![metaverse](https://cdn.abplive.com/imagebank/metaverse-top.png)
SSC 10th Result 2022 : दहावीचा निकाल जाहीर, नाशिक विभागाने केलं निराश, लागला सर्वात कमी निकाल
SSC 10th Result 2022 : दहावी परीक्षेचा (10Th Results) निकाल आज जाहीर करण्यात आला असून निकालामध्ये नाशिक विभागाने (Nashik Division) मार खाल्ला आहे. नाशिक विभाग 95.90 टक्क्यांसह राज्यात तळाशी आहे.
![SSC 10th Result 2022 : दहावीचा निकाल जाहीर, नाशिक विभागाने केलं निराश, लागला सर्वात कमी निकाल Maharashtra News 10th Results maharashtra-ssc-result-2022-nashi division--result-lowest in state SSC 10th Result 2022 : दहावीचा निकाल जाहीर, नाशिक विभागाने केलं निराश, लागला सर्वात कमी निकाल](https://feeds.abplive.com/onecms/images/uploaded-images/2022/06/17/39a167cd9132aefc090ead60731c66f4_original.png?impolicy=abp_cdn&imwidth=1200&height=675)
SSC 10th Result 2022 : महाराष्ट्र राज्य माध्यमिक आणि उच्च माध्यमिक शिक्षण मंडळाकडून घेण्यात आलेल्या दहावी परीक्षेचा निकाल आज जाहीर करण्यात आला आहे. निकालामध्ये बारावीनंतर कोकण विभागाने बाजी मारली असून दहावीतही नाशिक विभागाने मार खाल्ला आहे. नाशिक विभाग 95.90 टक्क्यांसह राज्यात तळाशी आहे. तर निकालांमध्ये पुन्हा एकदा मुलींनी बाजी मारली आहे. मुलींचा निकाल 97.96 टक्के तर मुलांचा निकाल 96.06 टक्के लागला आहे. आकडेवारीनुसार सर्वच विभागांमध्ये मुलींनी बाजी मारली आहे.
नाशिक विभागातून यंदाच्या दहावीच्या परीक्षेत १ लक्ष ९६ हजार ७१४ विद्यार्थी परीक्षेला प्रविष्ट झाले होते. त्यापैकी १ लाख ८८ हजार ६६६ विद्यार्थी उत्तीर्ण झाले आहेत. तर नाशिक विभागातून एका विद्यार्थीला १०० पैकी १०० मार्क मिळाले आहेत. तर नाशिक विभागाची टक्केवारी 95.90 इतकी असून राज्यात सर्वात कमी निकाल नाशिक विभागाचा आहे. तर दहावीच्या नियमित विद्यार्थ्यांचा एकूण निकाल 96.94 टक्के इतका लागला आहे. यंदाच्या वर्षीची दहावी परीक्षा 15 मार्च 2022 ते 4 एप्रिल 2022 दरम्यान पार पडली होती.
दुपारी 1 वाजता ऑनलाईन निकाल लागणार
महाराष्ट्र राज्य माध्यमिक शिक्षण मंडळाचा इयत्ता दहावीचा निकाल आज लागणार आहे. निकाल जाहीर झाल्यानंतर 'ABP Majha'च्या वेबसाईटवर तुमचा निकाल पाहता येणार आहे. एबीपी माझाची अधिकृत वेबसाईट marathi.abplive.com वर दहावीचे विद्यार्थी झटपट आपला निकाल पाहू शकणार आहेत. त्याशिवाय, MH10.ABPMajha.Com लिंकवर क्लिक करून थेट निकाल पाहता येणार आहे. दहावीच्या परीक्षेला 16,38, 964 विद्यार्थ्यांनी नोंदणी केली होती. यापैकी 8,89, 506 मुलं असून मुलींची संख्या 7, 49, 458 एवढी आहे. आज दुपारी 1 वाजता ऑनलाईन निकाल पाहता येणार आहे. एबीपी माझाच्या वेबसाईटवरही विद्यार्थ्यांना जलद निकाल पाहता येणार आहे.
निकाल जाहीर झाल्यानंतर कसा चेक कराल ?
स्टेप 1 : https://marathi.abplive.com/ वर लॉन ऑन करा
स्टेप 2 : दहावी निकालाच्या बॅनरवर क्लिक करा
स्टेप 3 : तिथं असलेल्या बॉक्समध्ये आपला सीट नंबर टाका
स्टेप 4 : तुमच्या आईच्या नावातील पहिली तीन अक्षरं लिहा
स्टेप 5 : एंटर केल्यानंतर तुमचा निकाल स्क्रिनवर दिसेल
स्टेप 6 : निकालाची प्रिंट आऊट घ्या किंवा मोबाईलमध्ये सेव्ह करा
प्रभागनिहाय निकाल (टक्केवारी)
कोकण: 99.27
कोल्हापूर: 98.50
लातूर: 97.27
नागपूर: 97.00
मुंबई: 96.94
अमरावती: 96.81
औरंगाबाद: 96.33
पुणे : 96.16
नाशिक: 95.90
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)