Maharashtra Talathi exam 2023 live updates: तलाठी भरती परीक्षेत सर्व्हर डाऊनचं विघ्न, लाखो परीक्षार्थींचा खोळंबा
Maharashtra Talathi exam 2023 live updates : तलाठी परीक्षा निर्विघ्नपणे पार पडतील, का, असा प्रश्न तलाठी पदाचे परीक्षार्थी विचारत आहेत.
LIVE
Background
Maharashtra Talathi exam 2023 live updates: सर्व्हरमधील तांत्रिक बिघाडामुळे तलाठी भरती परीक्षा उशिराने सुरू झालीय. त्यामुळे पुढील दोन सत्रातील परीक्षाही दीड तास उशिराने सुरू होतील, अशी माहिती जमाबंदी आयुक्त अनिल रायते यांनी दिलीय. दुपारी साडेबारा वाजता सुरू होणारी परीक्षा आता दोन वाजता सुरू होणार आहे. तशी सूचना सर्व परीक्षा केंद्रांबाहेर लावण्यात आलीय.
राज्यात तलाठी भरतीसाठी परीक्षा सुरू आहेत आणि या परीक्षेत आज सर्व्हरचं विघ्न उभं राहिलं होतं. सर्व्हरच्या तांत्रिक बिघाडामुळे परीक्षा वेळेवर सुरू झाल्या नाहीत. त्यामुळे राज्यातील नागपूरसह अकोला, छत्रपती संभाजीनगर, लातूर आदी अनेक परीक्षा केंद्रावर प्रचंड गोंधळ झाला.
4 हजार 644 तलाठी पदांसाठी एकूण १० लाख ४१ हजार अर्ज आलेत. त्यामुळे लाखो उमेदवारांची सकाळपासून घालमेल सुरू होती. परीक्षा केंद्रांवर मोठ्या संख्येने उमेदवार प्रवेश पत्र हातात घेऊन उभे होते पण त्यांना वर्गात प्रवेश दिला जात नव्हता. त्यामुळे उमेदवार संतप्त झालेत. या आधी नाशिकमध्ये तलाठी भरतीच्या परीक्षेत हायटेक कॉपीचा प्रकार उघडकीस आला होता. त्यामुळे य़ापुढे तरी तलाठी परीक्षा निर्विघ्नपणे पार पडतील, का, असा प्रश्न तलाठी पदाचे परीक्षार्थी विचारत आहेत. दरम्यान, आता सर्व्हर पूर्ववत व्हायला सुरुवात झालीय. सकाळी 9 ते 11 या वेळेत ही परीक्षा होती. मात्र अजूनही परीक्षा सुरू होऊ शकलेली नाही.
गेले चार दिवस राज्यात तलाठी पदासाठीची ऑनलाईन परीक्षा सुरू आहे.रोज परीक्षा ही तीन सत्रांमध्ये घेतली जाते. पहिले सत्र सकाळी 9 ते 11, दुसरे सत्र दुपारी 12.30 ते 2.30 आणि तिसरे सत्र सायंकाळी 4.30 ते 6.30 या वेळेत होते. ऑनलाइन परीक्षेत बहुपर्यायी प्रश्नपत्रिका परीक्षार्थींना सोडवावी लागते. राज्यभरात 17 लाखापेक्षा जास्त परीक्षार्थी यंदा तलाठी पदासाठीच्या परीक्षेसाठी बसलेले आहे. त्यामुळे ही परीक्षा राज्यभरातील विविध केंद्रांवर अनेक दिवस घ्यावी लागत आहे.
आज सकाळी ऑनलाइन परीक्षेसाठीचा सर्व्हर डाऊन झाल्यामुळे पहिल्या सत्राची परीक्षा वेळेत सुरू झाली नाही. सकाळी 9. 40 वाजता जवळपास सर्व्हर सुरू झाल्याची माहिती आहे. सर्व परीक्षार्थी बसल्यानंतर मुंबईतून टीसीएसकडून सर्व संगणकांवर एकाच वेळी प्रश्नपत्रिका दिली जाते आणि तिथून दोन तास मोजले जातात नागपुरातील सर्व केंद्रांवर पहिल्या सत्रातील परीक्षार्थींना ज्या वेळेस त्यांचा पेपर सुरू होईल तेव्हापासून पूर्ण दोन तासाचा कालावधी दिला जाईल असे सांगितले गेले.
