मुंबईकरांसाठी गूड न्यूज, आता दीड तासांचा प्रवास होणार फक्त 36 मिनीटांत 

रोपवेने एक किलोमीटरचे अंतर दोन मिनीटांत कापता येणार आहे. एमएमआरडीएने पूर्व उपनगरे पश्चिम मार्गाला जोडण्यासाठी रोपवे प्रकल्पाचा रोडमॅप तयार केला आहे.

ropeway (प्रतिकात्मक फोटो)

मुंबई : मुंबईत(mumbai ) रस्ते आणि जलमार्गावर होणारी रहदारी कमी करण्यासाठी आता हवेतून मार्ग बनविण्याच्या कामाने वेग घेतला आहे. मुंबईत 7.2 किलोमीटर लांबीचा रोपवे(Ropeway) बनविण्याची योजना सरकारने तयार केली आहे.  

मुंबई महानगर प्रदेश विकास प्राधिकरण (MMRDA) ने दिलेल्या माहितीनुसार, जानेवारी 2023 पासून पहिल्या रोपवेचे बांधकाम सुरू करण्याची योजना तयार करण्यात आली आहे. हे बांधकाम 2025 पर्यंत सुरू करण्याचे लक्ष्य आहे. पुढील वर्षाच्या अखेरीपर्यंत या प्रकल्पाचे काम सुरू करण्याचे उद्दिष्ट ठेवून, एमएमआरडीएने सवलतीधारकांच्या भरतीची प्रक्रिया सुरू केली आहे.

एमएमआरडीएच्या एका अधिकाऱ्याच्या म्हणण्यानुसार, सवलतधारकाचे काम रोपवेच्या मार्गात येणाऱ्या जमिनीच्या मालकांना प्रकल्प आणि नुकसान भरपाईच्या रक्कमेची माहिती सांगणे असेल. यासोबतच रोपवेच्या उभारणीमुळे आसपासच्या परिसरावर त्याचा काय परिणाम होणार आहे याचीही माहिती द्यावी लागणार आहे. जमीन मालक आणि एमएमआरडीए यांच्या मध्ये होणारा व्यवहार  आणि इतर प्रक्रिया पारदर्शक करणे हे सवलतधारकाचे मुख्य कार्य असणार आहे.

568 कोटी रुपये होणार  खर्च  

महावीर मेट्रो स्टेशन ते पॅगोडा-गोराई असा 7.2 किमी लांबीचा रोपवे बांधण्यासाठी 568 कोटी रुपये खर्च केले जाणार आहेत. लोकांना लास्ट माईल कनेक्टिव्हिटी देण्यासाठी हे रोपवे जोडण्यात येणार आहेत. महावीर नगरहून गोराईला जाण्यासाठी दीड तास लागतो, तर रोपवेने हा प्रवास अवघ्या 36 मिनिटांत पूर्ण होणार आहे. रोपवे प्रकल्पातील डिझाइन, फायनान्स बिल्ड, ऑपरेट आणि ट्रान्सफर (DFBOT) च्या धर्तीवर प्राधिकरणाच्या हालचाली वेगात होत आहेत. प्रकल्पाच्या निविदेनुसार, इच्छुक कंपनीला रोपवे बांधणे, वित्तपुरवठा करणे आणि चालवणे ही कामे स्वतः करावी लागणार आहेत. त्यासठी विशिष्ट रक्कम एमएमआरडीएला भरावी लागणार आहे. एमएमआरडीएच्या वरिष्ठ अधिकाऱ्याने दिलेल्या माहितीनुसार, जी कंपनी प्राधिकरणाला चांगला प्रस्ताव देऊन अधिक रक्कम देईल, त्यांनाच या प्रकल्पाची संधी दिली जाईल.

2 मिनिटात कापणार 1 किमी अंतर
रोपवेने एक किलोमीटरचे अंतर दोन मिनिटांत कापता येणार आहे. एमएमआरडीएने पूर्व उपनगरे पश्चिम मार्गाला जोडण्यासाठी रोपवे प्रकल्पाचा रोडमॅप तयार केला आहे. याद्वारे लोकांना मालाड मेट्रो स्टेशन, मार्वे, बोरिवली रेल्वे स्टेशन, मेट्रो 2-ए आणि गोराई जेट्टीपर्यंत सहज पोहोचता येणार आहे. मुंबईतील वाढत्या वाहतुकीची समस्या लक्षात घेऊन हा प्रकल्प तयार करण्यात आला आहे.

या स्थानकांना होणार फायदा 
महावीर नगर मेट्रो स्टेशन
सीताराम मंदिर चौक 
चारकोप मार्केट
चारकोप आय चौक
टर्जन पॉइंट
पॅगोडा
गोराई मिडल स्टेशन
गोराई गाव

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha

इतर महत्वाच्या बातम्या