मुंबईतील रिलस्टार अन्वीचा धबधब्याजवळ तोल जाऊन मृत्यू; रायगडमधील पिकनिक जीवावर बेतली

पावसाळा सुरू झाला की सर्वत्र निसर्गातील पर्यटन स्थळं खुली होतात, आणि हीच पर्यटन स्थळं प्रत्येकाला आपल्याकडे खेचण्याची भुरळ घालतात

Reelstar girl died in waterfall of mangaon

Source : Reelstar girl died in waterfall of mangaon

रायगड : पावसाळा सुरू झाल्यानंतर विविध निसर्गरम्य ठिकाणी पर्यटकांची (tourism) वर्दळ पाहायला मिळते. आषाढ आणि श्रावण महिन्यात निसर्गरम्य पर्यटन बहरलं जातं. त्यातूनच, फॅमिली पिकनीक आणि मित्र-मैत्रिणींसह फिरायला जाऊन निसर्ग सौंदर्यांचा आनंद घेतला जातो. मात्र, गेल्या काही वर्षांपासून सोशल मीडियावर (Social media) फोटो टाकणे किंवा रिल्स बनवणे, यासाठी अनेक तरुण तरुणी आपला जीव धोक्यात घालून धबधब्याच्या (Waterfall) ठिकाणी वावरतात. पाण्याच्या प्रवाहाशी खेळताना आपल्या जीवाचा खेळ या तरुणाईकडून होतो. काही दिवसांपूर्वी पुण्यातील भुशी डॅमवर अशीच दुर्घटन घडली होती. आता, रायगड (Raigad) जिल्ह्याच्या माणगाव कुंभे येथील जलविद्युत प्रकल्प परिसरात फिरायला गेलेल्या तरुणीला आपला जीव गमवावा लागला.  

पावसाळा सुरू झाला की सर्वत्र निसर्गातील पर्यटन स्थळं खुली होतात, आणि हीच पर्यटन स्थळं प्रत्येकाला आपल्याकडे खेचण्याची भुरळ घालतात. मात्र, याच स्थळांना भेटी देण्यासाठी काही अतिउत्साही तरुण तरुणी आपल्या जीवाची परवा न करता तेथील परीस्थितीचा अंदाज सुध्दा लक्षात न घेता स्वतःचा जीव धोक्यात घालतात.असाच प्रकार माणगाव तालुक्यातील कुंभे जलविद्युत प्रकल्प असलेल्या धबधबा परीसरात मंगळवारी घडला. व्यवसायाने चार्टर्ड अकाऊंटंट असलेली आणि सोशल मीडियावर सोशल मीडिया इन्फ्लुएंसर म्हणून प्रसिद्ध असलेल्या अन्वीला आपला जीव गमवाला लागला आहे. सोशल मीडियातून तिने रील स्टार म्हणून स्वतःची ओळख निर्माण केली होती. मुंबईच्या माटुंगावरुन ही तरुणी आपल्या 6 मित्रांसोबत पावसाळी सहलीसाठी या भागात फिरण्यासाठी आली, मात्र दुर्दैवाने तिची ही सहल शेवटची ठरली.

अन्वी कामदार असं या मुलीचं नाव असून सेल्फीच्या नादात तिचा धबधब्याजवळ अपघात झाला, त्यातच ती स्वतःचा जीव गमावून बसली. पावसाळी पर्यटनाचा  रायगडमध्ये आतापर्यंतचा हा दहावा बळी आहे. अन्वी संजय कामदार (वय 27) असं या मृत तरुणीचं नावं असून ती  मुंबईतील माटुंगा येथील रहिवासी होती. माटुंगा येथून पाच ते सहा जण पावसाळी पर्यटनासाठी रायगडमध्ये आले होते. अन्वी ही माणगाव परीसरात असणाऱ्या कुंभे जलविद्युत परीसरातील एका टेकडीवर रिल बनवत होती, मोबाईलमध्ये रिल शूट करत असताना तिचा तेथून अचानक तोल गेला आणि ती 200 ते 250 फूट खोल दरीत कोसळली. या दुर्घटनेनंतर तिला रुग्णालयात नेण्यात आले. मात्र, तिचा उपचारादरम्यान मृत्यू झाला. अन्वीच्या अकाली निधनाने तिच्या मित्रपरिवारात शोककळा पसरली असून तिच्या अपघाती मृत्यूमुळे सर्वत्र हळहळ व्यक्त होत आहे. 

हेही वाचा