Nashik Crime : नाशिकमधून दुचाकी चोरांची मोठी टोळी ताब्यात, तीन टेम्पो भरून दुचाकी हस्तगत 

Nashik Crime : नाशिक (Nashik) शहरात मोटारसायकल चोरीचे (Two Wheeler Theft) प्रमाण अत्यंत वाढले आहे.

Nashik Two Wheeler Theft

Nashik Crime : नाशिक (Nashik) शहरात मोटारसायकल चोरीचे (Two Wheeler Theft) प्रमाण अत्यंत वाढले आहे. रात्री तर चोरी होतेच मात्र आता दिवसा ढवळ्या देखील पार्क केलेल्या दुचाकी चोरटे लंपास करत असल्याचे निदर्शनास आले आहे. दरम्यान नाशिकरोड पोलिसांनी उल्लेखनीय कामगिरी केली असून तब्बल शहराच्या विविध भागातून चोरलेल्या 66 दुचाकी संशयितांकडून जप्त करण्यात आल्या आहेत. . 

नाशिक शहरात मोटारसायकल चोरीचे प्रमाण अत्यंत वाढले आहे. रात्री तर चोरी होतेच मात्र आता दिवसा ढवळ्या देखील पार्क केलेल्या दुचाकी चोरटे लंपास करत असल्याचे निदर्शनास आले आहे. दरम्यान नाशिक शहरातील नाशिक रोड पोलीस ठाण्याच्या गुन्हेश्वर पथकाने मोटरसायकल चोरीच्या गुन्ह्याची उकल केली असून लाखो रुपयांचा 66 मोटरसायकल जप्त करण्यात आले आहेत. फर्निचर व्यावसायिक सोनवणे यांच्या हत्याकांडाचा उलगडा झाल्यानंतर नाशिक पोलीस ऍक्टिव्ह झाल्याचे दिसून येत आहे. या कामगिरीचे सर्वत्र कौतुक होत असतानाच नाशिकरोड पोलिसांनी पुन्हा उल्लेखनीय कामगिरी करून शहर व परिसरात मोटरसायकल चोरांना अटक केली आहे. त्यांच्याकडून सुमारे सात लाख 70 हजार रुपये किमतीच्या 66 मोटरसायकल्स जप्त करण्यात आले आहेत. 

गेल्या काही दिवसांपासून नाशिक शहर व नाशिक रोड परिसरात दुचाकी गाड्यांचे चोरी सातत्याने होत आहे. सदरचे चोरटे हे दुचाकी गाड्या चोरून कमी किमतीत ग्राहकांना विकत असल्याची गुप्त माहिती नाशिकरोड पोलीस ठाण्याचे गुन्हे शोध पथकाची कर्मचारी विशाल पाटील व मनोहर शिंदे यांना समजली.  त्यांनी ही माहिती वरिष्ठ पोलीस निरीक्षक अनिल शिंदे यांना दिली. त्यानंतर पाटील व शिंदे यांनी गुप्त माहितीद्वारे संशयित अतुल नाना पाटील याला सिडको परिसरातून ताब्यात घेतले. त्यानंतर त्याची अधिक चौकशी केली असता त्याचे दोन साथीदार प्रवीण रमेश पाटील आणि ऋतिक उत्तम अडसुळे हे दोघे देखील चोरीच्या गुन्ह्यात सहभागी असल्याचे समजल्यानंतर त्यांनाही ताब्यात घेण्यात आले आहे . 

66 मोटरसायकली जप्त 
दरम्यान या तिघा संशयितांनी नाशिकरोड, इंदिरानगर, सातपूर, नाशिक, ग्रामीण धुळे, जळगाव या ठिकाणाहून दुचाकी गाडी चोरल्याचे तपासातून निष्पन्न झाले आहे. त्यांच्याकडून एकूण 15 गुन्हे उकल झाले आहेत. त्याचप्रमाणे 12 जुलै 2022 ते आजपर्यंत वेळोवेळी दोन अल्पवयीन मुलांसह व पंधरा संशयितांना अटक केली असून त्यांच्याकडून 22 लाख लाख वीस हजार रुपये किमतीच्या एकूण 66 मोटरसायकली जप्त करण्यात आले आहेत. त्यामुळे आजही अनेक दुचाकी चोरीच्या टोळ्या या शहरात पसरल्याचे यावरून दिसून येते. उल्लेखनीय कामगिरी गुन्हे शोध पथकातील हवालदार अविनाश देवरे सुभाष घेर मन अविनाश झुंजरे विष्णू गोसावी राकेश बोडके केतन कोकाटे आदींनी पोलीस आयुक्त जयंत नाईक नवरे उपायुक्त विजय खरात त्याचबरोबर वरिष्ठ पोलीस निरीक्षक अनिल शिंदे यांच्या मार्गदर्शनाखाली केली आहे