Maratha Reservation : मराठा समाजाला दिलासा, विद्यार्थी आणि उमदेवारांना मिळणार 10% EWS आरक्षण

मराठा विद्यार्थी आणि उमेदवारांना  शैक्षणिक संस्थांमधील प्रवेशात   10% आर्थिक दृष्ट्या मागास प्रवर्ग (EWC) आरक्षणाचा लाभ घेता येणार आहे. त्याबरोबर सरळ सेवा भरतीत ही मराठा उमेदवार  10%  आरक्षणाचा  लाभ घेऊ शकतात.

मराठा आरक्षण

मुंबई : राज्यातील मराठा विद्यार्थी आणि उमेदवारांना  शैक्षणिक संस्थांमधील प्रवेशात   10%  आर्थिक दृष्ट्या मागास प्रवर्ग (EWC) आरक्षणाचा लाभ घेता येणार आहे. त्याबरोबर सरळ सेवा भरतीत ही मराठा उमेदवार  10% EWC आरक्षणाचा  लाभ घेऊ शकतात. या संदर्भातील आदेश राज्य सरकरने जारी केला आहे. 

सुप्रीम कोर्टाने मराठा आरक्षण रद्द केल्यानंतर मराठा समाजाला दिलासा देण्याचा राज्य सरकारचा प्रयत्न आहे. राज्यात मराठा आरक्षण लागू असताना मराठा समाजाला 10 टक्के EWS आरक्षणाचा फायदा घेता येत नव्हता तसा निर्णय सरकारने घेतला होता. आता मात्र मराठा आरक्षण रद्द झाल्यावर मराठा समाजाला EWS आरक्षण लाभ देण्याचा  निर्णय सरकारने दिला आहे.

EWS आरक्षण म्हणजे काय..?

•  EWS म्हणजे Economically Weaker Sections अर्थात आर्थिकदृष्ट्या दुर्बल घटक.
• EWS वर्गातील व्यक्तींना शिक्षण आणि नोकरीत दहा टक्के आरक्षण देण्याचा निर्णय केंद्र सरकारनं 2019 मध्ये घेतला होता.
• ज्या कुटुंबाचं वार्षिक उत्पन्न आठ लाखांपेक्षा कमी आहे अशा व्यक्तींना EWS अंतर्गत शिक्षण आणि नोकरीत आरक्षण मिळू शकतं.
• EWS आरक्षणासाठी पात्र व्यक्तींच्या कुटुंबाची शेती पाच एकरापेक्षा जास्त नसावी असं हा कायदा सांगतो.