![ABP Premium](https://cdn.abplive.com/imagebank/Premium-ad-Icon.png)
Mahayuti Seat Sharing : भाजप अन् राष्ट्रवादीची एकनाथ शिंदेंवर कुरघोडी, नाशिक, ठाणे आणि सातारच्या जागेवरुन दबाव तंत्राचा वापर सुरू?
Mahayuti Seat Sharing : महायुतीमध्ये जागा वाटपाचा तिढा अद्याप सुटला नसल्याचे पाहायला मिळत आहे.
![Mahayuti Seat Sharing : भाजप अन् राष्ट्रवादीची एकनाथ शिंदेंवर कुरघोडी, नाशिक, ठाणे आणि सातारच्या जागेवरुन दबाव तंत्राचा वापर सुरू? Mahayuti Seat Sharing BJP and NCP continue to use pressure technique on Eknath Shinde, which party contest from Nashik, Thane and Satara Loksabha seats? Mahayuti Seat Sharing : भाजप अन् राष्ट्रवादीची एकनाथ शिंदेंवर कुरघोडी, नाशिक, ठाणे आणि सातारच्या जागेवरुन दबाव तंत्राचा वापर सुरू?](https://feeds.abplive.com/onecms/images/uploaded-images/2024/04/09/67dbb7ba34eb0fd8555f9b03430fe92c1712670488077924_original.jpg?impolicy=abp_cdn&imwidth=1200&height=675)
Mahayuti Seat Sharing : महायुतीमध्ये जागा वाटपाचा तिढा अद्याप सुटला नसल्याचे पाहायला मिळत आहे. महायुतीमध्ये अद्याप ठाणे, नाशिक, सातारा या जागांवरून एकमेकांवर दबाव तंत्राचा वापर सुरू आहे. भाजपकडून एकनाथ शिंदे (Eknath Shinde) यांचा बालेकिल्ला असलेली ठाण्याची जागा आपल्याकडे घेण्यासाठी प्रयत्न सुरु आहेत. तर राष्ट्रवादी काँग्रेस पक्षाकडून एकनाथ शिंदेंच्या शिवसेनेला नाशिकची (Nashik) जागा मागण्यात आली आहे. या दोन्ही महत्त्वाच्या जागा ह्या सध्या शिवसेनेकडे आहेत. त्यामुळे शिवसेनेने या दोन्ही जागांवरचा आपला क्लेम सोडण्यास नकार दिला आहे. नाशिक आणि ठाण्याच्या जागेवर भाजप आणि राष्ट्रवादीचे एकनाथ शिंदे यांच्यावर दबावतंत्र सुरु असल्याचे बोलले जात आहे.
नाशिकच्या जागेवरुन राष्ट्रवादी अन् शिवसेनेत संघर्ष
केंद्रीय गृहमंत्री अमित शहा यांच्यासोबत चर्चा झाल्यानंतर नाशिकची जागा अजित पवारांच्या राष्ट्रवादी काँग्रेस पक्षाला मिळेल , असं सांगण्यात येतं होतं. मात्र एकनाथ शिंदे यांचे पुत्र श्रीकांत शिंदे यांनी नाशिकची जागा शिवसेना लढवणार आणि हेमंत गोडसे या ठिकाणाहून उमेदवार असणार अशी घोषणा अगोदरच केल्याने युतीमध्ये नाराजी निर्माण झाली होती. दुसरीकडे शिवसेनेतील स्थानिक पदाधिकाऱ्यांनी देखील कोणतेही परिस्थितीत ही जागा राष्ट्रवादीला द्यायचे नाही, अशीच भूमिका घेतल्याचे पाहायला मिळत आहे.
नाशिकच्या जागेवरुन राष्ट्रवादी काँग्रेस पक्षाच्या वतीने छगन भुजबळ उमेदवारी घेत लढण्याची शक्यता आहे. मात्र जवळपास अमित शहा यांच्यासोबतच्या बैठकीला पंधरा दिवस उलटून देखील अद्याप याबाबतचा निर्णय घेण्यात आलेला नाही. दुसरीकडे ठाण्यातून देखील शिवसेनेच्या पदाधिकाऱ्यांनी दबावाला बळी न पडता ठाण्याची जागा भाजपला द्यायला नकार दिला आहे. एकीकडे जागा वाटपामध्ये राष्ट्रवादी काँग्रेस पक्षाने सातारची जागा भाजपला सोडायची तयारी दर्शवली आहे. याबदल्यात नाशिक लोकसभेची जागा मिळावी अशी मागणी केली आहे. मात्र राष्ट्रवादी काँग्रेस पक्षाला नाशिकच्या जागेचा आश्वासन मिळवून देखील उमेदवार जाहीर करायची परमिशन न मिळाल्याने राष्ट्रवादी काँग्रेस पक्षाने नाराजी व्यक्त केली आहे.
नाशिक , ठाणे, सातारचा तिढा सुटेना
जर आश्वासन मिळुन देखील जर नाशिकची जागा मिळत नसेल तर सातारा लोकसभा मतदारसंघासाठी आमच्याकडे इच्छुक उमेदवार असून या ठिकाणाहून आम्ही सातारा जिल्हा मध्यवर्ती बँकेचे अध्यक्ष नितीन पाटील यांची उमेदवारी जाहीर करू अशी भूमिका घेतली आहे. त्यामुळे अद्याप ना सातारचा उमेदवार जाहीर झालाय ना नाशिकचे उमेदवार जाहीर झालाय ना ठाण्याचा उमेदवार जाहीर होऊ शकला आहे. एकंदरीतच महायुतीमध्ये एकमेकांबाबत दबाव तंत्राचा वापर सुरू असल्याचं पाहायला मिळत आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)