Nitin Gadkari : विमानतळ रनवे रिकार्पेटिंगच्या कामात दिरंगाई, गडकरी गरजले! अधिकाऱ्यांना अल्टिमेटम, जनतेची माफी
नागपूर विमानतळ रनवे रिकार्पेटिंगच्या कामात दिरंगाई होत असल्याने प्रवाशांना अतिरिक्त विमान तिकिटाचे दर द्यावे लागतात. परिणामी मी जनतेची माफी मागतो, असे म्हणत नितीन गडकरी यांनी आपली नाराजी व्यक्त केलीय.
Nagpur News: नागपूर विमानतळ (Dr. Babasaheb Ambedkar International Airport) रनवे रिकार्पेटिंगच्या कामात दिरंगाई होत असल्याचे पुढे आले आहे. यामुळे नागपूरातील प्रवाशांना अतिरिक्त विमान तिकिटाचे दर द्यावे लागतात. परिणामी मी नागपूरच्या जनतेची माफी मागतो, असे म्हणत केंद्रीय मंत्री नितीन गडकरी (Nitin Gadkari) यांनी आपली नाराजी उघडपणे बोलून दाखवली आहे. तसेच एक महिन्यात काम पूर्ण करण्याचे कंत्राटदाराला निर्देश दिले आहे. किंबहुना काम वेळेत न केल्यास संबंधीत कंपनीला ब्लॅकलिस्ट करणार असल्याचा इशाराही नितीन गडकरी यांनी दिला आहे.
तीन किमीच्या रनवेसाठी दीड वर्षे कसे लागतात?- नितीन गडकरी
मुबंई दिल्ली महामार्ग 1370 किमीचा एक लाख कोटींचा रस्ता मी दोन वर्षांत केला आणि तीन किमीच्या रनवेसाठी दीड वर्षे कसे लागतात, हे हास्यास्पद आहे. 2024 च्या मे महिन्यात के जी गुप्ता या कंपनीला काम देण्यात आले. यात रनवे रिकार्पेटिंगचं काम देण्यात आले. मात्र कंत्राटदाराकडे पुरेशी मशिनरी नाही. हे केवळ एक आठवड्याचे काम आहे. रनवे रिकार्पेटिंगच्या कामामुळे विमान कंपन्यांनी शेड्युल बदलले, त्यामुळे विमानात तिकिटाचे दर वाढले आहेत. याबाबत विमानतळ अधिकाऱ्यांशी बोललो त्यावेळी ते म्हणाले की त्यांच्यामुळे तिकीटं वाढले. निवडणूकीमुळे वेळ लागल्याचंही त्यांनी सांगीतलं. पण यासाठी केवळ 10 दिवस गेले आहेत.
कामावर लक्ष ठेवायला एक कमिटीची नेमणूक- नितीन गडकरी
डॉ. बाबासाहेब आंबेडकर नागपूर विमानतळावरील (Dr. Babasaheb Ambedkar International Airport) धावपट्टीच्या सुधार कार्याची एअरपोर्ट ऑथोरिटी आणि मिहानच्या अधिकाऱ्यांच्या उपस्थितीत पाहणी केली. गेल्या अनेक दिवसांपासून विमानतळ धावपट्टीचे काम प्रलंबित आहे. नागपूरमधील उड्डान सेवांवर याचा परिणाम होत असून प्रवाशांना याचा त्रास सहन करावा लागत आहे. त्यामुळे लवकरात लवकर धावपट्टीचे काम पूर्ण करण्याचे निर्देश या वेळी अधिकाऱ्यांना दिले. दरम्यान, या कामावर लक्ष ठेवायला मी एक कमिटी नेमली आहे. यावेळी मी धावपट्टीची पाहणी केली. हे विमानतळ लवकरंच नविन कंपनीला हस्तांतरित होणार, सर्वोच्च न्यायालयाच्या निर्णयामुळे रनवे रिकार्पेटिंगच्या कामाला वेळ लागला असेही नितीन गडकरी म्हणाले.
हे ही वाचा
महत्त्वाच्या बातम्या
