Nashik Corona Update : नाशिककरांनो काळजी घ्या! जिल्ह्यात नववर्षाच्या पहिल्याच दिवशी आढळले 14 कोरोनाबाधित; एक रुग्ण दगावला

Nashik Corona Update : गेल्या काही दिवसांपासून नाशिक शहरासह जिल्ह्यात कोरोना रुग्णांमध्ये वाढ होत आहे.. नववर्षाच्या पहिल्याच दिवशी 14 कोरोनाबाधित रुग्ण आढळल्याने खळबळ उडाली आहे.

Nashik Corona Update : Covid cases in Maharashtra

Nashik Corona Update नाशिक : शहरासह जिल्ह्यात कोरोनाच्या नव्या व्हेरियंटने (JN.1 Coronavirus) पाय रोवायला सुरु केली आहे. रविवारच्या अहवालात जिल्ह्यात तीन कोरोना (Coronavirus) रुग्ण आढळले होते. या पाठोपाठ सोमवारी नववर्षाच्या (New Year 2024) पहिल्याच दिवशी 14 कोरोनाबाधित रुग्ण आढळल्याने खळबळ उडाली आहे. तर एक रुग्ण दगावल्याची माहिती समोर येत आहे.
 
कोरोनाचा प्रादुर्भाव लक्षात घेता नाशिक मनपाचा आरोग्य विभाग (NMC Health Department) सतर्क झाला आहे. 24 डिसेंरबरपासून शहरातील मनपाच्या रुग्णालयांमध्ये रॅपिड अँटिजन टेस्टची सुविधा उपलब्ध करुन देण्यात आली आहे. तसेच, नाशिकरोडच्या जेडीसी बिटको रूग्णालय, स्वामी समर्थ रूग्णालय, सिडकोच्या प्राथमिक आरोग्य केंद्रात चाचण्या केल्या जात आहे. 

Covid cases in Maharashtra : जिल्ह्यात एक रुग्ण दगावला

गेल्या काही दिवसांपासून नाशिक शहरासह जिल्ह्यात कोरोना रुग्ण आढळून येत आहेत. गेल्या 17 डिसेंबर रोजी येवला तालुक्यातील पुरुष रुग्ण एका खासगी रुग्णालयात उपचार घेताना त्याचा मृत्यू झाला होता. सोमवारी त्या रूग्णाचा अहवाल प्राप्त झाला. या अहवालात तो कोरोनाबाधित होता असे आढळून आले आहे. 

Covid cases in Maharashtra : शहरात पाच तर ग्रामीणमध्ये 8 कोरोनाबाधित

गेल्या 24 तासांमध्ये करण्यात आलेल्या चाचण्यांमध्ये 14 कोरोनाबाधित रुग्ण आढळून आले आहेत. यात नाशिक शहरात 5 तर, ग्रामीण भागातील 8 रुग्ण रुग्णांचा समावेश आहे. तसेच एकाचा मृत्यू झाला आहे. 

Covid cases in Maharashtra : रुग्णांची होतेय आरटीपीसीआर चाचणी

नाशिकसह जिल्ह्यात रॅपिड टेस्टसह उपचारासाठी दाखल रुग्णांची आरटीपीसीआर चाचणी केली जात आहे. सोमवारी एकूण 84 रुग्णांची तपासणी करण्यात आली आहे. या तपासणीत 14 रुग्णांचे कोरोनाबाधित असल्याचे निष्पन्न झाले आहे. नाशिक मनपा क्षेत्रात सोमवारी एकूण 20 जणांच्या चाचण्या झाल्या यात 5 कोरोनाबाधित आढळले आहेत.

मालेगाव मनपात 35 चाचण्या झाल्या यात एक रुग्ण कोरोनाबाधित आढळला. जिल्हा रुग्णालयात १२ चाचण्या झाल्या असून यात एकही कोरोनाबाधित रुग्ण आढळला नाही. तसेच इतर ठिकाणी 17 चाचण्या झाल्या असून आठ रुग्णांचे अहवाल पॉझिटिव्ह आले आहेत. तर येवल्यात रुग्णाचा मृत्यू झाला आहे. नाशिक जिल्ह्यात एकूण 84 चाचण्या झाल्या आहेत. 

Covid cases in Maharashtra : नागरिकांनी सतर्कता बाळगावी

कोरोनाच्या नव्या व्हेरीयंटचा धोका लक्षात घेता. नागरिकांनी खबरदारी घ्यावी. ज्येष्ठ नागरिक किंवा ज्यांना आजार आहेत त्यांना या न्यू व्हेरिएंटचा धोका अधिक असल्याने त्यांनी याबाबत विशेष काळजी घ्यावी. नागरिकांनी घाबरून जाऊ नये, सतर्कता बाळगावी, असे आवाहन नाशिक महापालिकेतर्फे करण्यात आले आहे. 

इतर महत्वाच्या बातम्या