मान्सूनची राज्यात धडाकेबाज एन्ट्री, 12 दिवस आधीच देवगडमध्ये दाखल; महाराष्ट्र कधी व्यापणार?
Maharashtra Monsoon Update : पुढच्या पाच दिवसात राज्यातील बहुतांश ठिकाणी मुसळधार पावसाची शक्यता असून महाराष्ट्र व्यापण्यासाठी मान्सूनसाठी अनुकूल वातावरण निर्मिती झाली आहे.
Monsoon Rain in Maharashtra : संपूर्ण राज्यासाठी आणि बळीराजासाठी आनंदाची बातमी असून मान्सून महाराष्ट्रात दाखल झाला आहे. तब्बल 12 दिवस आधीच मान्सून तळकोकणातील देवगडमध्ये दाखल झाल्याची घोषणा हवामान विभागानं केली आहे. महाराष्ट्रामध्ये साधारण 7 जूनला मान्सून दाखल होतो. मात्र यंदा वेळेच्या आधीच मान्सून महाराष्ट्रात दाखल झाला आहे. त्यामुळे सर्वसामान्यांसह शेतकऱ्यांनाही मोठा दिलासा मिळाला. दरम्यान, मुंबईतही लवकरच मान्सून दाखल होणार असल्याचं हवामान विभागानं म्हटलं आहे.
Monsoon In Kokan Maharashtra : मान्सून तळकोकणात दाखल
नैऋत्य मान्सूनने भारतात एण्ट्री केली असून केरळ, कर्नाटकचा बहुतांश भाग, संपूर्ण गोवा आणि महाराष्ट्रातील तळकोकण व्यापला आहे. तळकोकणातील देवगडमध्ये मान्सून दाखल झाला असून पुढचे पाच दिवस रत्नागिरी आणि सिंधुदुर्गमध्ये मुसळधार पावसाची शक्यता वर्तवण्यात आली आहे.
Kolhapur Rain Update : कोकण आणि कोल्हापूरमध्ये मुसळधार पाऊस
पुढच्या तीन दिवसात मान्सूनसाठी पूरक परिस्थिती असून महाराष्ट्राच्या अनेक भागात मान्सून दाखल होण्याची शक्यता मुंबईतील प्रादेशिक हवामान खात्याने वर्तवली आहे. पुढच्या पाच दिवसांसाठी कोल्हापूर, कोकणामध्ये मुसळधार पावसाची शक्यता वर्तवण्यात आली आहे. कोकणातील सिंधुदु्र्ग, रत्नागिरी, रायगडचा काही भाग, तर पश्चिम महाराष्ट्रातील कोल्हापूर आणि सांगली-साताऱ्याच्या काही भागासाठी अलर्ट जारी करण्यात आला आहे.
कोकण-गोवा (दक्षिण) जिल्ह्यांमध्ये काही ठिकाणी मुसळधार ते अतिमुसळधार पावसाची शक्यता आहे. तसेच दक्षिण मध्यम महाराष्ट्राच्या घाट भागांमध्ये तुरळक ठिकाणी मुसळधार पावसाची शक्यता आहे.
Conditions are favorable for further advance of Southwest Monsoon into some more parts of central Arabian Sea, some more parts of Maharashtra including Mumbai. pic.twitter.com/3htxZUIo1b
— Regional Meteorological Center,Mumbai (@RMC_Mumbai) May 25, 2025
Marathwada Rain News : उत्तर महाराष्ट्र, मराठवाड्यात काय परिस्थिती?
उत्तर कोकण आणि उत्तर मध्यम महाराष्ट्रातील तुरळक ठिकाणी वादळ, विजांचा कडकडाट सुरू आहे. या परिसरात 40-50 किमी प्रतितास वेगाने वाहणारे झंझावाती वारे आणि मुसळधार ते अतिमुसळधार पावसाची शक्यता आहे. तर मराठवाड्यातील काही ठिकाणी मुसळधार पावसाची शक्यता वर्तवण्यात येत आहे.
बहु मौसम संबंधी चेतावनी
— India Meteorological Department (@Indiametdept) May 25, 2025
मुख्य बिंदु
दक्षिण-पश्चिम मानसून में, 25 मई 2025 को और प्रगति हुई है, जिससे यह कर्नाटक के कुछ और हिस्सों, पूरे गोवा, महाराष्ट्र के कुछ हिस्सों, मिजोरम के कुछ और हिस्सों, मणिपुर और नागालैंड के कुछ हिस्सों में पहुंच गया है।
मौसम की परिस्थितियाँ अनुकूल बनी… pic.twitter.com/OQaadAoXUm
ही बातमी वाचा:
महत्त्वाच्या बातम्या
