![ABP Premium](https://cdn.abplive.com/imagebank/Premium-ad-Icon.png)
धक्कादायक! कोल्हापूरच्या हातकणंगलेत अल्पवयीन मुलीवर अत्याचार; 61 वर्षीय संशयितावर गुन्हा दाखल
कोल्हापूर मधील हातकणंगले येथे 61 वर्षीय नराधमाने अल्पवयीन मुलीशी जबरदस्तीने शरीर संबंध ठेऊन अत्याचार केल्याची घटना घडली आहे. संशयीत आरोपीला पोलिसांनी अटक केली आहे.
![धक्कादायक! कोल्हापूरच्या हातकणंगलेत अल्पवयीन मुलीवर अत्याचार; 61 वर्षीय संशयितावर गुन्हा दाखल sexual abuse on minor girl in kolhapur hatkanangale धक्कादायक! कोल्हापूरच्या हातकणंगलेत अल्पवयीन मुलीवर अत्याचार; 61 वर्षीय संशयितावर गुन्हा दाखल](https://feeds.abplive.com/onecms/images/uploaded-images/2021/12/27/4c3912ecda2c31303bbde29e7810f4d2_original.jpg?impolicy=abp_cdn&imwidth=1200&height=675)
कोल्हापूर : हातकणंगले येथील दर्गा परीसरात राहणाऱ्या 61 वर्षीय नराधमाने अल्पवयीन मुलीशी जबरदस्तीने शरीर संबंध ठेऊन अत्याचार केल्याची घटना उघडकीस आली आले. नंदकुमार चंद्रकांत निगवे असे संशयीत आरोपीचे नाव असून या घटनेबाबत हातकणंगले शहरात संतापाची लाट पसरली आहे.
आरोपी निगवे हा पीडित अल्पवयीन मुलीच्या नातेवाईकाच्या संपर्कातील होता. याचाच गैरफायदा घेत जबरदस्तीने पीडितेवर अत्याचार केले. यातून पीडित अल्पवयीन मुलगी गरोदर राहिली होती. याबाबात मुलीने सांगली येथील संजयनगर पोलीस ठाण्यात संशयीत आरोपी विरोधात फिर्याद दिली होती. घटनेचा तपास करून हातकणंगले पोलिसांनी निगवे याला अटक केली आहे.
संशयीत आरोपी निगवे याला न्यायालयासमोर हजर केले असता त्याला 12 जानेवारीपर्यंत पोलीस कोठडी सुनावली आहे. निगवे याच्या विरोधात याआधी देखील अनेक तक्रारी झाल्या आहेत. काही वर्षांपूर्वी त्याची गावातून धिंड देखील काढण्यात आली होती.
चित्रा वाघ यांच्याकडून प्रश्न उपस्थित
दरम्यान, या संपूर्ण प्रकरणावर भाजप नेत्या चित्रा वाघ यांनी प्रश्न उपस्थित केले आहेत. "हातकणंगले इथं नंदकुमार चंद्रकांत निगवे या नराधमानं अल्पवयीन मुलीवर वारंवार शारीरिक अत्याचार केला. त्यातून मुलगी गर्भवती राहिलीय, पोलिस यंत्रणा फक्त धनदांडग्यांसाठी राबतीये का? सततच्या घटना घडताहेत. गृहराज्यमंत्री सतेज पाटील यांना आपला जिल्हा सुद्धा सुरक्षित ठेवता आला नाही", असे ट्विट चित्रा वाघ यांनी केले आहे.
हातकणंगले इथं नंदकुमार चंद्रकांत निगवे या नराधमानं अल्पवयीन मुलीवर वारंवार शारीरिक अत्याचार केला.. त्यातून मुलगी गर्भवती राहिलीय पोलिस यंत्रणा फक्त धनदांडग्यांसाठी राबतीये का ??
— Chitra Kishor Wagh (@ChitraKWagh) January 9, 2022
सततच्या घटना घडताहेत..गृहराज्यमंत्री सतेज पाटील यांना आपला जिल्हा सुद्धा सुरक्षित ठेवता आला नाहीये..
महत्वाच्या बातम्या
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)