Praful Patel: स्थानिक स्वराज्य संस्थांच्या निवडणुकीत युतीचा विचार डोक्यातून काढून टाका; प्रफुल्ल पटेलांनी कार्यकर्त्यांना दिल्या स्पष्ट सूचना
Praful Patel: स्थानिक स्वराज्य संस्थांच्या निवडणुकीमध्ये जिथं युती होईल तिथं युती करायची, असं आमचं धोरण आहे. त्यामुळं युतीचं डोक्यातून काढून टाका, अशा थेट सूचना प्रफुल्ल पटेल यांनी दिल्या आहेत.
Praful Patel: स्थानिक स्वराज्य संस्थांच्या निवडणुकीमध्ये जिथं युती होईल तिथं युती करायची, असं आमचं धोरण आहे. त्यामुळं युतीचं (Maha Yuti) डोक्यातून काढून टाका, अशा थेट सूचना राष्ट्रवादी काँग्रेस अजित पवार गटाचे खासदार प्रफुल्ल पटेल (Praful Patel) यांनी दिले आहेत. भंडाऱ्यात (Bhandara) आयोजित कार्मक्रमात कार्यकर्त्यांना संबोधित करताना त्यांनी या स्पष्ट सूचना दिल्यात.
आपली ताकत असेल तर आपण लढायचं- प्रफुल्ल पटेल
प्रभागात आपल्याकडे सक्षम उमेदवार असेल, दुसऱ्याकडे असेल आणि तिसऱ्याकडेही उमेदवार राहू शकतो. अशा स्थितीत आपल्या कार्यकर्त्याला संधी नं देणं, त्याचं मन दुखवण, हे योग्य वाटतं नाही. त्यामुळे जिथे सोयीचं वाटत असेल आपण तिथे बघू. सार्वत्रिक निवडणूक आहे. मतांचा विचार असतो. जिथे आपली ताकद आहे तिथं आपण विचार केलाचं पाहिजे. असं होणार नाही की मागल्या वेळेस तिथं कोणी जर दुसऱ्याचा निवडून आला असेल तर त्यालाचं जागा सोडायची. आपली ताकत असेल तर आपण लढायचं. त्यामुळे आपणच प्रत्येक प्रभागात आपलाच उमेदवार निवडणूक लढेल या विचारांनाच प्रत्येकाने आता कामाला लागलं पाहिजे, असेही खासदार प्रफुल्ल पटेल म्हणाले. आपण गफलतीत राहणार नाही. अशा सूचना देत खासदार प्रफुल्ल पटेल यांनी कार्यकर्त्यांना कामाला लागण्याच्या सूचना दिल्याय.
शिवसेनेची ताकद आहे ती एकनाथ शिंदेंकडे आहे- प्रफुल्ल पटेल
दरम्यान मनसे प्रमुख राज ठाकरे आणि शिवसेना ठाकरे गटाचे प्रमुख उद्धव ठाकरे हे एकत्र येऊन आगामी निवडणुका लढतील आणि कुठलीही अघोरी शक्ती त्यांना पराभूत करणार नाही, असं विधान ठाकरे गटाचे खासदार संजय राऊत यांनी केलं होतं. याबाबत विचारले असता प्रफुल्ल पटेल म्हणाले की, उद्धव ठाकरे, राज ठाकरे हे बाळासाहेब असताना शिवसेनेत एकत्रच होते. वेगळे झाल्यानंतर आता एकत्र आले तर, काय फरक पडणार आहे. एकनाथ शिंदे शिवसेना वेगळी करून लढलेत आज त्यांच्यासोबत अनेक आमदार आहेत आणि परत ते निवडून आलेले आहेत. आता ते दोन एकत्र आले की, वेगळे राहिले तरी काही फरक पडत नाही. जी शिवसेनेची ताकद आहे ती एकनाथ शिंदेंकडे आहे. मुंबई महानगरपालिकेतील 90 पेक्षा अधिक जे नगरसेवक आहे ते एकनाथ शिंदे सोबत आलेले आहेत. जे काही होईल ते मतपेटीच्या माध्यमातून लोकांसमोर येईल, असा विश्वास त्यांनी व्यक्त केला.
आणखी वाचा
महत्त्वाच्या बातम्या
