Sanjay Raut : ही मुंबई, आणि मुंबईचा दादा शिवसेना : संजय राऊत

Sanjay Raut : शिवसेना खासदार संजय राऊत यांनी ईडी आणि विरोधी पक्षांवर जोरदार निशाणा साधला. राऊत यांनी दिल्लीमध्ये स्फोटक पत्रकार परिषद घेत केंद्रीय तपास यंत्रणांवर खळबळजनक आरोप केले आहेत.

Sanjay Raut

Sanjay Raut : शिवसेना खासदार संजय राऊत यांनी ईडी आणि विरोधी पक्षांवर जोरदार निशाणा साधला. राऊत यांनी दिल्लीमध्ये स्फोटक पत्रकार परिषद घेत केंद्रीय तपास यंत्रणांवर खळबळजनक आरोप केले आहेत. राऊतांनी पत्रकार परिषदेत मुंबई पोलिसांकडे ईडीची चौकशी करण्याची मागणी केली आहे. सरकार पाडण्यासाठी आपल्याला ऑफर देण्यात आल्याचं पत्र राऊत यांनी उपराष्ट्रपतींना दिले आहे. यावरून आता राजकीय वातावरण तापलं आहे.

'ही मुंबई, आणि मुंबईचा दादा शिवसेना'
महाराष्ट्राच्या नेत्यांना अडकवण्यासाठी, तुरुंगात डांबण्यासाठी ईडी काम करतंय. अशा एजन्सीच्या अधिकाऱ्यांविरोधात आम्ही एफआयआर दाखल करणार आहोत. ईडीचे अधिकारी वसुलीचं काम करतात. त्यांचे एजंट बाहेर फिरतात. मुंबई पोलिसांनी ईडीची चौकशी करावी. ईडीचा नकाब उतरवल्याशिवाय राहणार नाही. मुंबईत दादागिरी चालणार नाही. ही मुंबई आहे आणि मुंबईचा दादा शिवसेना आहे, असं राऊतांनी म्हटलं आहे.

'ईडी कार्यालयासमोर पत्रकार परिषद घेईन'
निष्पाप मुंबईकरांचा ईडीकडून छळ सुरु आहे. लवकरच ईडी कार्यालयासमोर पत्रकार परिषद घेणार आहे. ईडीचे अधिकारी मविआ नेत्यांना घोटाळ्यात अडकवण्यासाठी कंत्राटदारांना गन पाईंटवर आमची नावं घेण्यासाठी धमकावत आहेत. भाजपचे नेते ईडीच्या कार्यालयात बसून असतात. मी लवकरच त्यांची नावं जाहीर करणार आहे. 

'सरकार पाडण्याची ऑफर नाकारली म्हणून...'
राऊत यांनी खळबळजनक दावा करताना म्हटले की, राज्यातील सरकार पाडत मध्यावधी निवडणूक करण्यास मदत करण्यास नाकारले तर तुरुंगात डांबण्याची धमकी देण्यात आली. ही ऑफर नाकारल्यानंतरच आपल्यावर ईडी कारवाईला सुरुवात झाली असा आरोप राऊतांनी केला आहे. 

'केंद्रीय तपासयंत्रणांचे घोटाळे पुराव्यानिशी सिद्ध करेन'
राऊतांनी हल्लाबोल करत म्हटलं आहे की, 'केंद्रीय तपास यंत्रणा क्रिमिनल सिंडिकेटचा भाग झाल्या आहेत. केंद्रीय तपास यंत्रणांकडून आर्थिक घोटाळे सुरु आहेत. विरोधक वारंवार सांगत आहेत की तुम्हाला अनिल देशमुखांच्या बाजूच्या कोठडीत जावं लागेल. मात्र, त्याच कोठडीत आमच्या मागोमाग तुम्हालाही जावं लागेल.'

'तुम्हालाही त्याच कोठडीत घातल्याशिवाय राहणार नाही'
सरकार पाडण्यासाठी ईडीच्या मार्फत आम्हाला तुरुंगात घालण्याचा डाव आखत असल्याचा आरोप राऊतांनी केला आहे. आम्ही तुरुंगात गेलो तर त्याच कोठडीत तुम्हाला घातल्याशिवाय राहणार नाही, कारण तुमचे गुन्हे आमच्यापेक्षा काळे आहात. तुमची पाप जास्त आहेत. आम्ही स्वच्छ आहोत, असं राऊत म्हणाले

'मला काय म्हणायचंय हे फडणवीसांना चांगलं कळतंय'
आम्ही जर तुमच्या घरात घुसलो तर तुम्हाला नागपूरलाही जाता येणार नाही. मी काय बोलतोय हे त्यांना नीट कळतंय. असं म्हणत राऊतांनी फडणवीसांवर निशाणा साधला आहे.

संबंधित बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha