काँग्रेस नेते कैलास गोरंट्यालसह सुरेश वरपूडकर यांचा भाजप प्रवेशाचा मुहूर्त ठरला; प्रदेशाध्यक्ष रविंद्र चव्हाण यांच्या नेतृत्वाखाली पक्षप्रवेश

Congress : काँग्रेसच्या गोटातून एका महत्वाची बातमी समोर आली आहे. स्थानिक स्वराज्य संस्थांच्या निवडणुकांच्या पार्श्वभूमीवर भाजपकडून काँग्रेसला मोठा धक्का देत पक्षात खिंडार पाडल्याचे समोर आले आहे.

Congress kailas gorantyal join bjp jalna

Source : ABP Majha

जालना : काँग्रेसच्या (Congress) गोटातून एका महत्वाची बातमी समोर आली आहे. स्थानिक स्वराज्य संस्थांच्या निवडणुकांच्या पार्श्वभूमीवर भाजपकडून (BJP) काँग्रेसला मोठा धक्का देत पक्षात खिंडार पाडल्याचे समोर आले आहे. जालना जिल्ह्यातील जालना मतदारसंघातील काँग्रेसचे नेते आणि माजी आमदार कैलास गोरंट्याल (Kailas gorantyal) भाजपच्या वाटेवर असल्याची माहिती आहे. भाजपच्या बड्या नेत्याच्या ते संपर्कात असून गेल्या अनेक दिवसांपासून नाराज असलेले गोरंट्याल आगामी स्थानिक स्वराज्य संस्थांच्या निवडणुकांपूर्वीच ते भाजपचे कमळ हाती घेणार असल्याची सूत्रांची माहिती आहे. तीन वेळा आमदार राहिलेले काँग्रेस नेते कैलास गोरंट्याल आणि ज्येष्ठ नेते सुरेश वरपूडकर (Suresh Varpudkar) हे उद्या म्हणजेच मंगळवारी (29 जुलै ) भाजपमध्ये दाखल होणार आहे. या दोन्ही नेत्यांचा पक्षप्रवेश मंगळवारी दुपारी 3 वाजता मुंबईत भाजप प्रदेशाध्यक्ष रविंद्र चव्हाण (Ravindra Chavan) यांच्या उपस्थितीत पक्षप्रवेश होणार असल्याचे पुढे आले आहे.

प्रदेशाध्यक्ष रविंद्र चव्हाण यांच्या नेतृत्वाखाली पक्षप्रवेश

पुढे आलेल्या माहितीनुसार, विधानसभा निवडणुकीतील पराभवानंतर कैलास गोरंट्याल यांनी काँग्रेस नेतृत्वा विरोधात उघड भूमिका घेतली होती. त्यामुळे, लवकरच ते काँग्रेसला (Congress) बाय-बाय करतील, अशी चर्चा मतदारसंघात रंगली होती. मात्र, ते कुठल्या पक्षात जाणार याबाबत गुप्तता होती, अखेर त्यांनीही भाजपात (BJP) जाण्याचा निर्णय घेतल्याचे जवळ जवळ आता निश्चित झाले आहे. या पक्ष प्रवेशामुळे मराठवाड्यात भाजपची संघटनात्मक ताकद वाढवण्याचा भाजपचा प्रयत्न आहे. प्रदेशाध्यक्ष रविंद्र चव्हाण (Ravindra Chavan) यांच्या नेतृत्वाखाली काँग्रेसमध्ये मोठी फूट पडण्याचीहि शक्यता आता राजकीय वर्तुळातून व्यक्त केली जात आहे.

मराठवाड्यात भाजपची ताकद वाढणार

दरम्यान या पक्षप्रवेशामुळे जालना, नांदेड आणि परभणी जिल्ह्यातील राजकीय समीकरणे बदलण्याची चिन्हे आहेत. भाजपने स्थानिक निवडणुकांच्या पार्श्वभूमीवर काँग्रेसला हा मोठा राजकीय झटका दिल्याचेही बोलले जात आहे. आगामी निवडणुकांच्या पार्श्वभूमीवर मराठवाड्यातील राजकारणात घडत असलेली ही मोठी घडामोड असून या मुळे मराठवाड्यात भाजपची ताकद वाढणार आहे. तर याचा कितपत फायदा भाजपला निक निवडणुकांमध्ये होतो, हे पाहणे महत्वाचे ठरणार आहे. तर दुसरीकडे मित्र पक्ष असलेल्या शिवसेनेला देखील आव्हान निर्माण करण्याचा भाजपचा प्रयत्न असल्याचे बोलले जात आहे.

इतर महत्वाच्या बातम्या