PM Modi Speech LIVE: कोणताही भेदभाव न करता विक्रमी लसीकरण करुन दाखवलं - पंतप्रधान मोदी
PM Modi To Address Nation Today: काल देशानं कोरोना लसीकरणात एक महत्वाचा टप्पा पार केला. या निमित्तानं पंतप्रधान नरेंद्र मोदी सकाळी 10 वाजता संबोधित करणार आहेत.
LIVE
Background
PM Modi To Address Nation Today: काल देशानं कोरोना लसीकरणात एक महत्वाचा टप्पा पार केला. देशानं 100 कोटी डोसचा टप्पा ओलांडला आहे. त्यानिमित्ताने पंतप्रधान मोदी यांनी आरोग्य कर्मचारी, फ्रन्टलाईन वर्कर्स आणि देशवासियांचे आभार मानले. आज या निमित्तानं पंतप्रधान नरेंद्र मोदी सकाळी 10 वाजता संबोधित करणार आहेत. पंतप्रधान कार्यालयाकडून (पीएमओ) याबाबत माहिती देण्यात आली आहे.
कोरोना लसीकरणासह मोदींच्या संबोधनात काश्मीरमधील घडामोडींवर देखील भाष्य होण्याची शक्यता आहे. काल देशातील लसीकरणाने 100 कोटी डोसचा टप्पा ओलांडला. यानंतर बोलताना मोदींनी म्हटलं होतं की, ही भारतासाठी गौरवास्पद कामगिरी असून हे यश देशातील 130 कोटी जनतेचं आहे. हे यश साध्य करणाऱ्या आरोग्य कर्मचारी, फ्रन्टलाईन वर्कर्स, लस निर्मिती करणाऱ्या कंपन्या, शास्त्रज्ञ तसेच आंत्रप्रुनर्स यांचं पंतप्रधानांनी आभार मानले होते. 21 ऑक्टोबर 2021 या दिवसाची इतिहासात नोंद केली जाईल असंही पंतप्रधानांनी म्हटलं होतं.
China Corona Update : चीनमध्ये कोरोना रिटर्न्स! जगातील सर्वाधिक लसीकरण होऊनही पुन्हा लॉकडाऊनची वेळ
देशाने आता कोरोना लसीच्या 100 कोटी डोसचे सुरक्षा कवच प्राप्त केल्याचं पंतप्रधानांनी सांगितलं होतं. पंतप्रधान नरेंद्र मोदी म्हणाले होते की, "सबका प्रयास ही जी गोष्ट आहे ही सामूहिक इच्छाशक्तीच्या आधारे साध्य करता येते. आजचे यश हे देशातील आरोग्य कर्मचारी, फ्रन्टलाईन वर्कर्स, शास्त्रज्ञ, लस निर्मिती करणाऱ्या कंपन्या, लस वाहतूक करणारे कर्मचारी तसेच 130 कोटी देशवासियांच्या सामूहिक इच्छाशक्तीचा परिणाम आहे. या नंतरच्या काळातही रुग्ण आणि त्यांच्या नातेवाईकांना तातडीने उपचार मिळावा याकडे आपले लक्ष असेल."
दरम्यान, कोरोना लसीच्या 100 कोटी डोसचा टप्पा काल ओलांडला. देशात कोरोना लसीकरणाला 16 जानेवारी 2021 रोजी सुरुवात झाली आणि पाहता-पाहता काल 100 कोटी डोस पूर्ण झाले. लसीकरणाच्या बाबतीत भारत आता जगात दुसऱ्या क्रमांकावर आहे. भारतातील अर्ध्याहून जास्त लोकसंख्येने कोरोना लसीचा पहिला डोस घेतला आहे. तसेच लहान मुलांच्या लसीच्या चाचणीलाही मंजुरी मिळाली असल्याने येत्या काळात लसीकरणाच्या कार्यक्रमाला आणखी वेग येणार आहे.
