North Maharashtra News LIVE Updates : उत्तर महाराष्ट्रातील महत्त्वाच्या बातम्या वाचा एका क्लिकवर...
North Maharashtra News LIVE Updates : उत्तर महाराष्ट्रातील दिवसभराच्या ताज्या घडामोडी, महत्त्वाचे अपडेट्स, राजकीय, सामाजिक, आर्थिक, क्रीडा तसेच इतर अपडेट्स वाचा या लाईव्ह ब्लॉगमध्ये...
LIVE
Background
North Maharashtra News LIVE Updates : उत्तर महाराष्ट्रातील दिवसभराच्या ताज्या घडामोडी, महत्त्वाचे अपडेट्स, राजकीय, सामाजिक, आर्थिक, क्रीडा तसेच इतर अपडेट्स वाचा या लाईव्ह ब्लॉगमध्ये...
Rahul Gandhi : राहुल गांधी मार्चमध्ये नाशकात
पंतप्रधान नरेंद्र मोदी, ठाकरे गटाचे प्रमुख उद्धव ठाकरे यांच्यानंतर काँग्रेस नेते राहुल गांधी हे मार्च महिन्यात नाशिक दौऱ्यावर येणार आहेत. भारत जोडो न्याय यात्रेदरम्यान ते नाशिकला येणार आहेत. राहुल गांधींच्या स्वागताची नाशिक काँग्रेसकडून जय्यत तयारी सुरु आहे.
Nashik News : पालखेडच्या पाण्यासाठी शेतकऱ्यांचे उपोषण
वितरिका क्रमांक ४६ ते ५२ ला पालखेड डावा कालव्याचे शेतीसिंचनासाठी पाणी सोडावे, यासाठी शेतकऱ्यांचे पाटबंधारे विभागाच्या येथील कार्यालयासमोर उपोषण सुरू आहे.पाटबंधारे विभागाचा एकही अधिकारी दुसऱ्या दिवशी उपोषणस्थळाकडे फिरकला नाही. सुमारे १५० शेतकरी पाटबंधारे कार्यालयासमोर उपोषणास बसले आहेत. ठोस आश्वासन न मिळाल्याने शेतकरी उपोषणावर ठाम आहेत.
Nashik Crime News : दुचाकी चोरटे जेरबंद, सहा मोटारसायकल हस्तगत
दुचाकी चोरट्यांना बेड्या ठोकण्यास पंचवटी गुन्हे पथकाला यश आले आहे. या चोरट्यांमध्ये दोन विधीसंघर्षित बालकांचा समावेश आहे. तीन जणांकडून सहा दुचाकी हस्तगत करण्यात आल्या आहेत. याप्रकरणी पंचवटी पोलीस ठाण्यात गुन्हा दाखल करण्यात आला आहे. पुढील तपास पोलीस हवालदार योगेश वाडेकर करीत आहेत.
Amit Shah : केंद्रीय सहकारमंत्री अमित शाह यांचा नाशिक दौरा रद्द
नाशिक जिल्हा नागरी सहकारी बँक्स असोसिएशनने दि. 27 व 28 जानेवारीला महाराष्ट्र राज्य नागरी सहकारी बँक्स परिषदेचे आयोजन केले आहे. कर्मवीर दादासाहेब गायकवाड सभागृह, भाभानगर, मुंबईनाका येथे ही परिषद होणार आहे. या परिषदेला केंद्रीय मंत्री अमित शाह हे उपस्थित राहणार होते. मात्र त्यांचा दौरा रद्द करण्यात आल्याची माहिती मिळत आहे.
Nashik News : जलकुंभात आढळला तरुणाचा मृतदेह
अंबड घरकुल योजना वसाहतीतील जलकुंभात चार दिवसापासून बेपत्ता असलेल्या २१ वर्षीय तरुणाचा मृतदेह आढळला आहे. संदीप दशरथ शिंदे (रा. घरकुल योजना), असे मयत तरुणाचे नाव आहे. २२ जानेवारीपासून तो घरात नसल्याने याबाबत अंबड पोलीस ठाण्यात तक्रार दाखल करण्यात आली होती. या घटनेमुळे परिसरात खळबळ उडाली आहे.
महत्त्वाच्या बातम्या
ट्रेंडिंग न्यूज
