Pune Rave Party Pranjal Khewalkar मोठी बातमी: प्रांजल खेवलकरांनी केलेलं मद्यपान, ड्रग्स कोणी कोणी घेतलं?; ससूनच्या वैद्यकीय अहवालात सगळं समोर आलं

Pune Rave Party Pranjal Khewalkar: पुणे पोलीसांनी अटक केल्यानंतर प्रांजल खेवलकर आणि इतर सहा जणांना पुणे पोलिसांनी अटक केली. त्यानंतर त्यांची ससून रूग्णालयात वैद्यकीय तपासणी केली.

Pune Rave Party Pranjal Khewalkar

Source : ABP

Rohini Khadse On Pranjal Khewalkar: पुण्यातील रेव्ह एका पार्टीवर (Pune Rave Party) काल (27 जुलै) पोलिसांनी धाड टाकली. या कारवाईत एकनाथ खडसे (Eknath Khadse) यांचा जावई आणि रोहिणी खडसे यांचे पती प्रांजल खेवलकर (Pranjal Khewalkar) यांना अटक करण्यात आली. सदर प्रकरणी सर्व आरोपींना काल न्यायालयात हजर करण्यात आले. यावेळी प्रांजल खेवलकरसह सातही आरोपींना न्यायालयाने दोन दिवसांची पोलीस कोठडी सुनावली.

सदर प्रकरणातील आरोपींना अटक केल्यानंतर सर्वांची वैद्यकीय तपासणी करण्यात आली. प्रांजल खेवलकर आणि श्रीपाद यादव यांनी मद्यप्राशन केल्याचे अहवालातून समोर आले आहे. पुणे पोलीसांनी अटक केल्यानंतर प्रांजल खेवलकर आणि इतर सहा जणांना पुणे पोलीसांनी अटक केली. त्यांची ससून रूग्णालयात वैदयकीय तपासणी केली असता‌ सात पैकी दोघांनी मद्यपान केल्याचा प्राथमिक अहवाह पोलीसांनी दिलाय. सातपैकी कोणी अंमली पदार्थांचं सेवन केलं होतं का? हे मात्र न्यायवैद्यकीय प्रयोगशाळा (Forensic Science Laboratory) अहवालानंतरच स्पष्ट होणार आहे.

रोहिणी खडसेंची पुणे पोलीस आयुक्तांसोबतची भेट रद्द-

रोहिणी खडसेंची पुणे पोलीस आयुक्तांसोबतची भेट रद्द झाली आहे. पती प्रांजल खेवलकर यांच्यावर झालेल्या कारवाईबद्दल चर्चा करण्याचं शरद पवारांच्या राष्ट्रवादीच्या नेत्यांनी ठरवलं होतं. स्वत: रोहिणी खडसे, रोहित पवार आणि शहराध्यक्ष प्रशांत जगताप यांच्यासह पक्षाचे पदाधिकारी आयुक्तांना भेटणार होते. रोहित पवार यांच्या पीएकडून पोलीस आयुक्त अमितेश कुमार यांच्याशी संपर्क करुन भेटीची वेळ नक्की केली होती. अमितेश कुमार यांनी अकरा वाजता भेटण्याचे मान्य केले होते. त्यासाठी माध्यमांच्या प्रतिनिधींनी साडे दहा वाजता पोलीस आयुक्तालयात जाण्याचा प्रयत्न केला असता त्यांना प्रवेश नाकारण्यात आला. ही भेट माध्यमांच्या कॅमेराशिवाय होईल असे सांगण्यात आले. मात्र काही मिनिटांतच राष्ट्रवादीच्या स्थानिक नेत्यांनी भेट रद्द झाल्याचे जाहीर केलं. रोहिणी खडसे वेळेत पोहचू शकत नसल्याने भेट रद्द झाल्याचे सांगण्यात आले. रोहिणी खडसे यांची मात्र यावर प्रतिक्रिया आलेली नाही.

ज्या फ्लॅटमधे पार्टी झाली तिथले सीसीटीव्ही फुटेज देखील तपासणार-

पुणे पोलिसांनी छापा टाकून एकानाथ खडसे यांचे जावई प्रांजल खेवलकर यांच्यासह सात जणांना पार्टी करताना 27 जुलै रोजी पहाटे अटक केली.या पार्टीत अमंली पदार्थ सापडल्याचा पुणे पोलीसांचा आरोप आहे. 26 जुलै रात्री पुण्यातील खराडी भागातील एका फ्लॅटवर ही पार्टी सुरु झाली होती. मात्र पोलीसांच्या मते अशीच पार्टी 25 जुलैला देखील झाली होती असा पोलिसांचा दावा आहे. प्रांजल खेवलकर यांनी चार दिवसांसाठी तो फ्लॅट बुक केला होता. त्यामुळे पुणे पोलीस शुक्रवारी 25 जुलैला झालेल्या पार्टीची देखील चौकशी करणार आहेत. त्यासाठी ज्या फ्लॅटमधे पार्टी झाली तिथले सीसीटीव्ही फुटेज देखील तपासणार आहेत.

अटक करण्यात आलेल्या सात आरोपींची नावे

• प्रांजल मनिष खेवलकर(41)
• निखिल जेठानंद पोपटाणी (35)
• समीर फकीर महमंद सय्यद (41)
• सचिन सोनाजी भोंबे (42)
• श्रीपाद मोहन यादव (27)
• ईशा देवज्योत सिंग (23)
• प्राची गोपाल शर्मा (22)

रेव्ह पार्टी प्रकरणात कोर्टात नक्की काय घडलं?, VIDEO:

संबंधित बातमी: