Goa CM Pramod Sawant : अचानक छातीत दुखू लागल्याने रूग्णालयात केलं दाखल; एक ब्लॉक अन्...., गोव्याचे मुख्यमंत्री प्रमोद सावंत यांच्यावर पुण्यात यशस्वी शस्त्रक्रिया
Goa CM Pramod Sawant : गुरुवारी दुपारी अचानक छातीत त्रास जाणवू लागल्याने डॉ. सावंत यांना तातडीने रुग्णालयात नेण्यात आले.
पुणे: गोव्याचे मुख्यमंत्री डॉ. प्रमोद सावंत (Goa CM Pramod Sawant) यांना काल (गुरुवारी, ता १९) दुपारी छातीत दुखू लागल्याने पुण्यातील प्रसिद्ध रुबी हॉल क्लिनिकमध्ये दाखल करण्यात आले होते. तेथे त्यांच्यावर हृदयाची यशस्वी शस्त्रक्रिया (अँजिओप्लास्टी) करण्यात आली असून, सध्या त्यांची प्रकृती स्थिर असल्याचे रुग्णालय प्रशासनाकडून सांगण्यात आले आहे.(Goa CM Pramod Sawant)
गुरुवारी दुपारी अचानक छातीत त्रास जाणवू लागल्याने डॉ. सावंत (Goa CM Pramod Sawant) यांना तातडीने रुग्णालयात नेण्यात आले. तेथे तज्ज्ञ डॉक्टरांच्या पथकाने त्यांची प्राथमिक तपासणी करून अँजिओग्राफी केली. त्यामध्ये एक ब्लॉक आढळल्याने तातडीने अँजिओप्लास्टी करण्याचा निर्णय घेण्यात आला. विख्यात हृदयरोग तज्ज्ञ डॉ. समिन शर्मा यांनी ही शस्त्रक्रिया यशस्वीरित्या पार पाडली.
रुग्णालयाची अधिकृत माहिती
रुग्णालय प्रशासनाने दिलेल्या माहितीनुसार, शस्त्रक्रियेनंतर मुख्यमंत्री सावंत (Goa CM Pramod Sawant) यांना सध्या अतिदक्षता विभागात (ICU) निरीक्षणाखाली ठेवण्यात आले आहे. त्यांची प्रकृती आता सुधारत असून पुढील काही तासांत त्यांच्या प्रकृतीबाबत सविस्तर मेडिकल रिपोर्ट समोर येतील.
मुख्यमंत्रीपदाची ७ वर्षे पूर्ण
विशेष बाब म्हणजे, काल १९ मार्च रोजीच डॉ. प्रमोद सावंत (Goa CM Pramod Sawant) यांनी गोव्याच्या मुख्यमंत्रीपदाचा ७ वर्षांचा कार्यकाळ पूर्ण केला आहे. १९ मार्च २०१९ रोजी मनोहर पर्रीकर यांच्या निधनानंतर त्यांनी पहिल्यांदा मुख्यमंत्री म्हणून शपथ घेतली होती. त्यानंतर २०२२ च्या निवडणुकीनंतरही त्यांनी दुसऱ्यांदा राज्याची धुरा सांभाळली. आपल्या कार्यकाळाच्या सातव्या वर्धापनदिनीच त्यांना या शारीरिक व्याधीचा सामना करावा लागला.
Before You Go
Aaditya Thackeray NEET: नीट आंदोलनात गुन्हे दाखल झालेल्या ठाकरेंची मदत, केस लढण्यासाठी वकील मैदानात उतरवणार, आदित्य ठाकरेंची माहिती
महत्त्वाच्या बातम्या
