Aditya Thackeray : मिंधे-भाजप गँगच्या गद्दारांचं हे कोणतं हिंदुत्व?, 'बंदूकधारी' सदा सरवणकरांच्या नियुक्तीवर आदित्य ठाकरेंचं 'फायरिंग'
Siddhivinayak Temple Trust Mumbai : ठाकरे गटाच्या आदेश बांदेकरांचा कार्यकाल संपल्यानंतर आता त्या ठिकाणी शिंदे गटाचे आमदार सदा सरवणकर यांची वर्णी लागली आहे.
मुंबई: गणपती बाप्पाच्या मिरवणुकीत गोळीबार करणाऱ्याला सिद्धीविनायक मंदिराचे अध्यक्षपद (Siddhivinayak Temple Trust) बहाल करण्यात आलं आहे असं म्हणत शिवसेना ठाकरे गटाचे नेते आदित्य ठाकरे (Aditya Thackeray) यांनी शिंदे गटाचे आमदार सदा सरवणकर (Sada Sarvankar) यांच्यावर टीका केली. हिंदू सणात विघ्न आणणाऱ्या त्या व्यक्तीचं लायसन्स आणि बंदूक जप्त झाली पाहिजे होती, पण तसे न करता त्याला बक्षीस देण्यात आलं असा आरोपही त्यांनी केला. ठाकरे गटाच्या आदेश बांदेकरांचा (Aadesh Bandekar) कार्यकाल संपल्यानंतर त्या ठिकाणी आमदार सदा सरवणकरांची नियुक्ती करण्यात आली आहे.
गेल्या गणेशोत्सवात प्रभादेवीमध्ये शिवसेनेच्या दोन गटांमध्ये जोरदार राडा झाला होता. त्यावेळी हवेत गोळीबार गेल्याप्रकरणी आमदार सदा सरवणकर अडचणीत सापडले होते. याप्रकरणी चौकशीअंती सदा सरवणकरांना क्लिन चीट देण्यात आली होती. आता त्यांची सिद्धीविनायकाच्या अध्यक्षपदी नियुक्ती झाल्यानंतर आदित्य ठाकरेंनी सरकारच्या निर्णयावर जोरदार टीका केली.
काय म्हटलंय आदित्य ठाकरेंनी?
दादरमध्ये यापूर्वी घडला नव्हता असा प्रकार ज्याने केला, आमच्या गणपती बाप्पाच्या मिरवणुकीत ज्याने बंदूक रोखली, टीव्हीवर देखील ते दाखवण्यात आलं. नंतर पोलिसांनीही सांगितलं की, गोळी त्यांच्याच बंदूकीतून चालवली गेली होती.
त्या गद्दार व्यक्तीची चौकशी आणि अटक तर सोडाच, मिंधे-भाजप सरकारने आज त्यांना सिद्धिविनायक न्यासाचे अध्यक्ष म्हणून बसवले.
हिंदू सणात विघ्न आणणाऱ्या त्या व्यक्तीचं लायसन्स आणि बंदूक जप्त झाली पाहिजे होती, अटक व्हायला हवी होती! पण ह्या कृत्याबद्दल त्याला बक्षीसच मिळाल्याचं दिसतंय!
मिंधे-भाजप गँगच्या गद्दारांचं हे कोणतं हिंदुत्व?
आमच्या सणवाराला, गणपती बाप्पाच्या मिरवणुकीत बंदूक रोखणारे हे सिद्धिविनायक न्यासाचे अध्यक्ष म्हणून कसे शोभतात?
खरंतर भाजपा किंवा गृहमंत्र्यांकडून ह्या गोष्टीचा विरोध व्हायला हवा होता.
पण कदाचित हे गद्दारीचं आणि महाराष्ट्रद्वेषाचं बक्षीस दिलं असेल.
दादरमध्ये ह्यापूर्वी घडला नव्हता असा प्रकार ज्याने केला, आमच्या गणपती बाप्पाच्या मिरवणुकीत ज्याने बंदूक रोखली, टीव्हीवर देखील ते दाखवण्यात आलं. नंतर पोलिसांनीही सांगितलं की, गोळी त्यांच्याच बंदूकीतून चालवली गेली होती.
— Aaditya Thackeray (@AUThackeray) November 7, 2023
त्या गद्दार व्यक्तीची चौकशी आणि अटक तर सोडाच, मिंधे- भाजप…
सदा सरवणकर 'सिद्धीविनायकचे' अध्यक्ष
शिवसेना शिंदे गटाचे महत्त्वाचे शिलेदार समजले जाणाऱ्या आमदार सदा सरवणकरांची मुंबईतील सिद्धीविनायकच्या अध्यक्षपदी नियुक्ती झाली आहे. शिवसेनेचे कट्टर शिवसैनिक म्हणून ओळखले जाणारे आमदार सदा सरवणकर यांनी शिवसेनेत अनेक महत्त्वाची पदं भूषवली आहेत. माहीम, दादरचा गड शिवसेनेकडे राखून ठेवण्याचं काम सदा सरवणकरांनी केलं आहे. शिवसेनेत असताना सरवणकरांनी विभागप्रमुख, स्थायी समिती अध्यक्ष अनेक महत्त्वाची पदं भूषवली आहेत. तसेच, सरवणकर सर्वात आधी नगरसेवक म्हणून शिवसेनेच्या तिकीटावर निवडून आले होते. त्यानंतर सरवणकरांनी शिवसेनेकडूनच आमदारकीची निवडणूक लढवली. शिवसेनेत फूट पडल्यानंतर सदा सरवणकरांनी ठाकरेंची साथ सोडली आणि एकनाथ शिंदेंची कास धरली. ठाकरेंच्या विश्वासूंपैकी एक असणारे आमदार सदा सरवणकर शिंदे गटात सामील झाले.
ही बातमी वाचा:
महत्त्वाच्या बातम्या
