LIVE UPDATES | पुण्यात भाजपला धक्का, तळेगाव नगरपरिषद पोटनिवडणुकीत महाविकासआघाडीचा विजय

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

महत्त्वाच्या हेडलाईन्सवर एक नजर...

1. नव्या पुराव्यांसह चौकशीची मागणी केली तर जस्टिस लोयाप्रकरणी पुन्हा तपास, गृहमंत्री अनिल देशमुखांची माहिती तर तपासाच्या संकेतावरुन राजकारण तापलं

2. वैचारिक भूमिका बदलल्यास मनसेला सोबत घेण्याचा विचार करु, गुप्त बैठकीवर बोलताना देवेंद्र  फडणवीस यांचं मोठं विधान

3. 'एबीपी माझा'च्या बातमीनंतर विनयभंगप्रकरणी डीआयजी निशिकांत मोरे निलंबित, अटकपूर्व जामीन फेटाळला, मुख्यमंत्र्यांच्या ड्रायव्हरचीही हकालपट्टी, तरुणी यूपीत असल्याची माहिती

4. उस्मानाबादेत आजपासून मराठी साहित्य संमेलनाला सुरुवात, उद्घाटक ना. धों. महानोर यांना धमकीचे पत्र, सुरक्षेमध्ये वाढ

5. आज फिल्मी फ्रायडेला दोन बिग बजेट चित्रपटांमध्ये लढाई, अजय देवगणच्या 'तानाजी'ची दीपिका पदूकोणच्या 'छपाक'शी टक्कर

6. इराणच्या क्षेपणास्त्रांच्या माऱ्यामुळे युक्रेनच्या विमानाचा अपघात, अमेरिकेचा धक्कादायक दावा, विमान दुर्घटनेत तब्बल 176 प्रवाशांचा मृत्यू

एबीपी माझा वेब टीम

16:17 PM (IST)  •  10 Jan 2020

बारामतीमध्ये अजित पवारांचं जल्लोषात स्वागत, उपमुख्यमंत्री झाल्यानंतर अजित दादा पहिल्यांदाच बारामतीत, मोठ्या जल्लोषात मिरवणुकीला सुरुवात

12:07 PM (IST)  •  10 Jan 2020

12:03 PM (IST)  •  10 Jan 2020

पुणे जिल्ह्यात भाजपला आणखी एक धक्का बसला आहे. तळेगाव नगरपरिषदेच्या पोटनिवडणुकीत महाविकासआघाडीने विजय मिळवला आहे. भाजपमधून राष्ट्रवादीत दाखल झालेल्या आमदार सुनील शेळकेंनी नगरसेवकपदाचा राजीनामा दिला होता. त्याच पदासाठी पार पडलेल्या पोटनिवडणुकीत, आमदारांच्या काकी संगीता शेळके नशीब अजमावत होत्या. अपक्ष उभं करुन महाविकासआघाडीने त्यांना पाठिंबा दर्शवला होता. संगीता यांनी भाजपच्या कृष्णा म्हाळसकर यांचा 795 मतांनी पराभव केला. म्हाळसकर हे माजी राज्यमंत्री बाळा भेगडेंचे समर्थक आहेत. विधानसभा निवडणुकीत बाळा भेगडेंचा पराभव करुन सुनील शेळकेंनी भाजपच्या बालेकिल्ल्याला सुरुंग लावला. याची पुनरावृत्ती तळेगाव नगरपरिषदेच्या पोटनिवडणुकीतही झाली.

11:33 AM (IST)  •  10 Jan 2020

नाशिक महापालिका पोटनिवडणुकीत महाविकास आघाडीला यश मिळालं आहे. सातपूर प्रभाग 26 अ मधून महाविकास आघडीचे मधुकर जाधव (शिवसेना) विजयी झाले आहेत. तर मनसेचे दिलीप दातीर दुसऱ्या क्रमांकावर आहेत. तर नाशिकरोड प्रभाग 22 मधून महाविकास आघडीचे जगदीश पवार (राष्ट्रवादी) विजयी झाले आहेत.

10:56 AM (IST)  •  10 Jan 2020

ब्रेकिंग-कोल्हापूरचं पालकमंत्रीपद बाळासाहेब थोरात स्वीकारणार नाहीत. "12 पालक मंत्री पदाची मागणी होती काँग्रेसची...… https://t.co/UpWliXairm