Maharashtra Political Crisis: दाऊदशी थेट संबंध असणाऱ्यांचं सेना समर्थन कशी करू शकते? संजय राऊतांच्या विधानावर शिंदेची प्रतिक्रिया
Maharashtra Political Crisis: शिवसेना नेते आणि खासदार संजय राऊत यांनी बंडखोर आमदारांवर केलेल्या वक्तव्यावर आता एकनाथ शिंदे यांनी आपली प्रतिक्रिया दिली आहे.
Maharashtra Political Crisis: शिवसेना नेते आणि खासदार संजय राऊत यांनी बंडखोर आमदारांवर केलेल्या वक्तव्यावर आता एकनाथ शिंदे यांनी आपली प्रतिक्रिया दिली आहे. ते म्हणाले आहेत, ''बाळासाहेबांची शिवसेना वाचवण्यासाठी मरण आलं तरी बेहत्तर.'' ते ट्वीट करून असं म्हणाले आहेत.
एकनाथ शिंदे ट्वीट करत म्हणाले आहेत की, ''मुंबई बाँबस्फोट घडवून निष्पाप मुंबईकरांचा जीव घेणाऱ्या दाऊदशी थेट संबंध असणाऱ्यांना हिंदुहृदयसम्राट वंदनीय बाळासाहेब ठाकरे यांची शिवसेना समर्थन कशी करू शकते? यालाच विरोध म्हणून उचललेलं हे पाऊल. आम्हा सर्वांना मृत्यूच्या दारात घेऊन गेले तरी बेहत्तर.'' शिंदे यांनी ट्वीट करत संजय राऊत यांनाही टॅग केलं आहे. तसेच त्यांनी या ट्विटसह #MiShivsainik हे हॅशटॅग ही जोडले आहे.
मुंबई बाँबस्फोट घडवून निष्पाप मुंबईकरांचा जीव घेणाऱ्या दाऊदशी थेट संबंध असणाऱ्यांना हिंदुहृदयसम्राट वंदनीय बाळासाहेब ठाकरे यांची शिवसेना समर्थन कशी करू शकते…?
— Eknath Shinde - एकनाथ शिंदे (@mieknathshinde) June 26, 2022
यालाच विरोध म्हणून उचललेलं हे पाऊल; आम्हा सर्वांना मृत्यूच्या दारात घेऊन गेले तरी बेहत्तर..#MiShivsainik @rautsanjay61
काय म्हणाले होते संजय राऊत?
दहिसर येथील शिवसेनेच्या मेळाव्यात मार्गदर्शन करताना संजय राऊत म्हणजे होते की, ''40 आमदारांचे मृतदेह थेट गुवाहाटीमधून येतील. त्यांना थेट शवागृहात पोस्टमोर्टमसाठी पाठवू. गुवाहाटीमध्ये एक मंदिर आहे. या मंदिरात रेड्याचा बळी दिला जातो. आम्ही 40 रेडे पाठवले आहेत.'' राऊत यांनी केलेल्या याच वादग्रस्त वक्तव्यावर एकनाथ शिंदे यांनी ट्वीट केलं आहे.
शिंदे यांनी एकामागून एक असे दोन ट्वीट केलं आहे. आपल्या दुसऱ्या ट्वीटमध्ये ते म्हणाले आहेत की, हिंदुहृदयसम्राट वंदनीय बाळासाहेब ठाकरे यांच्या हिंदुत्वाच्या विचारांसाठी आणि बाळासाहेबांची शिवसेना वाचविण्यासाठी आम्हाला मरण जरी आलं तरी बेहत्तर. तसे झाल्यास आम्ही सारे आमचं भाग्य समजू, असं ते ट्वीट करून म्हणाले आहेत.
हिंदुहृदयसम्राट वंदनीय बाळासाहेब ठाकरे यांच्या हिंदुत्वाच्या विचारांसाठी आणि बाळासाहेबांची शिवसेना वाचविण्यासाठी आम्हाला मरण जरी आलं तरी बेहत्तर....
— Eknath Shinde - एकनाथ शिंदे (@mieknathshinde) June 26, 2022
तसे झाल्यास आम्ही सारे आमचं भाग्य समजू...#MiShivsainik @rautsanjay61
संबंधित बातमी:
Sanjay Raut : संजय राऊतांचे वादग्रस्त वक्तव्य, गुवाहाटीमधून 40 आमदारांचे 'मृतदेह' येतील
महत्त्वाच्या बातम्या
ट्रेंडिंग न्यूज
