Nitin Pawar : मला च्युXX काढता का? तुमचा माज मी जिरवतो; अजितदादांच्या आमदाराची जीभ घसरली, प्रशासनाच्या अधिकाऱ्यांची खरडपट्टी, नेमकं काय घडलं?
Nitin Pawar : आश्रमशाळांमधील समस्या आणि प्रशासनाच्या उदासीनतेविरोधात राष्ट्रवादी अजित पवार गटाचे आमदार नितीन पवार यांनी कळवण येथे एकात्मिक प्रकल्प कार्यालयासमोर ठिय्या मांडत आंदोलन केले.
Nitin Pawar : आश्रमशाळांमधील समस्या आणि प्रशासनाच्या उदासीनतेविरोधात राष्ट्रवादी अजित पवार गटाचे आमदार नितीन पवार (Nitin Pawar) यांनी काल (दि. 28) कळवण (Kalwan) येथे एकात्मिक प्रकल्प कार्यालयासमोर ठिय्या मांडत आंदोलन केले. मात्र तब्बल पाच तास ठिय्या मांडूनही संबंधित अधिकाऱ्यांकडून समर्पक असे उत्तर मिळत नसल्याने आमदार नितीन पवार पवार हे चांगलेच संतापल्याचे पाहायला मिळाले.
एकात्मिक प्रकल्प कार्यालयासमोर उपस्थित अधिकाऱ्यांना 'तुम्हाला काय माज आला आहे एवढा, तुमचा माज मी जिरवतो. मला च्युXX काढता का ? असे खडेबोल सुनावत नितीन पवार यांची जीभ घसरली. त्यानंतर पोलीस अधिकाऱ्यांनाही मटका, दोन नंबर हे कुठलेच धंदे इथे चालू देवू नका. मला सगळे धंदे बंद पाहिजे, असा सज्जड दमच त्यांनी भरला. तर जोपर्यंत आश्रमशाळांना शिक्षक मिळत नाही तोपर्यंत त्या शाळा बंदच ठेवा, असेही त्यांनी सांगितले.
शासकीय आश्रमशाळेला टाळे ठोकण्याचा इशारा
कळवण व सुरगाणा तालुक्यातील शासकीय आश्रमशाळांमध्ये शिक्षक-शिक्षके तर कर्मचाऱ्यांची पदे 100 टक्के पदे भरली जात नाही. तोपर्यंत शासकीय आश्रमशाळेला टाळे ठोकण्याचा इशारा आमदार नितीन पवार यांनी देत पालकांनी मुला-मुलींना आश्रमशाळेतून घरी घेऊन जाण्याचे आवाहन आमदार पवार यांनी केले होते. शासकीय आश्रमशाळा सुरू होऊन दोन महिन्याचा कालावधी झाला, आश्रमशाळेत शिक्षक, शिक्षकेतर कर्मचारी नसल्याने विद्यार्थ्यांचे शैक्षणिक भवितव्य धोक्यात आले आहे. यासंदर्भात निवेदन, मागणी, आंदोलन करूनही आदिवासी विकास विभाग व कळवणच्या प्रकल्पधिकारी व यंत्रणेने कर्मचारी नियुक्त केले नाहीत. शिक्षक, शिक्षकेतर कर्मचारी द्या, प्रमुख मागणीसाठी कळवणच्या मध्यवर्ती प्रशासकीय इमारतीच्या पायरीवर आमदार नितीन पवार यांच्या उपस्थितीत आंदोलन करण्यात आले होते. या आंदोलनावेळी नितीन पवार हे प्रशासनाच्या उदासीनतेविरोधात चांगलेच आक्रमक झाल्याचे पाहायला मिळाले.
नितीन पवारांकडून इंग्रजीतून समाचार
दरम्यान, आंदोलनस्थळी आमदार पवार व आदिवासी आंदोलक सकाळी दहापासून प्रशासकीय इमारत मानूर येथे उपस्थित होते. प्रकल्प अधिकाऱ्यांनी दीडला आदिवासी विकास आयुक्तांशी भ्रमणध्वनीद्वारे चर्चा करून 15 ते 20 दिवसांत आश्रमशाळेत शिक्षक उपलब्ध करून देण्याचे आश्वासन देताच आंदोलकांनी तोंडी नको, लेखी आश्वासन देण्याची मागणी केली. आमदार नितीन पवार यांचा संताप अनावरण होऊन त्यांनी प्रकल्प अधिकाऱ्यांच्या दालनात प्रवेश करत जाब विचारला असता, पत्र तयार होत असल्याचे सांगितले. तर आमदार पवार आंदोलनस्थळी येत त्यांनी लेखी आश्वासन फाडत प्रकल्पाधिकारी व प्रशासनाचा निषेध व्यक्त केला. त्यावेळी प्रकल्पाधिकारी अनुकूरी नरेश यांनी त्यांच्याशी इंग्रजीतून संवाद साधण्याचा प्रयत्न करताच संतापलेल्या आमदार पवार यांनी आय कॅन टॉक इंग्लिश, आय कॅन वॉक इंग्लिश, हा चित्रपटातील डायलॉग म्हणत त्यांचा इंग्रजीमधून समाचार घेत निषेध नोंदला.
आणखी वाचा
महत्त्वाच्या बातम्या
