नागरिकत्व दुरुस्ती विधेयकावरुन दिल्लीत आंदोलन पेटलं, विद्यार्थ्यांनी तीन बससह मोटारसायकल पेटवल्या, पोलिस बंदोबस्त तैनात

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

राज्य आणि देशभरातील महत्त्वाच्या बातम्यांचा आढावा

1. राष्ट्रीय महामार्गावर आजपासून फास्टटॅग अत्यावश्यक, विनाफास्टटॅग संबंधित मार्गिकेत शिरल्यास दुप्पट टोल आकारणी

2. उद्यापासून दूध 2 रुपयांनी महागणार, दूध उत्पादक आणि व्यावसायिकांच्या बैठकीत निर्णय, ग्राहकांना भुर्दंड बसणार

3. राहुल गांधींच्या सावरकरांवरील आक्षेपार्ह वक्तव्यानंतर शिवसेना-काँग्रेस आमनेसामने, सावरकरांवर तडजोड होणार नाही, संजय राऊतांचं ट्वीट, उद्धव ठाकरेही नाराज

4. मुख्यमंत्री उद्धव ठाकरेंनी राहुल गांधींना जोडे मारावेत, रणजित सावरकरांची आक्रमक प्रतिक्रिया, देवेंद्र फडणवीसांकडूनही राहुल गांधींवर हल्लाबोल

5. 80 तासांचं सरकार पाहून हसावं की रडावं कळेना, एबीपी माझाच्या मुलाखतीत पंकजा मुंडेंचं वक्तव्य, पुन्हा शुन्यातून सुरुवात करण्यासाठी कोअर कमिटीतून बाहेर

6. चेन्नईत आज भारत-वेस्ट इंडिज पहिला एकदिवसीय सामना, टी20 मालिकेनंतर एकदिवसीय मालिका जिंकण्यासाठी टीम इंडिया सज्ज

21:48 PM (IST)  •  15 Dec 2019

टीम इंडियाचा वेस्ट इंडीजकडून आठ विकेट्सने पराभव, हेटमायर, होपच्या शतकाने विंडीजचा शानदार विजय, मालिकेत 1-0 ने आघाडी #INDvWI

20:15 PM (IST)  •  15 Dec 2019

विधिमंडळ हिवाळी अधिवेशनाच्या पहिल्या दिवशी उद्या 8 मोर्चे येणार आहेत, त्यामध्ये सर्वशिक्षा अभियान अंतर्गत काम करणाऱ्या कर्मचाऱ्यांचा मोठा मोर्चा, शिवाय कोतवाल संघटन, सकल धनगर समाज, इंटक, समाजवादी पक्षाचे मोर्चे

18:37 PM (IST)  •  15 Dec 2019

समृद्धी महामार्गाला शिवसेनाप्रमुख बाळासाहेब ठाकरेंचं नाव दिलं : मुख्यमंत्री उद्धव ठाकरे

18:50 PM (IST)  •  15 Dec 2019

नागरिकत्व दुरुस्ती विधेयकावरुन दिल्लीत आज आगडोंब उसळल्याचं पाहायला मिळालं. गेल्या तीन दिवसांपासून जामिया मिलिया इस्लामिया विद्यापीठाच्या विद्यार्थ्यांचं आंदोनल सुरु आहे. या आंदोलनाला आज हिंसक वळण मिळालं. या विद्यार्थ्यांनी ३ बस आणि काही मोटारसायकल पेटवल्या आहेत. यानंतर मोठ्या प्रमाणात पोलिस बंदोबस्त तैनात करण्यात आलाय. सध्या परिस्थिती नियंत्रणात असल्याची माहिती मिळतेय. आप नेते अमानुतुल्ला यांच्यावर हिंसा भडकावण्याच आरोप करण्यात येतोय. मात्र, अमानुतुल्ला यांनी सर्व आरोप फेटाळून लावले आहेत.

18:06 PM (IST)  •  15 Dec 2019

बंद पडलेली गाडी ढकल स्टार्ट करताना गाडी थेट चित्री धरणात शिरली, गाडी धरणात शिरल्याने आप्पासो शिंदे यांचा मृत्यू , दुपारी बारा वाजण्याच्या सुमारास घडला प्रकार , नातेवाईकच गाडी सुरु करण्यासाठी ढकलत होते