Manoj Jarange Live : जुन्या मुंबई पुणे महामार्गावर शीघ्र कृती दल तैनात , मराठा आरक्षणाची प्रत्येक Live अपडेट एका क्लिकवर
Manoj Jarange Mumbai March Live Update : पिंपरी-चिंचवडमध्ये पहाटे साडेचार वाजता मराठा बांधवांनी जेसीबी लावून मनोज पाटील यांच्यावर फुल उधळली, फटाके वाजवून त्यांचं स्वागत केलं.
LIVE
Background
Manoj Jarange Mumbai March Live Update : मराठा समाजाला ओबीसीमधून आरक्षण (OBC Reservation) देण्याच्या मागणीसाठी आंतरवाली सराटी येथून मनोज जरांगेंच्या (Manoj Jarange) नेतृत्वाखाली निघालेलं भगवे वादळ आता मुंबईच्या (Mumbai) वेशीनजीक येऊन ठेपले आहे. मराठा आरक्षण संघर्षयोद्धे मनोज जरांगे पाटील आणि त्यांच्या सहकारी आंदोलकांनी जालना (Jalna), बीड (Beed), अहमदनगर (Ahmednagar) आणि आता पुणे (Pune) जिल्ह्याची सीमा ओलांडून मुंबईच्या वेशीवर धडक दिली आहे. विशेष म्हणजे लाखोच्या संख्येने असलेल्या या जनसमुदायाला घेऊन मनोज जरांगे उद्या (26 जानेवारी) रोजी मुंबईत धडकणार आहे.
पिंपरी-चिंचवडमध्ये पहाटे साडेचार वाजता मराठा बांधवांनी जेसीबी लावून मनोज पाटील यांच्यावर फुल उधळली, फटाके वाजवून त्यांचं स्वागत केलं. पहाटे साडेचार वाजता मोठ्या संख्येने मराठा बांधव मनोज जरांगे पाटील यांच्या स्वागतासाठी उपस्थित होते. यामध्ये महिलांचाही मोठा सहभाग पाहायला मिळाले.
Manoj Jarange : फसवून झोपेतच सही घेतली; मनोज जरांगेंचा गंभीर आरोप
Manoj Jarange : सकाळी कुणीतरी अधिकारी आले आणि झोपेच्या नादात माझी सही घेतली, कोर्टाचे कागदपत्रं असल्याचं सांगत त्यांनी माझी सही घेतली, पण त्याचा दुरुपयोग केला तर गाठ माझ्याशी असल्याचा गंभीर इशारा मनोज जरांगे (Manoj Jarange) यांनी केला. लोणावळ्यातून आज मनोज जरांगे हे वाशीकडे निघाले असून पोलिसांनी त्यांना मार्ग बदलण्याची विनंतीही त्यांनी मान्य केली आहे. मनोज जरांगेंचा मुक्काम आज वाशीमध्ये असणार आहे.
Rohit Pawar : संविधानानं प्रत्येकाला आंदोलनाचा अधिकार दिलाय, त्यांना मैदानात येण्यापासून रोखू शकत नाही; रोहित पवारांच्या प्रतिक्रिया
Rohit Pawar : मनोज जरांगे यांनी सुरु केलेल्या मराठा आरक्षणाच्या आंदोलनाला मुंबईत पोलिसांनी परवानगी नाकारल्याची माहिती समोर आली. यावर राष्ट्रवादी शरद पवार गटाचे आमदार रोहित पवार यांनी प्रतिक्रिया दिलीये. संविधानाने प्रत्येकाला आंदोलन करण्याचा अधिकार दिलेला आहे. हे युवावर्गाचं आंदोलन असून त्यांना कोणाही आझाद मैदानात येण्यापासून रोखू शकत नाही, अशी प्रतिक्रिया रोहित पवार यांनी एबीपी माझाला दिली.
Manoj Jarange Live : मराठा आरक्षण देणारच, काल अन् आजही तीच भूमिका; मुख्यमंत्री शिंदे स्पष्टच बोलले
CM Eknath Shinde On Manoj Jarange : मनोज जरांगे यांच्या आंदोलनावर मुख्यमंत्री एकनाथ शिंदे (CM Eknath Shinde) यांची प्रतिक्रिया आली आहे. सरकार पूर्णपणे सकारात्मक आहे. सरकार मराठा आरक्षण देण्याच्या मनस्थितीत काम करत आहे. आणि देत देखील आहे. कुठलेही आश्वासन न देता थेट मराठा समाजाशी संबंधित योजनांचे निर्णय घेतले जात आहे. ओबीसी प्रमाणे ज्या सुविधा आहेत, त्या देखील मराठा समाजाला देण्याचं प्रयत्न केले जात आहे. तर, मराठा समाजाला आरक्षण देण्यावर सरकार ठाम असून, कालही आमची तीच भूमिका होती आणि आजही तीच भूमिका असल्याचे देखील मुख्यमंत्री शिंदे म्हणाले.
संपूर्ण बातमीसाठी खालील लिंकवर क्लिक करा...
Manoj Jarange : ऊन, वाऱ्यात आमचेही हाल, फक्त मुंबईचे हाल होणार नाहीत, आझाद मैदानावर व्यासपीठ तयार
Manoj Jarange : ऊन, वाऱ्यात आमचेही हाल, फक्त मुंबईचे हाल होणार नाहीत, आझाद मैदानावर व्यासपीठ तयार
व्हिडिओ...
Manoj Jarange Live : मुंबईला जाण्याची हौस नाही, आरक्षण द्या, गावी जातो, परवानगी नाकारतचा मनोज जरांगेंचा पवित्रा
Manoj Jarange Live : मराठा आंदोलनासाठी मुंबई पोलिसांनी (Mumbai Police)आझाद मैदानातील (Azad Maidan)उपोषणाला परवानगी नाकारल्यानंतर, मनोज जरांगे (Manoj Jarange) यांनी एबीपी माझाला पहिली प्रतिक्रिया दिली. कोण म्हणलं नाकारली, परवानगी दिलीय. न्यायालयाने दिलीय, आमचे वकील बांधवही कोर्टात चाललेत, असं मनोज जरांगे म्हणाले. मुंबईला जाण्याची हौस नाही, आरक्षण द्या, गावी जातो, असा पवित्रा मनोज जरांगे यांनी घेतला.
संपूर्ण बातमी...
महत्त्वाच्या बातम्या
ट्रेंडिंग न्यूज
