Nashik News : नाशिकच्या नंदिनी नदीत आठवीचा विद्यार्थी गेला वाहून, जिल्ह्यात आतापर्यंत दहा जणांचा मृत्यू
Nashik News : नाशिक (Nashik) शहरातील तिडके कॉलनीजवळ नंदिनी काठालगत (Nandini River) वसलेल्या मिलिंद नगर परिसरातील एक शाळकरी मुलाचा नंदिनी नदीत पोहताना पाण्यात बुडून मृत्यू झाल्याची दुर्दैवी घटना घडली.
Nashik News : नाशिक (Nashik) शहरातील तिडके कॉलनीजवळ नंदिनी काठालगत (Nandini River) वसलेल्या मिलिंद नगर परिसरातील एक शाळकरी मुलाचा नंदिनी नदीत पोहताना पाण्यात बुडून मृत्यू झाल्याची दुर्दैवी घटना घडली. सागर लल्लन चौधरी असे मृत्यूमुखी पडलेल्या मुलाचे नाव आहे.
नाशिक शहरासह जिल्ह्यात (Nashik District) सलग दहा दिवस पावसाने धुमाकूळ घातला. त्यानंतर आता पावसाचा जोर कमी झाला असून अधून मधून हलक्या सारी कोसळत आहेत. दरम्यान जिल्ह्यात मुसळधार पावसामुळे नदी नाल्यांना पूर आल्याने ठिकठिकाणी दहा व्यक्ती वाहून गेल्या त्यापैकी सात जणांचे मृतदेह हाती लागले असून उर्वरित व्यक्तींचा शोध सुरू आहे. पूर परिस्थिती निर्माण झाल्याने काही लोक वाहून गेले असून त्यांचा शोध आपत्ती विभागाच्या पथकाकडून घेतला जात आहे. त्यांनतर काल शहरातील नंदिनी नदीत शाळकरी विद्यार्थी वाहून गेल्याची घटना घडली. या मुलास तातडीने स्थानिकांच्या मदतीने वाचविण्यात आले, मात्र तोपर्यत त्याचा मृत्यू झाल्याचे डॉक्टरांनी सांगितले.
दरम्यान आई-वडील रोजंदारीने कामावर गेलेले असताना रविवारी शाळेला सुट्टी असल्याने सागर हा मित्रांसमवेत राहत्या घरापासून पुढे काही अंतरावर नदी काठावर गेला. त्यावेळी सागर हा नदीपात्रात पाण्यात खेळण्याचा आनंद घेताना अचानकपणे पाण्याचा प्रवाहात तो वाहू लागला आणि भोवऱ्यात सापडला. ही बाब लक्षात येताच त्याच्या मित्रांनी आरडाओरड सुरू केली त्यानंतर काही वेळाने शिंगाडा तलाव येथील अग्निशामन मुख्यालयाला ही माहिती मिळाली. त्वरित अग्निशमन दलाच्या जवानांनी घटनास्थळी धाव घेतली. तोपर्यंत स्थानिक तरुणांनी नदी पात्रात उड्या घेत तिडके कॉलनी बाजीराव नगर नदी पात्रातून सागरला बाहेर काढले होते. त्यास तातडीने जिल्हा रुग्णाण्यात उपचारासाठी दाखल करण्यात आले. मात्र उपचारा पूर्वी त्याचा मृत्यू झाला होता असे वैद्यकीय अधिकाऱ्यांनी तपासून घोषित केले.
आतापर्यत अकरा नागरिकांचा मृत्यू
जिल्ह्यातील पूर परिस्थितीमुळे गेल्या 09 जुलै ते 16 जुलै पर्यंत एकूण अकरा व्यक्ती पुराच्या पाण्यात वाहून गेलेले आहेत. त्यामध्ये त्र्यंबकेश्वर 3, पेठ 1, सुरगाणा 3, दिंडोरी 01, नाशिक 02, मालेगाव 01 अशा व्यक्ती वाहून गेल्याची नोंद आहे. आत्तापर्यंत आठ व्यक्तींचे मृतदेह हाती लागले असून उर्वरित बेपत्ता असल्याचा शोध सध्या घेतला जात आहे. नाशिक शहरात सध्या पावसाचा जोर कमी झाल्यामुळे बचत पथक अधिक कामाला लागले असून उर्वरित व्यक्तींचा देखील लवकर शोध लागेल असा विश्वास व्यक्त करण्यात आला आहे.
Before You Go
Sanjay Raut Vs Naresh Mhaske Special Report : नरेश म्हस्केंची पत्रं, संजय राऊतांच्या बैठका, कोण खरं?
महत्त्वाच्या बातम्या
