहे. मला तुमचा उत्साह सांगतोय की, तिथे प्रचाराला येण्याची गरज नाही, आजच तिथे मावळमध्ये भगवा फडकला आहे. हा मावळ मतदारसंघ वेगळा आहे. तरी मी प्रचाराला तर येईलच.", असं उद्धव ठाकरे म्हणाले.
"सातत्यानं विचारलं जातं की, इंडिया पंतप्रधान पदासाठी पर्याय कोण? पण आमच्याकडे पंतप्रधान पदांसाठी खूप पर्याय आहेत, पण भाजपकडे कोण आहेत? आणि जे आहेत, त्यांचं कतृत्त्व आपण गेली दहा वर्ष पाहिलंच आहे.", असं उद्धव टाकरे म्हणाले.
संजोग वाघेरे कोण आहेत?
- माजी महापौर दिवंगत भिकू वाघेरे यांचे ते पुत्र आहेत.
- संजोग वाघेरे राष्ट्रवादीच्या तिकिटावर तीन वेळा नगरसेवक राहिलेत
- महापौर म्हणून त्यांनी कारभार पाहिलाय
- त्यांच्या पत्नी ही नगरसेविका होत्या
- स्थायी समितीचे अध्यक्ष पद ही त्यांनी भूषवले आहे
- संजोग वाघेरे राष्ट्रवादी चे सलग 8 वर्षे शहराध्यक्ष राहिलेत
- शरद पवार आणि अजित पवार यांचे निकटवर्तीय म्हणून या कुटुंबाकडे पाहिलं जातं
महत्त्वाच्या इतर बातम्या :
पाहा व्हिडीओ : Uddhav Thackeray : Ajit Pawar यांचे शिलेदार Sanjog Waghere उद्धव ठाकरे यांच्या गटात
महत्त्वाच्या बातम्या
ट्रेंडिंग न्यूज
