Nashik Saptshrungi Gad : सप्तशृंगी देवी मंदिर अवघे एक किलोमीटरवर, तत्पूर्वीच भाविकांचे वाहन उलटलं!
Nashik Saptshrungi Gad : मालेगाव - दाभाडीचे भाविक पिकअप व्हॅनमध्ये सप्तशृंगी देवीच्या दर्शनाला निघाले होते.
Nashik Saptshrungi Gad : सप्तश्रृंगी गडावर (Saptshurngi Gad) दर्शनासाठी जाणाऱ्या भाविकांच्या वाहनाला अपघात (Accident) झाला असून 20 हुन अधिक प्रवासी जखमी झाल्याचे समजते आहे. मालेगाव - दाभाडीचे भाविक पिकअप व्हॅनमध्ये बसून दर्शनासाठी जात असताना अचानक सपाटीवर असताना वाहन उलटून अपघात झाल्याची घटना घडली. जखमींवर ग्रामीण रुग्णालयात उपचार सुरू आहेत.
सध्या सुट्ट्यांचा आठवडा असल्याने अनेक भाविक भक्त सप्तशृंग गडावर दर्शनासाठी येत आहेत. अशातच नाशिकच्या (Nashik) मालेगाव तालुक्यातील (Malegaon) दाभाडी येथून काही भाविक भक्त सप्तशृंगी देवीच्या (Saptshurngi devi) दर्शनाला निघाले होते. पन्नास साठ किलोमीटरचे अंतर पार केल्यानंतर सप्तशृंगी गड अवघा एक किलोमीटरवर असताना अचानक पिकअप वाहन उलटले. यावेळी वाहनात भाविकांची गर्दी असल्याने एकमेकांवर आदळले. यामुळे अनेकजण जखमी झाले. दरम्यान भाविकांनी आरडाओरड करून स्थानिक नागरिक, सप्तशृंगी देवी प्रशासनास तात्काळ बोलवले. त्यांनतर जखमींना वणी रुग्णालयात हलविण्यात आले.
आज सकाळी मालेगाव दाभाडी (Dabhadi) येथील बंडु गांगुर्डे यांच्या पिकअपमधून सदर भाविक सप्तशृंगी गडावर दर्शनासाठी जात होते. त्यावेळी सप्तशृंगीचे मंदिर अवघे एक किलोमीटर अंतरावर असतांना चालकाचे वाहनावरील नियंत्रण सुटल्याने पिकअप उलटली. चालकाचे वाहनावरील नियंत्रण सुटल्याने गाडी पलटी होऊन प्रवासी जखमी झाले. तर चौघांवर नांदुरी येथे तर उर्वरीत जखमींवर वणी ग्रामीण रुग्णालयात उपचार सुरू आहे. नांदुरी ते सप्तशृंगगड हे अंतर दहा किलोमीटर असुन सप्तशृंगीचे मंदिर अवघे एक किलोमीटर अंतरावर असताना चालकाचे वाहनावरील नियंत्रण सुटले. पिकअप उलटल्याने भाविकांनी आक्रोश केला. गडावरील नागरीक, पोलिसांनी घटनास्थळी धाव घेत जखमींना उपचारासाठी रुग्णलयात दाखल केले.
क्षमतेपेक्षा जास्त प्रवासी
नाशिकच्या वणी गडावर भाविकांच्या गाडीला भीषण अपघात झाला असून या अपघातांत 20 हुन अधिक भाविक जखमी झाल्याची माहिती समोर येत आहे. तर अपघातात जखमी असलेले सगळे भाविक मालेगावच्या दाभाडी मधील आहे. वाहन चालकाचा वाहनावरील ताबा सुटल्याने गाडीने उलटली आणि हा अपघात झाला. सर्व भाविक पिकप या मालवाहतूक करणाऱ्या गाडीने दर्शनाला चालले होते. सप्तशृंगी चे मंदिर अवघे एक किलोमीटर अंतरावर असताना चालकाचे वाहनावरील नियंत्रण सुटल्याने वाहन थेट उलटले. भाविकांनी आक्रोश केल्यानंतर गडावरील नागरिक आणि पोलिसांनी घटनास्थळी धाव घेत जखमींना घटनास्थळावरून हलवलं. वणी येथील रुग्णालयात दाखल करण्यात आले तर त्यांच्यावर उपचार सुरू आहेत. दरम्यान चढ चढून सपाटीला लागलो, मात्र अचानक पणे गाडी उलटली, आम्ही सर्व एकेमकांवर आदळलो, नेमकी गाडी कशी काय उलटली हेच समजायला मार्ग नसल्याचे पिकअप चालकाने सांगितले. दरम्यान क्षमतेपेक्षा जास्त प्रवासी प्रवास करत असल्याने अपघात घडल्याची चर्चा आहे.
महत्त्वाच्या बातम्या
ट्रेंडिंग न्यूज
