काँग्रेसनेच शरद पवार यांच्या पाठीत खंजीर खुपसला : रामदास आठवले
अनंत गीते यांचा शरद पवार यांच्यावरील आरोप चुकीचा, केंद्रीय राज्यमंत्री रामदास आठवले यांचे स्पष्टीकरण.
मुंबई : शिवसेना नेते संजय राऊत यांनी चंद्रकांत पाटील यांच्या विरोधात सव्वा रूपयाचा माणहणीचा दावा करणार आहे. कारण, त्यांची तेव्हढीच किंमत असल्याची टीका केली. यानंतर चंद्रकांत पाटील यांनी प्रत्युत्तर देताना त्यांनी सव्वा रुपयांऐवजी ही रक्कम वाढवायला हवी. संजय राऊतांची मानहानी सव्वा रुपयांची नक्कीच नाही असा टोमणा मारला. राज्यात सुरू असलेल्या आरोप प्रत्यारोपाबाबत केंद्रीय राज्यमंत्री रामदास आठवले यांनी प्रतिक्रिया दिली आहे.
आठवले म्हणाले, की सध्या राज्यात उलट सुलट आरोप-प्रत्यारोप सुरू आहेत. त्यापेक्षा महाराष्ट्राच्या विकासाकडे लक्ष देणे आवश्यक आहे. संजय राऊत सत्ताधारी पक्षाचे खासदार असून शिवसेनेचे प्रवक्ते, नेते आहेत, त्यांना अशा प्रकारचे आरोप करत वेळ खर्च करण्याची आवश्यकता नाही, अस सल्ला आठवले यांनी राऊत यांना दिला. अनंत गीते यांनी शरद पवारांवर केलेल्या आरोपाबाबत बोलताना आठवले म्हणाले, की अनंत गीते यांनी शरद पवार यांनी काँग्रेसच्या पाठीत खंजीर खुपसल्याचा आरोप केला. मात्र 1998 मध्ये शरद पवार यांना काँग्रेस मधून काढलं होतं. त्यामुळे शरद पवारांनी काँग्रेसच्या पाठीत खंजीर खुपसला नाही तर काँग्रेसने शरद पवार यांच्या पाठीत खंजीर खुपसला आहे. त्यामुळे असे आरोप करणे योग्य नसल्याचे त्यांनी सांगितले.
भ्रष्टाचाराचे आरोप असलेले भाजपमध्ये आलेत त्यांचे पुरावे असतील तर बाहेर काढावे : रामदास आठवले
महाविकास आघाडीच्या सरकारमध्ये आपापसात आरोप-प्रत्यारोप सुरू आहेत. किरीट सोमय्या यांनी अनेक लोकांच्या भ्रष्टाचाराबाबत तक्रार करत ईडीला पुरावे दिले आहेत. साखर कारखाने आणि इतर उद्योग करायला काही हरकत नाही. मात्र, त्यात भ्रष्टाचार, अनियमितता असता कामा नये, असे स्पष्ट केले. तर किरीट सोमय्या यांनी आरोप केलेले बहुतेक आमदार, मंत्री भाजपमध्ये गेल्याबाबत रामदास आठवले म्हणाले, की असे आमदार, मंत्री भाजपमध्ये आले असतील तर इतरांनी त्यांच्याविरोधात पुरावे असतील बाहेर काढावेत असं आवाहन विरोधी पक्षांना केलं आहे.
Before You Go
Special Report Milk Rate Increased : दुधाच्या विक्री दरात दोन रुपयांची वाढ;११ ऑगस्टपासून नवे दर लागू
महत्त्वाच्या बातम्या
