Mumbai News : 38 पोलीस निरीक्षकांची सहाय्यक आयुक्त म्हणून पदोन्नती घेण्यास का दिला नकार?

Mumbai News : 38 पोलीस निरीक्षकांनी सहाय्यक आयुक्त पोलीस म्हणून का नकार दिला याची काही कारणं सध्या सूत्रांनी दिली आहेत.

Police

मुंबई : पोलीस (Police) उपनिरीक्षकापासून सुरुवात करुन प्रत्येक पोलिसाचे सहाय्य पोलीस आयुक्त म्हणून निवृत्त होण्याचे स्वप्न असते. मात्र  महाराष्ट्रात पोलीस दलात अधिकाऱ्यांच्या काही वेगळ्या हालचाली पाहायला मिळत आहेत. सध्या पोलीस दलात 142 वरिष्ठ पोलीस निरीक्षकांना सहाय्यक पोलीस आयुक्तपदी बढती देण्यात आलीये. पण मुंबई पोलीस दलातील 9 जणांसह महाराष्ट्रातील सुमारे 38 जणांनी वेगवेगळी वैयक्तिक कारणं देऊन पदोन्नती घेण्यास नकार देण्यात आलाय. 

सूत्रांनी दिलेल्या माहितीनुसार, मुंबईतील कौटुंबिक जबाबदाऱ्या, त्यांच्या मुलांच्या शालेय शिक्षणाबाबतची चिंता, वैयक्तिक आरोग्याच्या समस्या आणि त्यांची पदोन्नती पुढे ढकलली जावी यासाठी जात प्रमाणपत्रे सादर करण्यात जाणीवपूर्वक होणारा विलंब ही कारणे आहेत. दरम्यान याबाबातची अनेक वेगवेगळी कारणं सध्या समोर येत आहे त्यामुळे नेमकं कशामुळे पोलीस आयुक्त पदोन्नती घेण्यास नकार देत आहे हे अद्यापही स्पष्ट झालेलं नाही. 

असा आहे पोलिसांचा विचार?

परंतु पोलीस विभागातील सूत्रांनी सांगितले की, सहाय्यक पोलीस आयुक्त म्हणून राहण्यापेक्षा क्रीम पोलीस ठाण्यात राहणं त्यांच्यासाठी जास्त चांगलं आहे असा विचार हे पोलीस आयुक्त करतात.  त्यामुळे बऱ्याचदा ते पदोन्नती घेण्यास नकार देत असल्याची माहिती खात्रीलायक सूत्रांनी दिली. 

 मुंबई पोलिसांमधील सूत्रांनी दिलेल्या माहितीनुसार, वरिष्ठ पोलिस निरीक्षक (PI) ची स्थिती शहरातील सर्वात प्रभावशाली मानली जाते.  कारण ते संपूर्ण पोलिस स्थानकावर देखरेख करतात आणि त्यांच्या संबंधित क्षेत्रात लक्षणीय शक्ती वापरतात. अनेक व्यक्ती निवृत्तीपर्यंत या पदावर राहण्याची आकांक्षा बाळगतात.  एसीपीच्या भूमिकेत पदोन्नतीमुळे वाढीव पगार आणि उच्च निवृत्तीवेतन लाभ मिळतात. परंतु हे पद आता 'साइड-पोस्टिंग' म्हणून मानले जाते.  

अधिकाऱ्यांना पदोन्नती नाकारण्याचा अधिकार

सरकारी नियम आणि पोलीस परिपत्रकानुसार अधिकाऱ्यांना पदोन्नती नाकारण्याचा अधिकार आहे.  तसेच, नियमांमध्ये असेही नमूद केले आहे की जे अधिकारी पदोन्नती नाकारतात त्यांना वेगळ्या पदावर बदली करणे आवश्यक आहे आणि एसीपी पदोन्नती नाकारल्यानंतरही त्यांना त्याच पदावर ठेवण्याची परवानगी नाही. दरम्यान यामधील काही अधिकाऱ्यांची चौकशी सुरु आहे. त्यांच्याविरोधात चौकशी प्रलंबित असल्याने पदोन्नती अपात्र ठरवण्यात आल्याचंही सूत्रांनी सांगितलं. दरम्यान आता हे पोलीस पदोन्नती घेणार का हे पाहणं जास्त गरजेचं ठरणार आहे. 

हेही वाचा :