सकाळी परीक्षा केंद्रांवर मोठ्या संख्येने उमेदवार प्रवेश पत्र हातात घेऊन उभे होते पण त्यांना वर्गात प्रवेश दिला जात नव्हता. त्यामुळे उमेदवार संतप्त झालेत. या आधी नाशिकमध्ये तलाठी भरतीच्या परीक्षेत हायटेक कॉपीचा प्रकार उघडकीस आला होता. त्यामुळे य़ापुढे तरी तलाठी परीक्षा निर्विघ्नपणे पार पडतील, का, असा प्रश्न तलाठी पदाचे परीक्षार्थी विचारत आहेत. दरम्यान, आता सर्व्हर पूर्ववत झाला आहे.
Vikhe Patil: विद्यार्थी परीक्षेपासून वंचित राहणार नाही : विखे पाटील
Vikhe Patil: आजपासून राज्यातील 115 टीसीएस केंद्रावर भरतीची प्रक्रिया केली होती. डेटा सर्व्हर आहे त्यामुळे परीक्षा वेळेवर सुरू झाल्या नाहीत. पहिले सत्र 11 ते 1 करण्यात आले आहे. दुपारचे सत्र 2.30 ते 4.30 केले. सर्व परीक्षा केंद्र आहेत त्या ठिकाणी निवासी अधिकारी आहेत. विद्यार्थी परीक्षेपासून वंचीत राहणार नाही याची आम्ही काळजी घेतो. तांत्रिक बिघाड कशामुळे झाल्या याबाबत मुख्य सचिव माहिती घेत आहेत. मात्र कुणीही विद्यार्थी परीक्षेपासून वंचित राहणार नाही, याची खबरदारी शासनाने घेतली आहे, असे विखे पाटील म्हणाले.
Rohit Pawar: तलाठी पेपर फुटीवरून आमदार रोहित पवारांचा गंभीर आरोप
Rohit Pawar: राज्यात सध्या सुरू असलेल्या तलाठी भरतीचे पेपर सातत्याने फुटत आहेत यावरून राष्ट्रवादीचे आ. रोहित पवारांनी सरकारवर गंभीर आरोप केलाय. सातत्याने पेपर फुटत असल्याने सरकारमधीलच एखादा नेता या पेपरफुटीमागे आहे का? असं आमदार रोहित पवारांनी म्हंटलंय.सोबतच विद्यार्थ्यांकडून एक हजार रुपये ऐवजी शंभर रुपये फी घ्यावी तसेच ज्या जिल्ह्यातील उमेदवार आहे त्याच जिल्ह्यात पेपर घ्यावेत, अनेकांना बाहेरचे जिल्हे मिळाल्याने ते उमेदवार पेपरला वेळेत पोहचू शकले नाहीत असं रोहित पवारांनी म्हंटलंय.
Talathi Bharti: जालन्यात तलाठी भरतीमध्ये परीक्षा केंद्रावरून उमेदवारांचा गोंधळ कायम
Talathi Bharati: तलाठी भरती परीक्षेच्या सर्व्हर डाऊनच्या गोंधळानंतर पुढे होणाऱ्या परीक्षेच्या नियोजनाबद्दल सुद्धा विद्यार्थ्यांच्या मनामध्ये शंका आहे. परीक्षा केंद्रासाठी विद्यार्थ्यांनी दिलेले पर्याय न देता दुसरेच आणि दूरवरचे पर्याय येत असल्याने उमेदवारांमध्ये गोंधळ निर्माण झाला आहे. परीक्षेसाठी फॉर्म भरताना विद्यार्थ्यांना जवळच्या सेंटरचे तीन पर्याय दिलेत मात्र तिन्ही पैकी एकही पर्याय मिळत नसल्याने परीक्षा समिती ने या सेंटर निवडीचे हे ऑप्शन तरी कशासाठी दिले असा प्रश्न विद्यार्थी विचारू लागले आहेत. जालना जिल्ह्यातील अनेक विद्यार्थ्यांचे मराठवाड्याबाहेर परीक्षा केंद्र आले आहे
Talathi exam 2023 live updates: तलाठी भरती परीक्षा दीड तास उशिराने सुरू होणार
Talathi exam 2023 live updates: सर्व्हरमधील तांत्रिक बिघाडामुळे तलाठी भरती परीक्षा उशिराने सुरू झालीय. त्यामुळे पुढील दोन सत्रातील परीक्षाही दीड तास उशिराने सुरू होतील, अशी माहिती जमाबंदी आयुक्त अनिल रायते यांनी दिलीय.
महत्त्वाच्या बातम्या
ट्रेंडिंग न्यूज
