मुंबईकरांसाठी महत्त्वाची बातमी! 27 आणि 28 जानेवारी रोजी 'या' भागातील पाणीपुरवठा बंद
मुंबईकरांसाठी महत्त्वाची बातमी आहे. मुंबईतील काही भागांत येत्या गुरुवारी आणि शुक्रवारी (27 आणि 28 जानेवारी) पाणीपुरवठा बंद असणार आहे. मुंबई महानगरपालिकेने ही माहिती दिली आहे.
मुंबई : बृहन्मुंबई महानगरपालिकेतर्फे ट्रॉम्बे उच्चस्तरीय जलाशयातील इनलेट्स व्हॉल्व्ह बदलण्याचे काम करावयाचे असल्यामुळे येत्या गुरुवारी (27 जानेवारी) सकाळी 10 वाजल्यापासून शुक्रवारी (28 जानेवारी) पहाटे 4 वाजेपर्यंत करण्यात येणार आहे. त्यामुळे या कालावधीत म्हणजे गुरुवारी (27 जानेवारी) सकाळी 10 वाजल्यापासून शुक्रवारी (28 जानेवारी) एम/पूर्व आणि एम/पश्चिम या विभागांमधील खालील परिसरात 18 तासांसाठी पाणीपुरवठा पूर्णपणे बंद राहणार आहे.
एम/पूर्व विभाग : प्रभाग क्रमांक 140 - टाटानगर, गोवंडी स्थानक मार्ग; प्रभाग क्रमांक 141 - देवनार महानगरपालिका वसाहत, लल्लूभाई कंपाऊंड; प्रभाग क्रमांक 142 - लल्लूभाई कंपाऊंड, हिरानंदानी इमारत; प्रभाग क्रमांक 143 - जॉन्सन जेकब मार्ग (ए, बी, आय, एफ सेक्टर), एसपीपीएल इमारती, म्हाडा इमारती, महाराष्ट्र नगर; प्रभाग क्रमांक 144 - देवनार गाव रस्ता, गोवंडी गांव, व्ही. एन. पूरव मार्ग, बीकेएसडी मार्ग, दूरसंचार कारखाना परिसर, मंडाला गांव, मानखुर्द नौदल, संरक्षण क्षेत्र, मानखुर्द गांव, गोवंडी स्थानक मार्ग, टि. आय. एफ. आर. वसाहत; प्रभाग क्रमांक 145 - सी-सेक्टर, डी-सेक्टर, ई-सेक्टर, जी-सेक्टर, एच-सेक्टर, जे-सेक्टर, के-सेक्टर, कोळीवाडा ट्रॉम्बे, कस्टम मार्ग, दत्त नगर, बालाजी मंदीर मार्ग, पायलीपाडा, चिता कॅम्प ट्रॉम्बे; प्रभाग क्रमांक 146 - देवनार फार्म मार्ग, बोरबादेवी नगर, बी. ए. आर. सी. (BARC) फॅक्टरी, बी. ए. आर. सी. (BARC) वसाहत -
एम/पश्चिम विभाग : प्रभाग क्रमांक 151 – साईबाबा नगर आणि श्रमजीवी नगर; प्रभाग क्रमांक 152 - सुभाष नगर, चेंबूर गावठाण, स्वस्तीक पार्क, सिद्धार्थ वसाहत, सुमन नगर; प्रभाग क्रमांक 153 - घाटला अमर नगर, मोती बाग खारदेव नगर, वैभव नगर, मैत्री पार्क, अतूर पार्क; प्रभाग क्रमांक 154 - चेंबूर कॅम्प, युनियन पार्क लाल वाडी; प्रभाग क्रमांक 155 - लाल डोंगर
त्यामुळे सर्व संबंधीत विभागातील नागरिकांना या कालावधीतील पाणीकपातीपूर्वी अगोदरच्या दिवशी खबरदारीचा उपाय म्हणून पाण्याचा आवश्यक साठा करुन ठेवण्याचे आवाहन करण्यात आले. तसेच, कपातीच्या कालावधीत काटकसरीने पाणी वापरुन सहकार्य करावे, अशी विनंती बृहन्मुंबई महानगरपालिका प्रशासनाच्या वतीने करण्यात येत आहे.
इतर महत्वाच्या बातम्या
भाजपनं ईडी, आयटी, सीबीआयची वर्दी उतरवून मैदानात यावं, गाडल्याशिवाय राहणार नाही : संजय राऊत
शिवसेनेची 25 वर्ष भाजपसोबतच्या युतीमध्ये सडली, मुख्यमंत्री ठाकरेंचा पुनरुच्चार
गाफील शिवसैनिकांचे उद्धव ठाकरेंनी कान उपटले, सेनेच्या बड्या नेत्यांनीही प्रचारात उतरावं, ठाकरेंचं मत
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
