'तुम्ही कोणत्या गटात, तुमची भूमिका स्पष्ट करा', डोंबिवलीत शिवसेनेच्या शाखेत राडा

Shinde Group Vs Shiv Sena: 'तुम्ही कोणत्या गटात, तुमची भूमिका स्पष्ट करा', या कारणावरून डोंबिवलीच्या दीनदयाळ रोड येथील शिवसेना शाखेत शहर प्रमुख विवेक खामकर व पदाधिकार्यांमध्ये राडा झाला.

Shinde Group Vs Shiv Sena

Shinde Group Vs Shiv Sena: 'तुम्ही कोणत्या गटात, तुमची भूमिका स्पष्ट करा', या कारणावरून डोंबिवलीच्या दीनदयाळ रोड येथील शिवसेना शाखेत शहर प्रमुख विवेक खामकर व पदाधिकार्यांमध्ये राडा झाला. या प्रकरणी विष्णू नगर पोलिस ठाण्यात शहरप्रमुख  विवेक खामकर यांच्या विरोधात मारहाण, शिवीगाळ, पैसे चोरल्याबाबत तक्रार करण्यात आली आहे. या तक्रारीनुसार पोलिसांनी खामकर यांच्या विरोधात गुन्हा दाखल करत त्यांना अटक करण्यात आली आहे. दरम्यान विवेक खामकर यांची तीन दिवसांपूर्वी डोंबिवली शहर प्रमुख पदावर नियुक्त करण्यात आले होते. तर याबाबत खामकर यांनी मात्र मी शाखेत गेलो होतो, शाखा प्रमुखाला मी सदस्य नोंदणीबाबत विचारलं, मात्र माझ्यावर करण्यात आलेले आरोप खोटे असल्याचे सांगत त्यांनी आरोपांचा खंडन केलं. या घटनेमुळे कल्याण डोंबिवलीतील राजकीय वातावरण तापले आहे.

सध्या राज्यभरात शिंदे गट विरुद्ध शिवसेना अशा संघर्ष पाहायला मिळत आहे. त्यातच उद्धव ठाकरे गट व शिंदे गट या दोन्ही बाजूने कार्यकर्ते पदाधिकाऱ्यांना आवाहने, भावनिक साद घालण्याचे प्रयत्न सुरू आहेत. कल्याण डोंबिवलीत देखील या वादाचे पडसाद उमटले आहेत. काही नगरसेवक पदाधिकाऱ्यांनी शिंदे गटाचा रस्ता धरला आहे. त्यामुळे शिवसेनेत अस्वस्थता पसरली आहे. या पार्श्वभूमीवर शिवसेनेकडून नवीन पदाधिकाऱ्यांची नियुक्त्या देखील करण्यात आल्या आहेत. शिवसेनेचे नुकतेच नियुक्त झालेले डोंबिवली शहर प्रमुख विवेक खामकर शाखमध्ये भेट देत आहेत. 

शुक्रवारी डोंबिवली पश्चिमेकडील दीनदयाळ रोड वरील शिवसेना शाखेत खामकर काही कार्यकर्त्यांसह आले होते. यावेळी शाखेत शाखा प्रमुख परेश म्हात्रे ,पवन म्हात्रे हे होते. याबाबत परेश म्हात्रे म्हणाले की, ''खामकर काल शाखेत आले त्यांनी तुम्ही कोणत्या गटात, तुमची भूमिका स्पष्ट करा, असं आम्हाला विचारलं. तुम्ही सदस्य नोंदणीचे फॉर्म भरले नाहीत, असं सांगत वाद घालत शिवसेना शाखेवरील नेत्यांचे फोटो असलेला बॅनर काढून टाकले. आमच्याशी वाद घातला. एवढेच नाही तर शाखेत असलेल्या काही महत्त्वाची कागदपत्र आणि रोख रक्कम पंधरा हजार रुपये घेऊन गेले.'' या प्रकारानंतर परेश मात्रे यांनी डोंबिवली पश्चिम येथील विष्णू नगर पोलीस ठाण्यात धाव घेतली. या प्रकरणी म्हात्रे यांनी डोंबिवली विष्णू नगर पोलीस स्टेशनमध्ये विवेक खामकर यांच्या विरोधात मारहाण, शिवीगाळ, पैसे चोरल्याचा आरोप करत तक्रार नोंदवली आहे. खामकर यांच्या तक्रारीनुसार पोलिसांनी शिवसेनेचे शहर प्रमुख विवेक खामकर यांच्याविरोधात गुन्हा दखल करत त्यांना अटक केली आहे. आज खामकर यांना कल्याण न्यायालयात हजर केले असता न्यायालयाने त्यांना एक दिवसाची पोलीस कोठडी सुनावली आहे.

इतर महत्वाच्या बातम्या: