शरद पवारांना धमकी देणाऱ्या आरोपीनं नैराश्येतून धमकी दिल्याचा संशय; पोलिसांची कोर्टात माहिती
Sharad Pawar Threat Case: आरोपी सागर बर्वेनं नैराश्येतून धमकी दिल्याचा संशय पोलिसांना आहे. तसेच, लग्न होत नसल्यानं आणि सध्याच्या महाराष्ट्रातील परिस्थितीमुळे आणि औरंगजेबाच्या उदात्तीकरणानं सागर बर्वे नैराश्येत असल्याचं पोलिसांनी कोर्टात सांगितलं आहे.
Sharad Pawar Threat Case: राष्ट्रवादी काँग्रेसचे (Nationalist Congress Party) सर्वेसर्वा शरद पवार (Sharad Pawar) यांना सोशल मीडियावरून (Social Media) धमकी देणाऱ्या सागर बर्वेला पोलिसांनी अटक केली आहे. सध्या त्याची कसून चौकशी सुरू आहे. अशातच आरोपी सागर बर्वेनं नैराश्येतून धमकी दिल्याचा संशय पोलिसांना आहे. तसेच, लग्न होत नसल्यानं आणि सध्याच्या महाराष्ट्रातील परिस्थितीमुळे आणि औरंगजेबाच्या उदात्तीकरणानं सागर बर्वे नैराश्येत असल्याचं पोलिसांनी कोर्टात सांगितलं आहे. आरोपी तपासात सहकार्य करत नसल्याचंही पोलिसांनी कोर्टात सांगितलं आहे.
सागर बर्वेनं दोन बनावट सोशल मीडिया अकाउंट तयार करुन शरद पवारांबाबत अपशब्द लिहिल्याचं पोलीस तपासात उघड झालं आहे. तसेच, याप्रकरणी पोलिसांनी फेसबुककडूनही काही माहिती मागवली आहे.
प्रकरण नेमकं काय?
राजकारण महाराष्ट्राचे या फेसबुक अकाउंटवर 'नर्मदाबाई पटवर्धन' या नावानं एक अकाउंट आहे. त्यावर असलेल्या पोस्टमध्ये शरद पवार यांना उद्देशून 'तुझा लवकरच दाभोलकर होणार', अशी धमकी देण्यात आली होती. तर सौरभ पिंपळकर नावाच्या ट्विटर हँडलवरुन शरद पवार यांची औरंगजेबासोबत तुलना करत आक्षेपार्ह भाषेचा वापर केलेला मजकूर प्रसिद्ध करण्यात आला होता.
शरद पवारांना धमकी देणारा सागर बर्वे तपासात सहकार्य करत नाही, मुंबई पोलिसांची कोर्टात माहिती
सागर बर्वेनं या आधीही सोशल मीडियावर अनेक आक्षेपार्ह मजकूर पोस्ट केल्याचा दिसून आलं आहे. एवढंच नाही तर तो ज्या वात्सल्य पुरम सोसायटीत रहातो त्या सोसायटीच्या सदस्यांनीही त्यामुळे त्याच्यापासून चार हात दूर राहणंच पसंत केल होतं. सागर बर्वेच्या या आधीच्या सोशल मीडियावरील पोस्ट पाहता तो एका विशिष्ट विचारसरणीने भारावून गेल्याचं स्पष्ट दिसत आहे. मात्र पोलिसांच्या मते त्याचे कोणत्याही संघटनेशी थेट संबंध असल्याच आतापर्यंत समोर आलेलं नाही. तो तपासात सहकार्य करत नसल्याने मुंबई पोलीसांनी फेसबुक आणि ट्विटरशी संपर्क साधून आणखी माहिती मागवली आहे. त्यातून सागर बर्व एका महिलेचे नाव धारण करून हे उद्योग का करत होता? हे समोर येण्याची शक्यता आहे.
महत्त्वाच्या बातम्या
ट्रेंडिंग न्यूज
