Eknath Shinde : उद्धव ठाकरे देवेंद्र फडणवीसांना भेटले; एकनाथ शिंदे यांची पहिली प्रतिक्रिया, म्हणाले....
मुख्यमंत्री राज्याचे प्रमुख आहे. मुळे त्यांना कोणीही भेटू शकतं. मात्र अलीकडे त्यांच्यात अमुलाग्र बदल दिसून आला ही चांगली बाब असल्याची प्रतिक्रिया राज्याचे उपमुख्यमंत्री एकनाथ शिंदे यांनी दिली आहे.
Eknath Shinde नागपूर : मुख्यमंत्री राज्याचे प्रमुख आहे. मुळे त्यांना कोणीही भेटू शकतं. परंतु हे चित्र बघितल्या नंतर, अगदी टोकाची टीका करणारे, एकमेकांना संपवण्याची भाषा करणारे, आणि जेलमध्ये टाकण्याची भाषा करणारे तसेच भाजप आणि महायुतीच्या नेत्यांना सरकार आल्यावर तुरुंगात टाकण्याची भाषा करणारे हेच लोक होते हे जगजाहीर आहे. लोकसभेत मिळालेल्या विजयानंतर हे लोक एवढे हूरळून गेले होते यांनी विधिमंडळाच्या मंत्रिमंडळाचा विस्तारही केला होता. तेव्हा आम्ही तुम्हाला जेल मध्ये टाकू असेही बोलले होते. मात्र अलीकडे त्यांच्यात अमुलाग्र बदल दिसून आला ही चांगली बाब असल्याची प्रतिक्रिया राज्याचे उपमुख्यमंत्री एकनाथ शिंदे यांनी दिली आहे. काल( 17 डिसेंबर ) शिवसेना ठाकरे गटाचे सर्वेसर्वा उद्धव ठाकरे (Uddhav Thackeray) यांनी देवेंद्र फडणवीस (Devendra Fadnavis Meet) यांची विधानभवन परिसरात भेट घेतली. या भेटीवर एकनाथ शिंदे यांनी आपली प्रतिक्रिया दिली आहे.
उद्धव ठाकरेंची मागणीच खऱ्या अर्थाने हास्यास्पद
निवडणूक आयुक्त देखील निवडणुकीद्वारे निवडून आणावे अशी मागणी उद्धव ठाकरे यांनी केली. तर ही मागणीच खऱ्या अर्थाने हास्यास्पद आहे. तशीच ती घटनेला आव्हान देणारी आहे. डॉ. बाबासाहेब आंबेडकरांच्या घटनेने हे सर्व निर्णय घेतलेले आहे. म्हणुन एक प्रकारे डॉक्टर बाबासाहेब आंबेडकरांच्या घटनेचा अवमान आहे. शासकीय यंत्रणा या घटनात्मक पद आहेत. मात्र जेव्हा तुमच्या बाजूने निकाल लागतो त्यावेळेस तुम्हाला त्यावर हरकत नसते मात्र तोच निकाल विरोधात गेला तर त्यावर आक्षेप घेणं हे योग्य नाही. हा बाबासाहेबांचा आणि राज्यघटनेचा अपमान असल्याचे मतही उपमुख्यमंत्री एकनाथ शिंदे यांनी व्यक्त केले आहे.
ईव्हीएमवर आक्षेप घेणे हे विरोधी पक्षाचे दुटप्पी धोरण
विरोधकांचा विजय झाला तर ईव्हीएमवर आक्षेप घेतला जात नाही. मात्र पराभव झाला तर ईव्हीएमवर आक्षेप घेतात. न्यायालय ही म्हणाले आहे की पराजय झाला तरच ईव्हीएमबाबत आक्षेप विरोधक घेतात. ईव्हीएम वर निवडणूक होऊन काँग्रेसने देखील अनेक निवडणुका जिंकल्या, 2009 मध्ये काँग्रेस इव्हीएम निवडणुकीवरच सत्तेवर आली. सर्वोच्च न्यायालयाने देखील ईव्हीएम बाबत त्यांनी केलेली याचिका नाकारली. त्यामुळे विजय झालं की ईव्हीएम चांगलं आणि निवडणुकीत पराभव झाला तर ईव्हीएम वर शंका म्हणजे विरोधी पक्षाचे दुटप्पी धोरण असल्याची टीका एकनाथ शिंदे यांनी केली आहे.
सामना अग्रलेखात नेमकं या म्हटलंय?
राज्यातील नव्या सरकारचे मंत्रिमंडळ अखेर बनले, पण रडारड संपलेली नाही. नाराज मंडळींच्या डोळ्यांतील अश्रू पुसण्यासाठी नव्या सरकारने एखादे महामंडळ स्थापन करायला हरकत नाही. कोणी कितीही आपटली व अश्रू ढाळले तरी ईव्हीएम बहुमताच्या जोरावर सरकार मजबूत आहे. त्यामुळे नवीन मंत्री सध्या बिनखात्याचे असले तरी कारभार रेटून नेला जाईल. भविष्यात शिंदे व अजित पवार निस्तेज होतील आणि काही आदळआपट करायचा प्रयत्न केला तर दोघांच्या दारात' ईडी' च्या चौक्या कायमच्या लावल्या जातील...महाराष्ट्र आता थांबणार नाही, पण या पद्धतीने...
हे ही वाचा
महत्त्वाच्या बातम्या
ट्रेंडिंग न्यूज
