आय विटनेस आहे का? न्यायालयाचा सवाल, पोलिसांनी दिलं उत्तर; मीनाताईंच्या पुतळाप्रकरणी कोर्टात काय घडलं?

न्यायालयाने दिलेली पोलीस कोठडी संपल्यानंतर पोलिसांनी आज दुपारी शिवाजी पार्क पोलीस स्थानकातून आरोपील पावसकरला शिवडीच्या न्यायालयात हजर केले.

Meenatai thackeray statue court

Source : Abp

मुंबई : शिवसेनाप्रमुख दिवंगत बाळासाहेब ठाकरे यांच्या पत्नी स्व. मीनाताई ठाकरे (Meenatai thackeray) यांच्या मुंबईतील (Mumbai) शिवाजी पार्कमधील पुतळ्यावर लाल रंग टाकण्यात आल्याने राजकीय वातावरण तापलं होतं. तसेच, शिवसेना पक्षप्रमुख उद्धव ठाकरे आणि मनसेप्रमुख राज ठाकरे यांनीही घटनास्थळी पाहणी करुन पोलिसांना सूचना केल्या होत्या. त्यानंतर, अवघ्या काही तासांत पोलिसांनी आरोपाला शोधून त्याच्याकडून घटनेची कसून चौकशी केली. आता, पुतळ्याची विटंबना करणाऱ्या आरोपी उपेंद्र पावसकरला पोलिसांनी शिवडी कोर्टात (Court) हजर केले असता न्यायालयाने त्यास 14 दिवसांची पोलीस कोठडी सुनावली आहे. यापूर्वी, पोलिसांच्या अटकेनंतर न्यायालयाने रंग टाकल्याप्रकणी आरोपीला दोन दिवसांची पोलीस कोठडी सुनावली होती.

न्यायालयाने दिलेली पोलीस कोठडी संपल्यानंतर पोलिसांनी आज दुपारी शिवाजी पार्क पोलीस स्थानकातून आरोपील पावसकरला शिवडीच्या न्यायालयात हजर केले. यावेळी, सरकारी वकील आणि फिर्यादीच्या वकिलांचा युक्तिवाद ऐकल्यानंतर न्यायालयाने आरोपीला 14 दिवसांची न्यायालयीन कोठडी सुनावली आहे. पुतळ्यावर रंग टाकला तो आरोपी कोणाच्या अख्तत्यारीत काम करतोय का? कोणाच्या सांगण्यावरुन त्याने हे काम केलंय का याचा तपास करायचा आहे?. तसेच, ज्या पुतळ्यावर रंग टाकला ते महाराष्ट्राचे दैवत आहे, त्यामुळे आरोपीा नक्की हेतू काय? याचा तपास करायचा आहे, त्यासाठी आरोपीला आणखी दोन दिवस पोलीस कोठडी वाढवून द्यावी, अशी मागणी सरकारी वकिलांकडून करण्यात आली होती. तर, आरोपीची चौकशी झालेली आहे, म्हणून पोलीस कोठडीची गरज नाही, अशी बाजू आरोपीच्या वकिलांनी न्यायालयात मांडली. त्यामुळे, कोर्टाने आरोपीला पोलीस कोठडी नाकारली असून 14 दिवसांची न्यायलयीन कोठडी सुनावली आहे.

दरम्यान, या संपूर्ण प्रकरणी कोणी आय विटनेस आहे का? असा प्रश्न न्याय‍धीशांनी सरकारी वकिलांना विचारला होता. तसेच, ज्यावेळी हे प्रकरण झाले, त्यावेळी कोणी पाहिले आहे का? कोणी ओरडले का? असेही न्यायालयाने विचारले. त्यावर, पोलिसांनी नकार दिला, कोणी आय विटनेस नाही, अशी माहिती पोलिसांनी न्यायालयात दिली.

पोलीस जबाबात धक्कादायक खुलासा

पुतळा विटंबना प्रकरणात पोलिसांनी अटक केल्यानंतर आरोपीने जबाबात धक्कादायक माहिती दिली होती. संपत्तीच्या वादात उद्धव ठाकरे आणि आदित्य ठाकरे हस्तक्षेप करत असल्याचा आरोप आरोपीने केला आहे. याच तणावातून आरोपीने पुतळ्यावर लाल रंग टाकल्याची घटना घडल्याचे सांगितले होते. दादर पोलीस ठाण्यात श्रीधर पावसकर आणि आदित्य ठाकरे यांच्याविरोधात तक्रार देण्यासाठी आरोपी सातत्याने यायचा, अशी सूत्रांची माहिती आहे. आता, आरोपीचा जबाब नोंदवल्यानंतर पोलिस अधिक तपास करीत आहेत.

हेही वाचा