Cidco Lottery 2024 : गुड न्यूज, नवी मुंबईत घर घेणाऱ्यांसाठी सुवर्णसंधी, 902 घरांसाठी सिडकोकडून लॉटरी, जाणून घ्या घरांची किंमत?
Cidco Lottery 2024 : नवी मुंबईतील 902 घरांसाठी सिडकोनं लॉटरी काढली आहे. 26 लाखांपासून 2 कोटी रुपयांपर्यंत घरांची किंमत आहे.
नवी मुंबई : म्हाडानं मुंबईतील 2030 घरांसाठी लॉटरी जाहीर केलेली आहे. नवी मुंबईत घर घेणाऱ्यांसाठी खूशखबर आहे. सिडकोकडून 902 घरांसाठी अर्ज मागवण्यात येणार आहेत. कृष्ण जन्माष्टमीच्या मुहूर्तावर या योजनेच्या सोडतीसाठी अर्ज करता येणार आहे. सिडकोची ही घरं कळंबोली, खारघर आणि घणसोली येथील गृह प्रकल्पांमधील आहेत.
सिडकोच्या वेबसाईटवर या 902 घरांसाठी नोंदणी करता येणार आहे. या घरांसाठी अर्ज सादर करण्यासाठी सिडकोच्या वेबसाईटवर 27 ऑगस्टपासून सुरुवात होणार आहे. सिडकोची ही घरं आर्थिक दृष्ट्या दुर्बल घटक, खुला प्रवर्ग, मध्यम उत्पन्न गटांसाठी असतील. कळंबोली, खारघर आणि घणसोली येथे एकूण 213 घरं आहेत. यापैकी 175 सर्वसामान्य प्रवर्गासाठी तर 38 घरं आर्थिक दृष्टया दुर्बल घटकांसाठी आहेत. खारघरमध्ये सिडकोचे सप्नपूर्ती आणि वास्तूविहार सेलीब्रेशन हे प्रकल्प देखील आहेत. तिथं 689 घरं उपलब्ध आहेत.
सिडकोच्या घरांची किंमत किती?
खारघर येथे ईडब्ल्यूएस साठी 31 घरं असून त्याची किंमत सर्वसाधारणपणे 26 लाख 49 हजार 718 रुपये इतकी आहे. कळंबोली येथे ईडब्ल्यूएस साठी 6 घरं असून त्याची किंमत सर्वसाधारणपणे 26 लाख 32 हजार 368 रुपये इतकी आहे. घणसोलीत येथे ईडब्ल्यूएस साठी 1 घर असून त्याची किंमत सर्वसाधारणपणे 26 लाख 9 हजार 420 रुपये इतकी आहे.
खारघर सर्वसाधारण गटासाठी 143 घरं असून तेथील घरांची किंमत 37 लाख 95 हजार 173 रुपये आहे. कळंबोली येथे सर्वसाधारण गटासाठी 31 घरं असून त्याची किंमत सर्वसाधारणपणे 37 लाख 47 हजार 159 रुपये इतकी आहे. घणसोलीत येथे सर्वसाधारण गटासाठी 31 घरं असून त्याची किंमत सर्वसाधारणपणे 36 लाख 72 हजार 505 रुपये इतकी आहे.
खारघर सेलीब्रेशन येथे 10 घरं असून ती मध्यम उत्पन्न गटासाठी आहेत. त्याची किंमत 66 लाख रुपये आहे. उच्च उत्पन्न गटासाठी 23 घरं असून त्याची किंमत 1 कोटी 13 लाख 93 हजार रुपये इतकी आहे.
स्वप्नपूर्ती येथील प्रकल्पात ईडब्ल्यूएससाठी 42 घरं असून घरांची किंमत 37 लाख इतकी आहे. तर, सर्वसाधारण गटासाठी इथं 359 घरं असून त्याची किंमत 46 लाख 48 हजार इतकी आहे.
व्हॅली शिल्प येथील उच्च उत्पन्न गटासाठी 136 सदनिका आहेत.येथील एका घराची किंमत 2 कोटी 5 लाख 5 हजार रुपये आहे. तर, मध्यम उत्पन्न गटसाठी 118 घरं असून एका घराची किंमत 1 कोटी 7 लाख 26 हजार रुपये आहे.
इतर बातम्या :
महत्त्वाच्या बातम्या
ट्रेंडिंग न्यूज
