Cancer Day: कॅन्सर रुग्णांसाठी उत्तर भारतीय संघ अतिथीगृह, अत्याधुनिक सुविधा उपलब्ध होणार
संतोष आरएन सिंग यांनी जागतिक कर्करोग दिनानिमित्त 51 लाख रुपयांचा धनादेश दिले तसेच,आरएन सिंग यांचे नाव गेस्ट हाऊसला देण्यात येणार आहे.
मुंबई: कॅन्सरच्या उपचारासाठी मुंबईत येणाऱ्या उत्तर भारतीयांसाठी मुंबईमध्ये उत्तर भारतीय संघ अतिथीगृह उभारण्यात आलं आहे. उत्तर भारतीय संघाचे नवनिर्वाचित अध्यक्ष संतोष यांनी जागतिक कर्करोग दिनानिमित्त यासाठी पुढाकार घेतला आहे. उत्तर भारतीय संघ भवन, वांद्रे पूर्व येथील अतिथीगृहात कॅन्सरग्रस्त रुग्ण आणि उत्तर प्रदेश, बिहार आणि राज्याच्या कानाकोपऱ्यातून मुंबईत उपचारासाठी येणाऱ्यांसाठी आर.एन.सिंग यांनी त्यांच्या निवासस्थानी (रिचमंड, पवई हिरानंदानी गार्डन) संघाच्या पदाधिकाऱ्यांच्या उपस्थितीत 51 लाख रुपयांचा धनादेश दिला.
या गेस्ट हाऊसचे नाव संतोष सिंह यांचे दिवंगत वडील आणि भाजप आमदार, उत्तर भारतीय संघाचे अध्यक्ष आर.एन. सिंग यांचे नाव असेल. 2 जानेवारी रोजी आर. एन. सिंग यांचे निधन झाले होते. यावेळी उत्तर भारतीय संघाचे अध्यक्ष संतोष सिंह म्हणाले की, माझे वडील आर.एन.सिंग यांचे स्वप्न साकार करण्यासाठी मी समाजसेवेच्या क्षेत्रात एक पाऊल पुढे टाकले आहे. यासाठी मी 51 लाख रुपये गेस्ट हाऊससाठी दिले आहेत.
गेस्ट हाऊसमध्ये असलेल्या सुविधा
वांद्रे पूर्व येथील टीचर्स कॉलनीच्या मागे असलेल्या उत्तर भारतीय संघ भवनात 6 हजार 800 चौरस फुटांमध्ये 50 खाटांची वसतिगृह आणि 5 एसी खोल्या तयार करण्यात आल्या आहेत. या गेस्ट हाऊसमध्ये कॅन्टीनचीही सोय आहे. उत्तर भारतीय संघाचे अध्यक्ष संतोष आर.एन. संघाचे गेस्ट हाऊस 'ना नफा, ना तोटा' या तत्त्वावर चालवले जाणार असल्याचे सिंह यांनी सांगितले.
महाराष्ट्रासह इतर राज्यांतून विशेषत: उत्तर प्रदेश, बिहार आणि मध्य प्रदेशातून येणारे कर्करोगग्रस्त रुग्ण मुंबईतील टाटा कॅन्सर हॉस्पिटलमध्ये उपचार घेतात. त्यांना आणि त्यांच्या कुटुंबियांनाही रुग्णालयाबाहेर रस्त्यावर राहावे लागत आहे. अशा रुग्णांना आणि त्यांच्या कुटुंबियांना अतिशय कमी दरात गेस्ट हाऊस उपलब्ध करून दिले जातील. याशिवाय यात्रेकरूंना गेस्ट हाऊसची सुविधाही उपलब्ध करून दिली जाईल, असेही त्यांनी सांगितले. गेस्ट हाऊसमध्ये परवडणाऱ्या दरात उच्च दर्जाचे जेवणही मिळेल.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
