धक्कादायक! पुण्यात एकाच कंपनीत काम करणाऱ्या सहकाऱ्यानं केला महिलेवर हल्ला, आरोपी पोलिसांच्या ताब्यात
Pune Crime News : पुण्यात एक धक्कादायक घटना घडली आहे. एका महिलेवर कोयत्याने वार करण्यात आल्याची घटना घडली आहे.
Pune Crime News : पुण्यात एक धक्कादायक घटना घडली आहे. एका महिलेवर कोयत्याने वार करण्यात आल्याची घटना घडली आहे. हा हल्ला पुण्यातील येरवडा भागातील नामांकित आयटी कंपनीच्या पार्किंगमध्ये करण्यात आला आहे. संबंधीत महिलेवर तिच्याच सहकाऱ्याने कोयत्याने वार केल्याची माहिती मिळाली आहे. हल्ल्यात जखमी झालेली महिला येरवडा भागातील आयटी कंपनीच्या कॉल सेंटरमध्ये कार्यरत आहे. तर याप्रकरणातील आरोपीसुद्धा त्याच कंपनीमध्ये कामाला आहे.
आरोपीला पोलिसांनी घेतलं ताब्यात
पुणे शहरातील येरवडा भागातील एका कंपनीच्या पार्किंगमध्ये ही हल्ल्याची घटना घडली आहे. महिलेवर तिच्याच सहकाऱ्याने कोयत्याने वार केले आहेत. पोलिसांनी दिलेल्या प्राथमिक माहितीनुसार, सदर महिलेवर त्यांच्याच कंपनीतील व्यक्तीने वार केला असून आरोपीला पोलिसांनी ताब्यात घेतलं आहे. हल्ल्यात जखमी झालेली महिला येरवडा भागातील आयटी कंपनीच्या कॉल सेंटरमध्ये कार्यरत आहे.
हल्ल्यात महिला गंभीर जखमी
दरम्यान, मिळालेल्या माहितीनुसार, याप्रकरणातील आरोपीसुद्धा त्याच कंपनीमध्ये कामाला आहे. प्राथमिक माहितीनुसार, त्यांच्यात काही वाद सुरू होते. यातूनच त्याने हे कृत्य केल्याची माहिती मिळत आहे. आरोपीने कोयत्याने हल्ला केल्यामुळं महिला गंभीर जखमी असून तिला उपचारासाठी रुग्णालयात दाखल केले आहे. पोलिसांकडून या प्रकरणाचा अधिकचा तपास सुरु आहे.
महत्त्वाच्या बातम्या
ट्रेंडिंग न्यूज
