Chandrapur: हृदयद्रावक घटना! चंद्रपूरात दोन मुलांसह विहिरीत उडी घेऊन महिलेची आत्महत्या
Chandrapur Shocking: संबंधित महिलेचं शनिवारी तिच्या पतीसोबत भांडण झालं होतं.
Chandrapur Shocking: चंद्रपूर जिल्ह्याच्या ब्रह्मपुरी (Brahmapuri) शहराजवळ असलेल्या मालडोंगरी (Maldongari) येथील एका महिलेनं पोटच्या दोन मुलांसह आत्महत्या केली आहे. ही घटना रविवारी सकाळी उघडकीस आलीय. या घटनेनंतर संपूर्ण परिसरात एकच खळबळ माजली आहे. मिळालेल्या माहितीनुसार, संबंधित महिलेच शनिवारी तिच्या पतीसोबत भांडण झालं होतं. ज्यामुळं या महिलेनं दोन मुलांसह विहिरीत उडी घेऊन आत्महत्या केल्याची माहिती समोर आलीय. याप्रकरणी स्थानिक पोलीस अधिक तपास करीत आहेत.
दीपा रवींद्र पारधी (वय, 33) आयुष रवींद्र पारधी (वय, 6) आणि पियुष रवींद्र पारधी (वय, 3) अशी मृतकांची नावे आहेत. शनिवारी रात्री मालडोंगरी येथील दीपा हीचा पती रवींद्र यांच्यासोबत वाद झाल्यामुळे रागाच्या भरात पत्नी दीपा आपल्या दोन मुलांसह घरून निघून गेली. पती रवींद्रनं नातेवाईक- शेजार्‍यांसह शोधाशोध केली. दरम्यान, सकाळी ब्रम्हपुरीकडं जाणाऱ्या मार्गालगत असलेल्या शेतातील विहिरीत गावकऱ्यांना दीपा, आयुष आणि पियुष या तिघांचे मृतदेह तरंगताना दिसून आले. या घटनेची माहिती पोलिसांना देण्यात आली. त्यानंतर गावकऱ्यांच्या मदतीनं तिन्ही मृतदेह बाहेर काढण्यात आले. या प्रकरणी ब्रम्हपुरी पोलीस अधिक तपास करीत आहेत.
कल्याण: खलबत्त्यानं ठेचून पोलीस कॉन्स्टेबलची हत्या
कल्याण येथे एका पोलीस कॉन्स्टेबलची त्यांच्या राहत्या घरात हत्या झाली. पत्नी आणि मुलानेच त्यांची हत्या केल्याचं पोलीस चौकशीत उघड झाले. पोलीस कॉन्स्टेबल प्रकाश बोरसे हे मुंबईच्या कुर्ला पोलीस ठाण्यात कार्यरत होते. आरोपी पत्नी ज्योती आणि मुलगी भाग्यश्री या दोघींना कोळशेवाडी पोलिसांनी ताब्यात घेतलंय. भाग्यश्री हिचे तीन वर्षांपूर्वी लग्न झालं होतं. मात्र भाग्यश्री सासरी नांदत नसल्याने बोरसे यांच्या घरात नेहमी वाद होत होते. याच वादातून गुरुवारी पत्नी ज्योती व मुलगी भाग्यश्री यांनी त्यांची हत्या केलीय.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
हे देखील वाचा-
महत्त्वाच्या बातम्या
ट्रेंडिंग न्यूज
