MNS Gudipadwa Melava: राज ठाकरेंच्या गुढीपाडव्याच्या सभेचा ट्रेलर लाँन्च, मोठे खुलासे करणार! एका मिनिटांच्या व्हिडीओमध्ये संकेत!

MNS Gudipadwa Melava: काही दिवसांपूर्वी राज ठाकरेंनी (Raj Thackeray) दिल्लीवारी केली, तेव्हापासूनच मनसे महायुतीत सामील होणार या चर्चांना उधाण आलं होतं. पण नेमकं घडतंय काय? हा प्रश्न प्रत्येकाच्याच मनात आहे. अशातच राज ठाकरेंनी आता मनसैनिकांना साद घातली आहे.

MNS Gudipadwa Melava

Raj Thackreay MNS Gudipadwa Melava 2024 : मुंबई : राज्यात लोकसभा निवडणुकांचा (Lok Sabha Election 2024) धुरळा पाहायला मिळतोय. सर्वच पक्षांनी आपपल्याप्रमाणे समीकरणं जुळवून इतर पक्षांसोबत युती केली आहे. अशातच गेल्या काही दिवसांपासून महाराष्ट्र नवनिर्माण सेना (Maharashtra Navnirman Sena) महायुतीत सामील होणार अशा चर्चांना उधाण आलं आहे. पण अद्याप काही ठोस निर्णय मनसेकडून (MNS) तरी झाल्याचं दिसत नाही. काही दिवसांपूर्वी राज ठाकरेंनी (Raj Thackeray) दिल्लीवारी केली, तेव्हापासूनच मनसे महायुतीत सामील होणार या चर्चांना उधाण आलं होतं. पण नेमकं घडतंय काय? हा प्रश्न प्रत्येकाच्याच मनात आहे. अशातच राज ठाकरेंनी आता मनसैनिकांना साद घातली आहे. मला आपल्याशी प्रत्यक्ष बोलायचंय, असं म्हणत राज ठाकरेंनी गुडीपाडव्याच्या सभेत नेमकं काय घडतंय? सर्व सांगणार असल्याचं जाहीर केलं आहे. 

महाराष्ट्र नवनिर्माण सेनेचे अध्यक्ष राज ठाकरे यांनी आपल्या अधिकृत ट्विटर हँडलवरुन गुडीपाडव्याच्या मेळाव्याचा ट्रेलर लॉन्च केला आहे. "9 तारखेला शिवतीर्थावर या, नक्की काय घडलंय, काय घडतंय... हे मला आपल्याशी प्रत्यक्ष बोलायचं आहे!", अशा कॅप्शनसह राज ठाकरेंनी गुडीपाडवा मेळाव्याचा ट्रेलर प्रदर्शित केला आहे. 

९ तारखेला शिवतीर्थावर या, नक्की काय घडलंय, काय घडतंय... हे मला आपल्याशी प्रत्यक्ष बोलायचं आहे ! #मनसे_पाडवामेळावा #MNSGudhiPadwaRally pic.twitter.com/OgImzXTSQX

— Raj Thackeray (@RajThackeray) April 5, 2024

मनसेसोबतच्या युतीचा महायुतीला फायदा काय? 

भाजप आणि मनसे यांच्यात युतीच्या चर्चा सुरू आहेत. जर युती झाली तर मनसे एक जागा लढवणार असल्याच्या चर्चाही सुरू आहेत.पण यंदाच्या निवडणुकीत चित्र काहीसं वेगळं आहे. कारण संपूर्ण मुंबईवर प्रभुत्व असणाऱ्या शिवसेनेतच फूट पडली आहे. शिवसेनेचे दोन गट झाले. एक शिंदे गट आणि दुसरा ठाकरे गट. शिंदेंनी भाजपची साथ दिली, तर ठाकरे महाविकास आघाडीसोबतच राहिले. या फुटीनं राज्याच्या राजकारणाचं गणित तर बदललंच पण त्यासोबतच शिवसेनेचंही समीकरणं बदललं. अशातच मुंबईवर विजय मिळवायचा असेल, तर ठाकरेंना रोखावं लागेल आणि यासाठी महायुतीला मदत होणार मनसेची. कारण संपूर्ण मुंबईत शिवसेनेसोबतच मनसेचं वजनही मोठं आहे. मोठ्या प्रमाणातील मराठी व्होटबँक मनसेच्या बाजूनं आहे. गेल्या निवडणुकीतही मराठी व्होटबँक मनसेनं मोठ्या प्रमाणावर आपल्याकडे खेचल्याचं पाहायला मिळालं होतं. त्यामुळे ठाकरेंना चितपत करण्यासाठी भाजपनं मनसेला आपल्यासोबत घेण्याची योजना आखली असल्याचं बोललं जात आहे.