![ABP Premium](https://cdn.abplive.com/imagebank/Premium-ad-Icon.png)
Jejuri Shashan Aplya Dari : जेजुरीतील 'शासन आपल्या दारी' कार्यक्रमाचा अखेर मुहूर्त ठरला; 'या' तारखेला होणार कार्यक्रम
जेजुरीतील 'शासन आपल्या दारी' कार्यक्रमाचा अखेर मुहूर्त लागला आहे. येत्या 23 जुलैला पुरंदर तालुक्यातील जेजुरीत हा कार्यक्रम पार पडणार आहे. यापूर्वी तीन वेळा हा कार्यक्रम रद्द करण्यात आला होता.
![Jejuri Shashan Aplya Dari : जेजुरीतील 'शासन आपल्या दारी' कार्यक्रमाचा अखेर मुहूर्त ठरला; 'या' तारखेला होणार कार्यक्रम Maharashtra state government shashan aplya dari programme 23 jully in jejuri pune district Jejuri Shashan Aplya Dari : जेजुरीतील 'शासन आपल्या दारी' कार्यक्रमाचा अखेर मुहूर्त ठरला; 'या' तारखेला होणार कार्यक्रम](https://feeds.abplive.com/onecms/images/uploaded-images/2023/07/19/ea9b63ace45b909da14f2120f9de7cb01689770350862442_original.png?impolicy=abp_cdn&imwidth=1200&height=675)
Jejuri Shashan Aplya Dari : जेजुरीतील 'शासन आपल्या दारी' कार्यक्रमाचा (Shashan Aplya Dari ) अखेर मुहूर्त लागला आहे. येत्या 23 जुलैला पुरंदर तालुक्यातील जेजुरीत हा कार्यक्रम पार पडणार आहे. यापूर्वी तीन वेळा हा कार्यक्रम अनेक कारणांमुळे रद्द करण्यात आला होता. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस आणि उपमुख्य़मंत्री अजित पवार यांच्या उपस्थितीत 'शासन आपल्या दारी' आणि जेजुरी विकास आराखडा भूमीपूजन कार्यक्रमाचे आयोजन करण्यात आले आहे.
या कार्यक्रमासाठी लाभार्थी राज्य परिवहन महामंडळाच्या बसने आणि अन्य वाहनांने मोठ्या प्रमाणात उपस्थित राहणार असल्याने वाहतूक कोंडी होऊ नये म्हणून वाहतुकीत बदल करण्यात आल्याचे आदेश जिल्हाधिकारी डॉ. राजेश देशमुख यांनी जारी केले आहेत. वाहतुक कोंडी होऊ नये म्हणून 23 जुलै रोजी पहाटे 5 वाजेपासून ते सायंकाळी 8 वाजेपर्यंत पुणे ते पंढरपूर राष्ट्रीय महामार्गआणि पुणे ते बारामती या मार्गावरील जड, अवजड आणि इतर वाहतूक बंद करुन अन्य पर्यायी मार्गाने वळविण्यात येणार आहे.
कोणते मार्ग सुरु कोणते बंद?
-जेजुरी पोलीस स्टेशन, पुणे ग्रामीण हद्यीतील वाहतूक: सातारा, फलटण, लोणंद, बारामती येथून पुणे येथे जाण्याकरीता जेजुरी सासवडकडे येणारी जड अवजड आणि इतर - वाहतुक पूर्णपणे बंद करुन त्यावरील वाहने ही निरा-मोरगाव-सुपा ते केडगाव चौफुला मार्गे पुणे-सोलापुर महामार्ग क्रमांक 65वरुन पुणे या मार्गे वळविण्यात येणार आहेत.
- पुण्याकडून बारामतीकडे जाणारी वाहतूक पूर्णपणे बंद करुन बेलसर- कोथळे- नाझरे सुपे-मोरगाव रस्ता मार्गे बारामती-फलटण- सातारा या मार्गे वळविण्यात येणार आहे.
- वडगाव निंबाळकर पोलीस स्टेशन, पुणे ग्रामीण हद्दीतील वाहतूक:
बारामती आणि नीरा बाजूकडून जेजुरी मार्गे पुणे बाजुकडे जाणारी जड, अवजड आणि इतर वाहतूक पूर्णपणे बंद करुन ती मोरगाव- सुपा- केडगाव चौफुला मार्गे पुणे- सोलापूर महामार्ग क्रमांक 65 वरुन पुणे या मार्गे वळविण्यात येणार आहे.
सासवड पोलीस स्टेशन, पुणे ग्रामीण हद्दीतील वाहतूक:
पुणे बाजूकडून जेजुरी मार्गे फलटण - सातारा बाजुकडे जाणारी जड, अवजड व इतर वाहतूक पूर्णपणे बंद करुन सासवड- नारायणपूर-कापूरहोळ मार्गे सातारा - फलटण किंवा सासवड-वीर फाटा-परींचे- वीर- वाठार मार्गे लोणंद या मार्गे वळविण्यात येत आहे. वाहतुकीस लावलेले निर्बंध 23 जुलै रोजीच्या ‘शासन आपल्या दारी’ या कार्यक्रमासाठी येणाऱ्या वाहनांसाठी शिथील राहतील. नागरिकांनी वाहतूकीत केलेल्या बदलाची नोंद घेवून सहकार्य करावे, असे आवाहनही करण्यात आले आहे.
हे ही वाचा-
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)