बंपर ऑफरनंतर अनेक शोरुममध्ये दुचाकी 'आऊट ऑफ स्टॉक'!

मुंबई: भारत स्टेज थ्री इंजिन असलेल्या गाड्यांवर बंपर डिस्काऊंटचा आज शेवटचा दिवस आहे. त्यामुळे तुम्हाला स्वस्तात दुचाकी आणि चारचाकी गाडी खरेदी करण्यासाठी आता फक्त 12 तास उरले आहेत. मात्र पुण्यात आणि औरंगाबादेत वाहन खरेदीसाठी आलेल्या लोकांची मोठी निराशा झाली. गाड्या 'आऊट ऑफ स्टॉक' असल्यानं ग्राहकांना निराश होऊन परतावं लागलं आहे. भारत स्टेज थ्री या इंजिनामुळे होणारं प्रदूषण टाळण्यासाठी सर्वोच्च न्यायालयानं भारत स्टेज थ्री इंजिन असलेल्या गाड्यांवर बंदी घातली आहे. त्याऐवजी उद्यापासून फक्त भारत-४ इंजिन असलेल्या गाड्यांचीच विक्री होणार आहे. होंडाने स्कूटरवर तब्बल 13 हजार 500 रुपये इतकी भरघोस सूट दिली आहे.  तर मोटारसायकलवर तब्बल 18 हजार 500 रुपयांचा डिस्काऊंट दिला आहे. या गाड्या खरेदी केल्यानंतर आजच याची नोंदणी करायची आहे. त्यानंतर या गाड्यांची नोंदणी होणार नाही. तुम्हाला कोणत्या शहरात, कोणती बाईक हवी आहे, हे कंपनीला तातडीने कळवावं लागले. किंवा थेट डिलरशी संपर्क साधून अधिक माहिती जाणून घेता येईल. 1 एप्रिलपासून BS-III इंजिन असलेल्या गाड्यांच्या नोंदणीला मनाई करण्यात आली आहे. त्यामुळे BS-III इंजिन असलेल्या जवळपास 6 लाख दुचाकींसह एकूण 8 लाखापेंक्षा अधिक नवी वाहनं शोरुममध्ये उभी आहेत. ही वाहनं खपवण्यासाठी वाहन कंपन्यांनी मोठी आणि भरघोस सूट दिली होती. पण आता बऱ्याच ठिकाणी गाड्या आऊट ऑफ स्टॉक असल्याचं सांगण्यात येत आहे. कोणत्या गाडीवर किती डिस्काऊंट? 1) ड्युएट, मेस्ट्रो एज, प्लेजर  – 12 हजार 500 रु. सूट 2) HFडिलस्क सिरीज – 5 हजार रुपये सूट 3) स्प्लेंडर प्लस – 5 हजार सूट 4) ग्लॅमर, एक्स्प्रो, आयस्मार्ट 100 – 7 हजार 500 सूट मिरजेतील टीव्हीएस शोरुममध्ये किती सूट?

• ज्युपिटर – 9 हजार सूट
• व्हिक्टर – 9 हजार सूट
• स्कूटी – 5 हजार सूट
• अपाचे – 9 हजार सूट
• XL 100 – 5 हजार सूट
• TVS वि गो – 8 हजार सूट
• फिनिक्स – 12 हजार सूट

  अॅक्टिव्हा 3G –13 हजारपर्यंत सूट सीबीआर स्पोर्ट्स बाईक – 22 हजार हजारपर्यंत सूट होंडा नवी – 20 हजारापर्यंत सूट गाडी पुन्हा विक्रीला काहीही अडचण नाही दरम्यान, आज-उद्या गाडी खरेदी करुन, तिची नोंदणीही झाल्यास, ती गाडी पुन्हा विकण्यास काहीही अडचण नसेल. कारण एकदा नोंदणी झालेल्या गाडीचा मालक बदलेल, त्यामुळे भविष्यात कोणतेही प्रश्न निर्माण होणार नाहीत, असंही व्यवस्थापकांनी सांगितलं. BS-III इंजिन असलेल्या जुन्या गाड्यांबाबत सुप्रीम कोर्टाने मोठा निर्णय दिला आहे. यापुढे BS-III इंजिन असलेल्या गाड्यांची खरेदी-विक्रीच बंद करण्याचा निर्णय कोर्टाने दिला. पर्यावरणाचं प्रदूषण रोखण्यासाठी सुप्रीम कोर्टाने हे महत्त्वपूर्ण पाऊल उचललं आहे. या निर्णयामुळे BS-III  इंजिन असलेल्या तब्बल 8 लाख 14 हजार गाड्यांच्या विक्रीवर संक्रात आली आहे. या निर्णयामुळे भारतात आता केवळ BS IV इंजिन असलेल्या गाड्यांच्याच खरेदी-विक्रीला परवानगी असेल. BS-III  आणि BS IV इंजिन म्हणजे काय?

• BS म्हणजे भारत स्टॅण्डर्ड स्टेज. इंजिनाच्या अंतर्गत वहनामुळे होणाऱ्या प्रदूषणाच्या नियमनासाठी, केंद्र सरकारने दिलेलं मानक म्हणजे BS होय. केंद्रीय प्रदूषण नियंत्रण मंडळ हे त्यावर नियंत्रण ठेवतं.

 

• BS मानकं ही भारतात धावणाऱ्या सर्व वाहनांसाठी लागू आहेत.

 

• भारतात जसं BS मानकं आहेत, तशी युरापोत Euro, अमेरिकेत Tier 1, Tier 2 अशी मानकं आहेत.

 

• वाहनाच्या इंजिनामुळे होणाऱ्या प्रदूषणावर नियंत्रण ठेवण्यासाठी BS मानांकनात वेळोवेळी सुधारणा होत असते. BS IV हा त्याचाच भाग असून, कमीत कमी वायू प्रदूषणाच्या दृष्टीने आता भारतात वाहनांमध्ये BS IV इंजिन बंधनकारक आहे.

  संबंधित बातम्या BS-III इंजिनच्या गाड्या भंगारात, खरेदी-विक्रीला बंदी : सुप्रीम कोर्ट होंडाच्या टू व्हीलरवर 18 हजारांची सूट, गाड्या खपवण्यासाठी धावाधाव