Nashik Long March : कांदा रस्त्यावर फेकत सरकारचा निषेध, पायी लाँग मार्च नाशिकमधून मुंबईकडे रवाना
Nashik Long March : नाशिकमधून निघालेल्या शेतकरी लाँच मार्चमध्ये आज संतप्त शेतकऱ्यांनी कांदा रस्त्यावर फेकला.
Nashik Long March : नाशिकमधून निघालेल्या शेतकरी लाँग मार्चमध्ये आज संतप्त शेतकऱ्यांनी कांदा रस्त्यावर फेकला. नाशिक शहरात आगमन झाल्यानंतर शेतकऱ्यांनी सरकारप्रती आपला रोष व्यक्त करण्यासाठी कांद्यासह टोमॅटो आणि कोथिंबीरही शेतकऱ्यांनी रस्त्यावर फेकला.
शेतमालाचे पडलेले भाव आणि हक्काच्या वन जमिनीसाठी नाशिक येथून मुंबई पायी लाँग मार्च (Nashik Lomg March) निघाला आहे काल सायंकाळी हा लाँग मार्च आरोग्य विज्ञान विद्यापीठ या परिसरात मुक्कामी होता. याच दिवशी सायंकाळी पालकमंत्री दादा भुसे यांच्यासोबत बैठक झाली. मात्र बैठकीत तोडगा न निघाल्याने लाँग मार्च सुरूच ठेवण्याचा निर्णय मोर्शीकरांनी घेतल्यानंतर आज सकाळपासून आरोग्य विज्ञान विद्यापीठ नंतर नाशिक शहरात दाखल झाला. हा लाँग मार्च पेठ रोड, आरटीओ, आडगाव नाका, द्वारकामार्गे मुंबईकडे रवाना झाला आहे. आज दुपारी पाथर्डी फाटा जवळ लॉन्ग मार्च थांबणार असून या ठिकाणी दुपारचे भोजन केले जाणार आहे.
दरम्यान पालकमंत्री दादा भुसे यांच्यासोबत तब्बल तीन तास बैठक पार पडली मात्र मोर्चेकऱ्यांचं (Nashik Lomg March) समाधान न झाल्याने लाँग मार्च सुरू ठेवण्याचा निर्धार त्यांनी व्यक्त केला. त्यानुसार आज दुसऱ्या दिवशी लाँग मार्च मुंबईकडे रवाना झाला आहे. लाँग मार्च मागे घ्या असा मुख्यमंत्र्यांचा निरोप आला तरी आम्ही मार्च सुरूच ठेवणार. सरकारनं फक्त घोषणा करू नये अशा शब्दांत आंदोलक शेतकऱ्यांनी आपला रोष व्यक्त केला.
दरम्यान, उद्या दुपारी तीन वाजता मुख्यमंत्री-उपमुख्यमंत्री आणि शेतकऱ्यांच्या प्रतिनिधींची बैठक होणार आहे. या बैठकीत तोडगा निघतो हे पाहणं महत्त्वाचं असेल. सद्यस्थितीत हा लाँग मार्च विधानसभेवर धडकणार हे निश्चित असून आत्तापर्यंत या लाँग मार्चने जवळपास 60 ते 70 किलोमीटरचा पायी प्रवास करत नाशिक शहरातून मुंबईकडे रवाना झाले आहे.
कांदा रस्त्यावर फेकत आंदोलन
कांद्याचे पडलेले भाव त्याचबरोबर सरकारची असलेली उदासीनता याबाबत शेतकरी रस्त्यावर उतरून आंदोलन करत आहेत. याचबरोबर माकप, किसान सभा आणि सम विचारी संघटनांच्या माध्यमातून पायी किसान लाँग मार्च सुरू करण्यात आला आहे. या लाँग मार्चमध्ये (Nashik Lomg March) देखील शेतकऱ्यांनी रस्त्यावर कांदा फेकत सरकारचा निषेध व्यक्त केला आहे.
संबंधित बातमी:
महत्त्वाच्या बातम्या
ट्रेंडिंग न्यूज