अनेक संस्था भारतामधील अर्थव्यवस्थेबाबत सकारात्मक
तज्ज्ञ आणि देश-विदेशातील अनेक संस्था भारतामधील अर्थव्यवस्थेबाबत सकारात्मक आहेत. भारतातील कंपनीमध्ये गुंतवणूकदार वाढत आहेत. त्याशिवाय रोजगारही मोठ्या प्रमाणावर उपलब्ध होत आहे. स्टार्टअपमध्ये मोठी गुंतवणूक सुरु आहे. मेड इन इंडियाची ताकद सर्वात मोठी आहे. स्वच्छ भरात अभियानाप्रमाणेच ocal for Local चाही नारा द्यायला हवा. भारतात तयार झालेल्या अथवा भरातीयांनी तयार केलेल्या गोष्टी खरेदी करायला हव्यात. मेड इन इंडियावर भर द्यायला हवा. हे सर्व भारतीयांच्या सहभागानंतरच यशस्वी होईल.
महामारीनंतर भारताच्या आरोग्य व्यवस्थेवर प्रश्न उपस्थित करण्यात आले
100 वर्षानंतर आलेल्या सर्वात मोठ्या महामारीनंतर भारताच्या आरोग्य व्यवस्थेवर प्रश्न उपस्थित करण्यात आले. या महामारीचा भारत कसा सामना करणार? इतर देशाकडून लस खरेदी करण्यासाठी भारताकडे पैसे येणार कुठून? भारताला लस कधी मिळणार? यासारख्या सर्व प्रश्नांची उत्तरं 100 कोटी लसीकरण हे आहे. सर्वांना सोबत घेऊन मोफत लसीकरणाची मोहीम सुरु केली. गरीब-श्रीमंत, गाव-शहर असा महामारी भेदभाव करत नाही. त्यामुळे लसीकरणातही भेदभाव नाही. त्यामुळे लसीकरणात व्हिआयपी कल्चरचा शिरकाव होऊ दिला नाही, असे मोदी म्हणाले. भारतासारख्या लोकशाही देशात कोरोनासोबत लढणं कठीण होईल, असं महामारीच्या सुरुवातीला म्हटलं जातं होतं. भारतातील लोकांकडे संयम आणि शिस्त आहे का? पण आपण या सर्वांना लसीकरणातून उत्तर दिलं आहे. आपल्यासाठी लोकशाही म्हणजे सबका साथ आहे, असेही ते म्हणाले.
अनेक लोक भारताच्या लसीकरण कार्यक्रमाची तुलना जगभरातील इतर देशांसोबत करत आहेत
आज अनेक लोक भारताच्या लसीकरण कार्यक्रमाची तुलना जगभरातील इतर देशांसोबत करत आहेत. भारताने ज्या वेगानं 100 कोटींचा आकडा पार केला त्याचं कौतुकही होत आहे. हे सर्व सुरु असताना आपण सुरुवात कुठून केली हे विसरत आहे. कोरोना महामारीच्या सुरुवातीला भारताला लस मिळेल का? भारत किती जणांचं लसीकरण करु शकतो? भारत कोरोना महामारीला थोपवू शकतो का? यासारख्या सर्व प्रश्नांना 100 कोटी लसीकरण उत्तर देत आहे.
100 कोटी लसीकरण फक्त ही फक्त संख्या नाही, देशातील जनतेच्या सामर्थ्याचं प्रतिबंब आहे - पंतप्रधान मोदी
100 कोटी लसीकरण फक्त ही फक्त संख्या नाही, देशातील जनतेच्या सामर्थ्याचं प्रतिबंब आहे - पंतप्रधान मोदी
जे बड्या देशांना जमलं नाही ते भारतानं करुन दाखवलं - पंतप्रधान मोदी
जे बड्या देशांना जमलं नाही ते भारतानं करुन दाखवलं, नवीन तंत्रज्ञानाच्या मदतीनं विज्ञानवादी दृष्टीकोनातून मोहिमेला यश- पंतप्रधान मोदी
महत्त्वाच्या बातम्या
ट्रेंडिंग न्यूज
