Ajit Pawar: पक्षाला अडचण निर्माण होईल अशा बाबी पूर्णपणे टाळा, अजित पवारांच्या स्पष्ट सूचना, देवगिरीतल्या बैठकीत म्हणाले.. .
स्वराज्य संस्थांच्या निवडणुकांबाबत सर्वोच्च न्यायालयातील याचिकांची सुनावणी 25 फेब्रुवारी पर्यंत लांबणीवर पडली आहे .
Ajit Pawar: राज्यात विधानसभेनंतर राजकीय पक्षांनी स्थानिक स्वराज्य संस्थांच्या निवडणुकांची (Muncipal Corporation Election) तयारी सुरू केली आहे . एकीकडे सरपंच संतोष देशमुख प्रकरणाने वातावरण तापलेले आहे .अजित पवार गटाचे मंत्री धनंजय मुंडे यांचा राजीनाम्याचा दबाव वाढत असताना स्थानिक स्वराज्य संस्थांच्या निवडणुकांच्या अनुषंगाने 'कोणत्याही प्रकारे वाद निर्माण होईल किंवा पक्षाला अडचण निर्माण होईल अशा बाबी पूर्णपणे टाळा' अशा सूचना उपमुख्यमंत्री अजित पवारांनी (Ajit Pawar) देवगिरी येथे पार पडलेल्या बैठकीत दिल्या . स्थानिक स्वराज्य संस्थांच्या निवडणुका तोंडावर आल्याने जास्तीत जास्त वेळ मतदार संघात द्या .पक्षाला जादा जागा मिळवायच्या असतील तर उमेदवार कोण असतील याचा आढावा घेऊन पक्षासोबत त्यांना कसं जोडता येईल यावर काम करण्याच्या सूचनाही उपमुख्यमंत्री अजित पवारांनी दिल्या . (Mumbai)
गेल्या काही वर्षांपासून राज्यात स्थानिक स्वराज्य संस्थांच्या निवडणुका झालेल्या नाहीत .दरम्यान राज्यातील स्थानिक स्वराज्य संस्थांच्या निवडणुकांबाबत सर्वोच्च न्यायालयातील याचिकांची सुनावणी 25 फेब्रुवारी पर्यंत लांबणीवर पडली आहे .त्यामुळे मुंबईसह राज्यातील 23 महानगरपालिका,25 जिल्हा परिषदा आणि 207 नगरपालिका,284 नगरपंचायत यांच्या निवडणुकालांबणीवर पडल्याने पक्षांना मोर्चेबांधणीसाठी वेळ मिळणार आहे .
पक्षाला अडचण होईल असं काही करू नका: अजित पवार
स्थानिक स्वराज्य संस्थांच्या निवडणुकीत कोणत्याही प्रकारे वाद निर्माण होईल किंवा पक्षाला अडचण निर्माण होईल अशा बाबी पूर्णपणे टाळण्याच्या सूचना उपमुख्यमंत्री अजित पवारांनी देवगिरी येथे पार पडलेल्या बैठकीत दिल्या आहेत .स्थानिक स्वराज्य संस्थांच्या निवडणुका तोंडावर असल्याने जास्तीत जास्त वेळ मतदार संघात द्या .पक्षाला जादा मिळवायचे असतील तर मतदार संघातील योग्य उमेदवार कोण याचा आढावा घेऊन आपल्या पक्षासोबत त्यांना कसं जोडता येईल यावर काम करा असेही अजित पवारांनी या बैठकीत स्पष्टपणे सांगितलं .
दरम्यान, स्थानिक स्वराज्य संस्थांच्या निवडणूकीत उपमुख्यमंत्री अजित पवार यांनी काही दिवसांपूर्वी घेतलेल्या बैठकीत कार्यकर्त्यांना स्थानिक स्वराज्य संस्थांच्या निवडणुकीत जास्तीत जास्त सदस्य कसे निवडून येतील यासाठी प्रयत्न करा, असे सांगतानाच निवडणुका डोळ्यासमोर ठेवूनच काम करा. पल्ला लांब असला तरी दिवस पटकन निघून जातात त्यामुळे लक्षपूर्वक काम करा अशा सूचना दिल्या होत्या.
हेही वाचा:
महत्त्वाच्या बातम्या
