LIVE UPDATES | धुळे शहराला पाणीपुरवठा करणाऱ्या तापी जलवाहिनीमधून लाखो लिटर पिण्याचं पाणी वाया

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा https://marathi.abplive.com/

महत्त्वाच्या हेडलाईन्सवर एक नजर....

7 वर्ष 3 महिने आणि 3 दिवसांनी निर्भयाला न्याय, दिल्लीच्या तिहार जेलमध्ये पहाटे साडेपाच वाजता चारही नराधमांना फासावर लटकवलं

अखेर न्याय मिळाला, आजचा दिवस देशातील महिला आणि मुलींना समर्पित, दोषींना फासावर लटकवल्यानंतर निर्भयाच्या आईची प्रतिक्रिया

देशात 22 मार्च रोजी सकाळी 7 वाजल्यापासून रात्री 9 वाजेपर्यंत 'जनता कर्फ्यू', कोरोनाच्या पार्श्वभूमीवर पंतप्रधान नरेंद्र मोदी यांची घोषणा

कोरोना व्हायरसमुळे देशात चौथा बळी, पंजाबमधील 70 वर्षीय व्यक्तीचा मृत्यू, देशात 173 जण कोरोनाबाधित, सर्वाधिक संख्या महाराष्ट्रात

कोरोनाच्या पार्श्वभूमीवरील जमावबंदी डावलून थाटामाटात लग्न, बीडमध्ये आई-वडिलांसह भटजी, फोटोग्राफरला जेलची हवा

सर्वोच्च न्यायालयाचा मध्य प्रदेशातील 'कमलनाथ' सरकारला झटका, बहुमत चाचणी घेण्याचे आदेश, संध्याकाळी 5 वाजता फ्लोअर टेस्ट होणार

एबीपी माझा वेब टीम

20:01 PM (IST)  •  20 Mar 2020

हिंगोली जिल्ह्यातील घरफोड्यांचे वाढते प्रमाण पाहता हिंगोलीचे पोलीस अधीक्षक योगेश कुमार यांच्या आदेशानुसार आज स्थानिक गुन्हे शाखेच्या पथकाने घरफोड्या करणारे दोन सराईत गुन्हेगार ताब्यात घेतले आहेत. ईश्वर पवार, राहुल पवार अशी आरोपींची नावे आहेत. हे आरोपी बुलढाणा जिल्ह्यातील रहिवासी आहेत. त्यांच्याकडून आज पोलिसांनी सोन्या-चांदीचे दागिने व रोख रक्कम देखील जप्त केली.

19:28 PM (IST)  •  20 Mar 2020

भाईंदर : भाईंदर पश्चिमच्या मॅक्सेस मॉल मध्ये सुरू असलेल्या कॉल सेंटर मध्ये तरुण तरुणी काम करत असल्याची बातमी एबीपी माझा वर प्रसिद्ध करण्यात आली होती. आज मीरा भाईंदर मनपाचे आयुक्त चंद्रकांत डांगे यांनी कॉल सेंटर मध्ये जाऊन पाहणी केली. कॉल सेंटर संपूर्ण पणे बंद करण्यात आली आहेत. आयुक्त चंद्रकांत डांगे स्वत: कॉल सेंटर मध्ये जाऊन त्यांनी पाहिणी दौरा केला आहे. मीरा भाईंदर मधील सर्व कॉल सेंटर बंद करण्यासाठी म्हटले आहे. त्यांना घरी काम करण्यास ही सांगितले आहे.

19:18 PM (IST)  •  20 Mar 2020

धुळे शहराला पाणीपुरवठा करणाऱ्या तापी जलवाहिनीवरील एअर व्हॉल्व्ह मधून लाखो लिटर शुद्ध पिण्याचं पाणी वाया जातंय. गेल्या दोन तासांपासून हे पाणी वाहत आहे. एअर व्हॉल्व्हचे हे पाणी पांझरा नदी पात्रात जात असल्यानं नदी पात्राला तलावाचे स्वरूप आलं . एकीकडे धुळे शहराला पाच दिवसाआड पाणीपुरवठा होत असतांना दुसरीकडे अश्याप्रकारे पाण्याची नासाडी होत असल्याने नागरिकांनी तीव्र नाराजी व्यक्त केलीय.

18:44 PM (IST)  •  20 Mar 2020

चंद्रपूर : चंद्रपूर जिल्ह्यातील अनेक तालुक्यांना गारपीट आणि मुसळधार पावसाचा तडाखा, जिवती तालुक्यातील टेका मांडवा येथे विज पडून माय-लेकीचा मृत्य, प्रेमकला सोलंकर (52) आणि राधाबाई नरोटे (24) यांचा मृत्यू तर केशव सोलंकर जखमी, सावली तालुक्यात गारपिटीमुळे उन्हाळी धान, चना आणि गव्हाचे नुकसान

17:08 PM (IST)  •  20 Mar 2020

कोरोनावरून राजकारण करणा-या भाजप नेत्यांना प्रबोधिनी म्हाळगीमघ्ये क्वारोंन्टीन करा. आम्ही अशा संकटात मोदीचं पंतप्रधान म्हणून पाहिजे असं म्हणतो, ही राजकारण करण्याची वेळ नाही. महाराष्ट्रात मतभेद विसरून काम करणं गरजेचं, राजकारण करत असेल तर भाजपला विरोधात बसण्याचाही अधिकार नाही. माजी सरन्यायाधीश रंजन गोगोई आणि आमदारांना प्रलोभनं दाखवली जात आहेत ते या देशाला शोभणारं नाही, संजय राऊत यांची टीका.