Mumbai Corona Update : मुंबईकरांना दिलासा, नव्या कोरोनाबाधित रुग्णांपेक्षा बरे होणाऱ्यांची संख्या अधिक
Mumbai Corona Update : कोरोनावर मात केलेल्या रुग्णांची संख्या 11,16,001 वर पोहोचली आहे. त्यामुळे मुंबईचा रिकव्हरी रेट 97.8 टक्के इतका झाला आहे.
Mumbai Corona Cases : मुंबईमध्ये मागील काही दिवसांत कोरोना (Corona) रुग्णसंख्येत चढ-उतार पाहायला मिळत आहे. आज मुंबईत 838 रुग्णांची नोंद झाली आहे. तर 1999 रुग्ण कोरोनामुक्त झाले आहेत. आज नव्याने आढळलेल्या रुग्णांपेक्षा बऱ्या झालेल्या रुग्णांची संख्या अधिक आहे.
मुंबई महानगरपालिकेने दिलेल्या आकडेवारीनुसार, मुंबईत मंळवारी 1999 रुग्णांनी कोरोनावर मात केली आहे. ज्यामुळे मुंबईत कोरोनावर मात केलेल्या रुग्णांची संख्या 11,16,001 वर पोहोचली आहे. त्यामुळे मुंबईचा रिकव्हरी रेट 97.8 टक्के इतका झाला आहे. तर मागील 24 तासांत दोन रुग्णांचा कोरोनामुळे मृत्यू झाला आहे. कोरोनामुळे मृत्यू पावलेल्यांची संख्या 19,675 झाली आहे. सध्या मुंबईत 5724 रुग्ण आहेत. दरम्यान मुंबईत आढळलेल्या नव्या 838 रुग्णांमध्ये 804 रुग्णांना अधिक लक्षणं नसल्याने काहीसा दिलासा मुंबईकरांना मिळाला आहे. रुग्ण दुपटीचा दर आणि सक्रिय रुग्णसंख्यादेखील वेगाने वाढत आहे. रुग्ण दुपटीचा दर 883 दिवसांवर गेला आहे.
#CoronavirusUpdates
— माझी Mumbai, आपली BMC (@mybmc) August 25, 2022
25th August, 6:00 pm
Positive Pts. (24 hrs) - 838
Discharged Pts. (24 hrs) - 1199
Total Recovered Pts. - 11,16,001
Overall Recovery Rate - 97.8%
Total Active Pts. - 5724
Doubling Rate - 883 Days
Growth Rate (18 August - 24 August)- 0.078%#NaToCorona
सर्वाधिक सक्रिय रुग्ण मुंबईत ( Mumbai Corona Active Cases)
राज्यात एकूण 12,269 सक्रिय रुग्ण संख्या आहे. राज्यात सर्वाधिक सक्रिय रुग्ण मुंबईमध्ये आहेत. मुंबईमध्ये 5724 सक्रिय रुग्ण आहेत. तर पुण्यात 1791 सक्रिय रुग्ण आहेत. त्यानंतर ठाण्यात 2407 सक्रिय रुग्ण आहेत.
राज्यात गुरूवारी 1887 कोरोना रुग्णांची नोंद (Maharashtra Corona Update)
राज्यात आज 1887 कोरोनाच्या नव्या रुग्णांची भर पडली आहे. तर आज दिवसभरात एकूण 2190 रुग्ण कोरोनामुक्त होऊन घरी परतले आहेत. राज्यात सहा कोरोनाबाधित रुग्णाच्या मृत्यूची नोंद झाली आहे. राज्यातील मृत्यूदर हा 1.83 टक्के इतका झाला. तर आतापर्यंत राज्यामध्ये 79,30, 793 कोरोनाबाधित बरे होऊन घरी परतले आहेत. त्यामुळे कोरोना रुग्ण बरे होण्याचं प्रमाण 98.02 टक्के इतकं झालं आहे.
संबंधित बातम्या :
महत्त्वाच्या बातम्या
