...तरच कोरोनाबाधित असलेली इमारत सील करणार; BMC कडून इमारत सील करण्याबाबत सुधारीत धोरण जाहीर

Coronavirus in Mumbai : कोरोनाबाधितांची संख्या पुन्हा एकदा वाढू लागल्यानंतर मुंबई महापालिकेने नियमावली जाहीर करण्यास सुरुवात केली आहे.

Written By : abp majha web team | Edited By: श्रीकांत भोसले | Updated at : 04 Jan 2022 11:28 AM (IST)

coronavirus in mumbai bmc new guidelines for sealed building where is found corona infected ...तरच कोरोनाबाधित असलेली इमारत सील करणार; BMC कडून इमारत सील करण्याबाबत सुधारीत धोरण जाहीर

...तरच कोरोनाबाधित असलेली इमारत सील करणार; BMC कडून इमारत सील करण्याबाबत धोरण जाहीर

BMC on Coronavirus Protocols : मुंबईत कोरोनाबाधितांची संख्या वाढू लागल्याने प्रशासनाची चिंता वाढली आहे. कोरोनाच्या वाढत्या संसर्गाला अटकाव करण्यासाठी प्रशासनाकडून उपाययोजना आखल्या जात आहेत. प्रशासनाकडून निर्बंधाबाबतची नियमावली जाहीर करण्यात येत आहे. कोरोनाबाधित व्यक्ती असलेली इमारत सील करण्याबाबत मुंबई महापालिकेने सुधारीत नियमावली जाहीर केली आहे.

एखाद्या इमारतीत किंवा विंगमध्ये राहत असलेल्या एकूण रहिवाशांपैकी २० टक्के रहिवाशांना कोरोनाची बाधा झाल्यास संबंधित इमारत किंवा विंग सील केली जाणार आहे. कोरोनाबाधित व्यक्तींना होम क्वारंटाइनसाठी देण्यात आलेल्या निर्देशांचे आणि नियमांचे सक्तीने पालन करावे लागणार आहे. हाय रिस्क संपर्कातील व्यक्तींना सात दिवस होम क्वारंटाईन राहावं लागेल. ते ५ व्या किंवा सातव्या दिवशी आरटीपीसीआर करू शकतील. जर लक्षण आढळल्यास तात्काळ आरटीपीसीआर करावी लागेल असेही महापालिकेच्या नव्या नियमावलीत नमूद करण्यात आले आहे.

इमारतीमध्ये कोरोनाबाधित व्यक्ती असल्यास त्यांच्या घरी औषधे, खाद्यपदार्थ आणि जीवनावश्यक वस्तू पोहचवण्याची जबाबदारी संबंधित इमारतीच्या सोसायटीवर असणार आहे असे मुंबई महापालिकेने म्हटले आहे. त्याशिवाय सील केलेली इमारत पुन्हा खुली करण्याबाबतचा निर्णय वॉर्ड पातळीवर घेण्यात येणार आहे.

मुंबई महापालिकेचे आरोग्य अधिकारी, वॉर्ड वॉर रुमकडून कोव्हिड प्रोटोकॉल आणि इतर गोष्टींबाबत सहकार्य केले जाईल असेही महापालिकेने म्हटले आहे. या नव्या निर्देशांची अंमलबजावणी 4 जानेवारीपासून सुरू होणार असल्याचे ही महापालिकेने स्पष्ट केले आहे.

ओमायक्रॉन बाधितांच्या संख्येत वाढ

राज्यात सोमवारपर्यंत ओमायक्रॉन बाधितांची संख्या 578 इतकी झाली आहे. यामध्ये सर्वाधिक रुग्ण हे मुंबईतील आहे. मुंबईत 368 ओमायक्रॉनबाधित आढळले आहेत. पुणे शहरात आतापर्यंत 63 रुग्ण सापडले आहेत. राज्यात आतापर्यंत सापडलेल्या 578 रुग्णांपैकी 259 रुग्ण हे बरे झाले आहे. त्यांना डिस्चार्ज देण्यात आला आहे. राज्यात सापडलेल्या ओमायक्रॉनच्या रुग्णांपैकी 26 रुग्ण हे राज्यातील नागरिक आहेत. तर 9 रुग्ण हे परदेशी नागरिक आहेत. 7 रुग्ण हे ठाणे तर 4 रुग्ण हे कोल्हापूरातील आहेत.

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha