IND vs SA : आफ्रिकेविरुद्ध पहिल्या वनडेत रोहित- यशस्वी सलामीला येणार? कॅप्टन केएल राहुल 'या' स्थानावर फलंदाजीला येणार, संभाव्य प्लेईंग XI
India Playing 11 South Africa ODI: भारत आणि दक्षिण आफ्रिका यांच्यातील वनडे मालिका उद्यापासून सुरु होत आहे. या मालिकेत भारताचा कर्णधार केएल राहुल असेल.
IND vs SA रांची : भारत आणि दक्षिण आफ्रिका यांच्यातील तीन सामन्यांच्या वनडे मालिकेला उद्यापासून सुरुवात होत आहे. शुभगन गिल दुखापतग्रस्त असल्यानं भारताचं नेतृत्व केएल राहुल याच्याकडे देण्यात आलं आहे. मीडिया रिपोर्टनुसार केएल राहुलनं तो या एकदिवसीय मालिकेत सहाव्या स्थानावर फलंदाजीला येईल असं म्हटलं. शुभमन गिल आणि रोहित शर्मा भारताच्या डावाची सुरुवात करायचे. मात्र, शुभमन गिल दुखापतग्रस्त असल्यानं रोहित शर्मासोबत फलंदाजीला कोण येणार असा प्रश्न कायम आहे.
केएल राहुलनं यापूर्वी ऑस्ट्रेलिया विरुद्धची वनडे मालिका आणि चॅम्पियन्स ट्रॉफी 2025 मध्ये सहाव्या स्थानावर फलंदाजी केली होती. रेव स्पोर्टसनुसार केएल राहुलनं "मी त्याच क्रमांकावर फलंदाजी करेन, सहाव्या क्रमांकावर" असं म्हटलं. आम्ही फिरकी गोलंदाजीला चांगल्या प्रकारे खेळण्याचा प्रयत्न करु, असंही राहुल म्हणाला.
केएल राहुल कसोटी सामन्यात भारताच्या डावाची सुरुवात करतो. मात्र, वनडे सामन्यात तो मधल्या फळीत फलंदाजी करतो. सहाव्या क्रमांकावर फलंदाजी करताना केएल राहुलची सरासरी 40 हून अधिक आहे. मात्र, त्याला या क्रमांकावर खेळताना अर्धशतक किंवा शतक करता आलेलं नाही.
Rohit Sharma Yashasvi Jaiswal : रोहित शर्मा आणि यशस्वी जयस्वाल सलामीला?
रोहित शर्मासोबत भारताच्या डावाची सुरुवात कोण करणार याबाबत स्पष्टता आलेली नाही. मात्र, शुभमन गिलच्या गैरहजेरीत यशस्वी जयस्वाल भारताच्या डावाची सुरुवात करेल. तिसऱ्या स्थानावर विराट कोहली फलंदाजीला येईल. श्रेयस अय्यर दुखापतग्रस्त असल्यानं त्याच्या चौथ्या क्रमांकावर रिषभ पंत फलंदाजीला येऊ शकतो. ऋतुराज गायकवाडला संधी मिळाल्यास तो पाचव्या स्थानावर फलंदाजी करेल. तर, सहाव्या स्थानावर केएल राहुल फलंदाजीला येईल.
रवींद्र जडेजा आणि वॉशिंग्टन सुंदर या दोघांना ऑलराऊंडर म्हणून संधी मिळू शकते. ते दोघेही फलंदाजी करु शकतात. वेगवान गोलंदाजी अर्शदीप सिंग आणि हर्षित राणा करेल. तर, मुख्य फिरकीपटू म्हणून कुलदीप यादवला संधी मिळू शकते.
वनडे मालिकेसाठी भारताचा संघ : रोहित शर्मा, यशस्वी जयस्वाल, विराट कोहली, तिलक वर्मा, केएल राहुल (कॅप्टन), रिषभ पंत, वाशिंगटन सुंदर, रवींद्र जडेजा, कुलदीप यादव, नितीश कुमार रेड्डी, हर्षित राणा, ऋतुराज गायकवाड़, प्रसिद्ध कृष्णा, अर्शदीप सिंग, ध्रुव जुरेल
दरम्यान, कसोटी मालिकेत भारताला पराभव स्वीकारावा लागला होता. आता वनडे मालिकेत भारत त्याची परतफेड करण्यात यशस्वी होतो का ते पाहावं लागेल.
महत्त्वाच्या बातम्या
